1 Samuel 2:31 - Mbeti ti Nzapa - Tënë so amu fini

³¹ Baa, lango titene mbi zi ngangu ti mo na ti azo ti kete mara ti mo kue aga nduru awe. Fade a yeke kiri ti wara mbeni mbakoro na ya ti sewa ti mo pepe.

1 Samuel 2:31 ပူးပေါင်းရင်းမြစ်များ

1 Agbia 2:35

Gbia azia Benaya, molenge ti Yoyada, makonzi ti aturugu kue na plase ti Yoab. Lo zia wayango-sandaga Sadok na plase ti Abiatar.

Mbeti ti Job 22:9

Mo yeke tumba awali-mua maboko ti ala senge; mo yeke nika anyindu.

Abia (Psaumes) 37:17

Biani, fade ngangu ti azo ti sioni ayeke hunzi, me KOTA GBIA ayeke mu ngangu na azo ti mbirimbiri.

Ezekiel 44:10

“Azo ti mara ti Lévi so ahon yongoro na tere ti mbi na ngoi so azo ti Israel amu lege ti kirikiri, ala do mbi azia si ala gue na peko ti ayanda. Ti azo ti mara ti Lévi ni so, fade sioni ti ala ayeke ngba na li ti ala.

1 Samuel 14:3

Mbeni wayango-sandaga aluti kâ, lo yu *efod; iri ti lo ayeke Ahia. Lo yeke molenge ti Ahitub, Ahitub ayeke ita ti Ikabod. Ikabod ayeke molenge ti Pinas, Pinas ayeke molenge ti Heli so ayeke wayango-sandaga ti *KOTA GBIA na kodro ti Silo. Aturugu ahinga tënë ti hongo ti Jonatan pepe.

1 Samuel 3:12

Na lango ni so, fade mbi yeke sara aye so kue alingbi na tënë so lani mbi tene na tere ti Heli na azo ti sewa ti lo; mbi yeke sara aye ni na tongo nda ni ngbii asi na nda ni.

1 Samuel 4:2

Azo ti Filistii aleke tere ti ala na molongo ti tiri bira na azo ti Israel; bira ni akporo ngangu. Azo ti Filistii akinda azo ti Israel; ala fâ ala nduru na saki osio na ndo so ala sara bira daa so.