1 Samuel 2:33 - Mbeti ti Nzapa - Tënë so amu fini

³³ Fade mbi yeke bata mbeni zo ti sewa ti mo oko nduru na tere ti gbalaka ti mbi titene kota be asara mo si be ti mo angba gi na nduzu. Me tanga ti azo ti sewa ti mo, ala kue ayeke kui tongana asenge zo.

1 Samuel 2:33 ပူးပေါင်းရင်းမြစ်များ

1 Agbia 1:19

Adonia asara kota matanga, lo fâ akoli-bagara, abagara ti mafuta nga na gba ti ataba na angasa ti mu na sandaga. Lo tisa amolenge ti mo ti koli kue, ala na wayango-sandaga Abiatar, na Yoab nga na kota makonzi ti aturugu ti ga daa. Me lo tisa molenge ti mo Salomon pepe.

1 Agbia 1:7

Adonia aleke tënë na hondengo ni, lo na Yoab so iri ti mama ti lo ayeke Seruya; lo leke nga tënë na Abiatar, wayango-sandaga si ala mu peko ti lo.

Awayango-sandaga 26:16

baa ye so mbi yeke sara ande na ala ayeke so: “Fade mbi yeke tokua na ndö ti ala akota kpale: ala yeke nge ngengo, kobela ti wâ ti tere ayeke sara ala; akobela ni ayeke vuko le ti ala si ayeke woko ala. Ala yeke lu ale ti kobe senge senge, awato ti ala laa ayeke te ni.

1 Samuel 2:32

Mo yeke baa mbeni mba ti mo so ayeke duti na ya ti da ti Nzapa, lo yeke sara anzoni ye kue ndali ti azo ti Israel. Me na ya ti sewa ti mo, mbeni mbakoro ayeke duti daa oko pepe.

1 Samuel 2:34

“Ye so ayeke fa na mo atene, tënë so mbi tene na mo ayeke taa-tënë ayeke so: Hofni na Pinas, amolenge ti mo use kue ayeke kui gi na ya ti lango oko.

1 Samuel 22:18

Tongaso gbia atene na Doeg, zo ti Edom, atene: “Gue, mo fâ awayango-sandaga so.” Doeg ague si lo wani, lo fâ awayango-sandaga ni. Na lango ni so, lo fâ azo balemiombe na oku, ala so ayu *efod so a sara na *len.