1 Samuel 2:35 - Mbeti ti Nzapa - Tënë so amu fini

³⁵ Na pekoni, fade mbi yeke soro mbeni wayango-sandaga so ayeke sara ye na legeni. Lo yeke sara ande ye so anzere na mbi nga na ye so be ti mbi aye. Mbi yeke sara titene ahale ti lo aduti awayango-sandaga lakue. Zo ti mbi so mbi yeke soro lo titene lo ga gbia, fade ala sara kua na lo.

1 Samuel 2:35 ပူးပေါင်းရင်းမြစ်များ

2 Samuel 7:11

Ti londo na lango so mbi zia awafango-ngbanga ti sara komandema na ndö ti azo ti Israel, azo ti mbi, mbi tumba awato ti mo kue si mo wara lege ti duti kpoo. KOTA GBIA atene na mo lani atene, lo laa lo yeke sara da ndali ti mo.

2 Samuel 7:27

Biani, KOTA GBIA so ngangu ti lo ahon angangu kue, Nzapa ti Israel, mo wani, mo tene na mbi, mo tene, fade ahale ti mbi ayeke le-gbia na peko ti mbi. Nilaa be ti mbi awara ngangu ti sara sambela so.

1 Agbia 1:45

Na pekoni, wayango-sandaga Sadok na wayanga-Nzapa Natan atuku mafuta na li ti lo nduru na li ti ngu ti Gihon. Ala kue alondo na ndo so, ala kiri na gbata, ala dekongo na ngia, tere ti azo ti gbata ni kue anzere. Nda ti wuluwulu so ala ma kâ so laa.

1 Agbia 1:8

Me wayango-sandaga Sadok, na Benaya, molenge ti Yoyada, na wayanga-Nzapa Natan, Shimei, Rei nga na akpengba turugu ti gbia David ake ti mu peko ti Adonia.

1 Agbia 11:38

Tongana mo ma atënë so kue mbi yeke mu ande yanga na mo ti sarango ni, tongana mo tambula na lege so mbi yeke fa na mo, tongana mo sara ye so ayeke mbirimbiri na le ti mbi; mo sara ye alingbi na andia ti mbi nga na lege ti atënë ti yanga ti mbi tongana ti so David, zo ti kua ti mbi asara, fade mbi yeke na mo; mbi yeke sara titene ahale ti mo angba lakue na ndö ti mbata ti gbia na peko ti mo tongana ti so mbi sara na David. Fade mbi yeke mu na mo amara baleoko ti Israel.

1 Agbia 2:35

Gbia azia Benaya, molenge ti Yoyada, makonzi ti aturugu kue na plase ti Yoab. Lo zia wayango-sandaga Sadok na plase ti Abiatar.

1 Mbai 29:22

Na lango ni so, na ngia na be, ala te, ala nyon na dawa ti KOTA GBIA. Ti fani use ni, ala zia Salomon, molenge ti David, gbia. Ala tuku mafuta na li ti lo ti ga makonzi ndali ti KOTA GBIA si ala tuku mafuta nga na li ti Sadok titene lo ga kota wayango-sandaga.

Abia (Psaumes) 18:50

Ndani laa, KOTA GBIA, mbi ye ti mu singila na mo na popo ti amara nde; fade mbi yeke he bia ti gonda iri ti mo.

Abia (Psaumes) 2:2

Agbia ti sese alondo ti tiri bira; amakonzi ti akodro ama tere ti ke *KOTA GBIA, lo na zo ti lo so lo zia lo gbia so.

Sigingo 1:21

lo mu na ala *ahale, ngbanga ti so ala kpe mbeto ti lo.

Ezekiel 34:23

Mbi yeke zia gi wabatango-taba oko na ndö ti ataba ti mbi titene lo bata ala. Wabatango-taba ni ayeke duti David, zo ti kua ti mbi. Lo laa lo yeke gi kobe na ataba ni, lo laa lo yeke duti wabatango ala.

Wungo ti azo 25:13

Mbuki ni ayeke ndali ti lo na *ahale ti lo, ayeke mu lege na ala ti sara kua ti wayango-sandaga kpu na kpu. Mbi sara mbuki, ngbanga ti so tënë ti aye ti mbi Nzapa, agbu be ti lo mingi si lo sara nga ye so azi siokpari na li ti azo ti Israel awe.”

Ahebro 2:17

Ndani laa, alingbi fade lo ga tongana a-ita ti lo na ya ti aye kue. Tongaso, lo ga kota wayango-sandaga so ayeke baa mawa ti azo si lo yeke sara kua ti Nzapa na legeni, titene lo zi asiokpari ti azo.

1 Samuel 10:10

So Saul na zo ti kua ti lo asi na Gibea awe, mbeni bongbi ti awayanga-Nzapa aga awara lo. Yingo ti Nzapa aga na ndö ti Saul si lo na ala kue asara ye tongana azo so Yingo ti Nzapa agbu ala.

1 Samuel 10:9

Gi so Saul azia Samuel ti kiri, Nzapa asanze be ti Saul. Aye so kue Samuel atene tënë ni, asi gi na lango ni so.

1 Samuel 12:3

Baa, mbi laa na dawa ti ala so. Tongana mbi sara mbeni ye ti sioni, ayeke nzoni ala fa ni na le ti *KOTA GBIA nga na le ti gbia so lo soro lo so. Zo wa laa mbi mu bagara ti lo wala lele ti lo, zo wa? Zo wa laa mbi mu ye ti lo na haram wala mbi sara ngangu na lo, zo wa? Zo wa laa apete goro na mbi si mbi kanga le na ndö ti tënë ti lo, zo wa? Fade mbi yeke kiri na ni na lo.”

1 Samuel 16:13

Samuel amu didi so mafuta ayeke na ya ni si lo tuku mafuta ni na li ti David na le ti a-ita ti lo. Gi na lango ni so, yingo ti KOTA GBIA aga na ndö ti David. Na pekoni, Samuel amu lege akiri na Rama.

1 Samuel 2:36

Tongana mbeni zo ti sewa ti mo oko angba na fini, fade lo yeke ga ti kuku na gbe ti wayango-sandaga ti hunda na lo kete pata, wala mbeni kete mapa. Fade lo yeke tene na wayango-sandaga ni, lo tene: ‘Mbi gbu gere ti mo, mu na mbi mbeni kua ti wayango-sandaga titene mbi sara si mbi lingbi ti wara mbeni kete kobe ti tengo ni maa!’ ”

1 Samuel 25:28

Mbi gbu gere ti mo, zi na li ti mbi zo ti kua ti mo sioni so mbi sara. Biani, fade KOTA GBIA ayeke mu kodro ni na mo, kodro ni ayeke ngba lakue lakue, ngbanga ti so mo yeke tiri bira ndali ti KOTA GBIA. Na ya ti lango so kue mo yeke ngba na fini, fade a yeke wara sioni oko na li ti mo pepe.

1 Samuel 3:1

Molenge Samuel ayeke sara kua na *KOTA GBIA na gbe ti Heli. Na ngoi ni so, KOTA GBIA ayeke tene ando tënë na azo mingi mingi pepe; wala ayeke ngangu titene lo fa mbeni ye na zo na ya ti mbeni ye tongana bango-li.

1 Samuel 7:9

Samuel amu kete taba so angba ti nyon me si lo mu na *sandaga so a yeke gbi ni kue na wâ na KOTA GBIA. Samuel avoro KOTA GBIA ndali ti azo ti Israel. KOTA GBIA ama lo.

1 Samuel 8:3

Me amolenge ni amu peko ti sarango ye ti lo pepe. Ala ye nginza mingi; azo ayeke pete goro na ala si ala yeke fâ ngbanga ti azo na legeni pepe.

1 Samuel 9:12

Amaseka-wali ni akiri tënë na ala: “Een, lo yeke daa! Singo ti lo laa! Ala gue hio si. Lo ga na ya ti gbata ni laso laso, ngbanga ti so azo ti gbata ni ayeke mu *sandaga laso na Nzapa na ndo so a leke na ndö ti hoto.

1 Samuel 9:13

Gi so ala yeke li na ya ti gbata ni, ala yeke wara lo kozoni si lo gue na ndö ti hoto ti te kobe. Zo oko alingbi ti te kobe pepe kozoni si lo ga, ngbanga ti so lo laa lo yeke sara tufa na ndö ti sandaga ni. Azo so a tisa ala so ayeke te ande ti ala kobe ni na peko. Ala gue hio fafadeso si ala wara lo.”