1 Samuel 2:34 - Mbeti ti Nzapa - Tënë so amu fini

³⁴ “Ye so ayeke fa na mo atene, tënë so mbi tene na mo ayeke taa-tënë ayeke so: Hofni na Pinas, amolenge ti mo use kue ayeke kui gi na ya ti lango oko.

1 Samuel 2:34 ပူးပေါင်းရင်းမြစ်များ

1 Agbia 13:3

Gi na lango ni so, zo ti Nzapa ni afa na Yeroboam ye so fade ayeke si; lo tene: “Fade gbalaka ni ayeke kungbi si mburu ti wâ ti mafuta ti anyama so ayeke na ndö ni ayeke tuku na sese. Ye so laa ayeke fa biani atene, KOTA GBIA laa atene tënë so.”

1 Agbia 14:12

Wayanga-Nzapa Ahia akiri atene: “Ti mo, wali ti Yeroboam, kiri na ndo ti mo! Gi na ndembe so mo yeke li ande na ya ti gbata ni, molenge ti mo ayeke kui.

Nzoni Tënë so Luc asu na mbeti 2:12

Ye so ala yeke hinga lo na ni ayeke so: fade ala yeke wara fini molenge so a du lo, a kanga lo na bongo si a zia lo na ya ti mbeni sanduku so anyama ayeke te ka kobe daa.”

1 Samuel 10:7

Tongana mo baa aye so kue asi, sara ye so kue mo lingbi ti sara, ngbanga ti so Nzapa ayeke na mo.

1 Samuel 2:33

Fade mbi yeke bata mbeni zo ti sewa ti mo oko nduru na tere ti gbalaka ti mbi titene kota be asara mo si be ti mo angba gi na nduzu. Me tanga ti azo ti sewa ti mo, ala kue ayeke kui tongana asenge zo.

1 Samuel 3:12

Na lango ni so, fade mbi yeke sara aye so kue alingbi na tënë so lani mbi tene na tere ti Heli na azo ti sewa ti lo; mbi yeke sara aye ni na tongo nda ni ngbii asi na nda ni.

1 Samuel 4:11

Ala mu nga sanduku ti mbuki ti Nzapa. Amolenge ti Heli use, Hofni na Pinas akui.

1 Samuel 4:17

Zo ti tokua ni akiri tënë: “Azo ti Israel akpe na dawa ti azo ti Filistii; azo mingi akui. Amolenge ti mo use Hofni na Pinas akui. A mu nga sanduku ti mbuki ti Nzapa ahon na ni.”

1 Samuel 4:21

Lo di iri ti molenge ni Ikabod si lo tene: “Gonda ti Nzapa ayeke mbeni pepe na kodro ti Israel.” Lo di iri ti molenge ni Ikabod, ngbanga ti so a mu sanduku ti mbuki ti Nzapa ahon na ni, a fâ kogara ti lo nga na koli ti lo.

1 Samuel 4:22

Wali ni atene: gonda ahunzi na kodro ti Israel awe, ngbanga ti so a mu sanduku ti mbuki ti Nzapa ahon na ni.