1 Samuel 2:30 - Mbeti ti Nzapa - Tënë so amu fini

³⁰ Ndani laa, tënë so KOTA GBIA, Nzapa ti Israel atene ayeke so: Taa-tënë, mbi tene ando na azo ti sewa ti mo nga na azo ti kete mara ti mo, mbi tene: Ala laa ayeke sara ande kua na mbi kpu na kpu, me fadeso, mbi ke awe! Mbi yeke ne azo so ane mbi. Me azo so ake mbi si abaa mbi tongana buba zo, fade a yeke baa ala tongana buba zo. So tënë ti yanga ti mbi KOTA GBIA laa.

1 Samuel 2:30 ပူးပေါင်းရင်းမြစ်များ

1 Agbia 11:11

KOTA GBIA atene na Salomon: “Ndali ti so mo sara ye tongaso, mo bata lege ti *mbuki ti mbi na mo pepe, mo sara ye alingbi na yanga so mbi mu na mo pepe, tongaso, mbi yeke zi kodro ni na maboko ti mo si mbi yeke mu ni na mbeni zo ti kua ti mo oko.

1 Agbia 2:27

Salomon azi Abiatar na kua ti wayango-sandaga ti *KOTA GBIA. Tongaso tënë so KOTA GBIA atene ando na ndö ti azo ti sewa ti kota wayango-sandaga Heli na ya ti kota da ti Nzapa na Silo aga taa-tënë.

1 Mbai 17:18

Tënë ti nyen laa, mbi David, mbi lingbi ti kiri ti tene na mo ndali ti iri ti mbi so mo mu na nduzu so? Mo hinga mbi, zo ti kua ti mo awe.

2 Mbai 15:2

Lo gue, lo wara Asa si lo tene na lo: “Gbia Asa, mo na azo ti Juda nga na azo ti Benjamin kue, ala ma mbi si! *KOTA GBIA ayeke na ala, tongana ala yeke na lo. Tongana ala gi lo, fade lo yeke zi lege na ala ti wara lo; me tongana ala zia lo, fade lo nga lo yeke zia ala.

2 Mbai 26:18

Ala luti na dawa ti gbia Ozias si ala tene na lo: “Gbia Ozias, kua ti zongo dukani na KOTA GBIA ayeke kua ti mo pepe; me kua ni ayeke ti awayango-sandaga so ala yeke *ahale ti Aaron, ala so a zia ala nde ndali ni. Mo sigigi na ya ti da so ayeke nde si ayeke nzoni kue so! Biani, mo sara ye so ayeke sioni mingi. Ye so mo sara so, mo yeke wara gonda ndali ni pepe na dawa ti KOTA GBIA Nzapa.”

Abia (Psaumes) 18:20

Lo zi mbi na ya ti ye ti ngangu, lo sara si mbi wu pupu; lo zi mbi, ngbanga ti so lo ye mbi.

Abia (Psaumes) 18:26

Zo so angba na lege ti mo, mo yeke ngba ti bata tënë ti yanga ti mo na lo, zo so alingbi kue, mo yeke sara ye na lo alingbi kue.

Abia (Psaumes) 50:23

Zo so sandaga ti lo ayeke singila so lo mu na mbi, lo laa lo yeke zo ti gondango mbi. Zo so abata lege ti lo mbirimbiri, mbi yeke fa na lo so mbi yeke wasongo- azo.

Abia (Psaumes) 73:20

Tongana ti so zo abaa li ti lo si na ndaperere, lo girisa ni, Kota Gbia, na ndembe so mo yeke londo, mo yeke sara si azo agirisa ala.

Abia (Psaumes) 91:14

KOTA GBIA atene: “Ndali ti so lo mu tere ti lo kue na mbi, fade mbi yeke soo lo na kuâ, mbi yeke bata lo, ngbanga ti so lo hinga mbi.

Abia (Psaumes) 91:15

Tongana lo iri mbi, fade mbi yeke kiri tënë na lo, mbi yeke duti na tere ti lo na ya ti ye ti ngangu so asi na lo; mbi yeke zi lo na ya ti ye ti sioni si mbi yeke sara titene a gonda lo.

Sigingo 28:43

Fade Aaron na amolenge ti lo ayeke yu abongo ni na ndembe so ala yeke li na ya ti da ti bongo so KOTA GBIA na azo ti lo ayeke wara tere daa, wala na ndembe so ala yeke gue nduru na tere ti gbalaka ti sara kua na ndo so ayeke nde si ayeke nzoni kue; tongaso si ala duti ndumbu pepe. Tongana ala duti fade ndumbu, ka ala yeke kui. Ndia so ayeke ngba kpu na kpu ndali ti Aaron na *ahale ti lo.”

Sigingo 29:9

Mo yeke kanga kamba na ndö ti bongo ti Aaron na amolenge ti lo. Mo yeke zia kpoto na li ti ala ti fa atene, kua ti wayango-sandaga aga ti ala kpu na kpu. “Lege so mo yeke zia Aaron na amolenge ti lo ti to nda ti kua ti ala laa.

Amato 12:8

Azo ayeke gonda zo ndali ti hingango ndo ti lo; me zo so be ti lo asi singo na aye ti kirikiri, azo ayeke baa lo tongana mbumbuse zo.

Amato 4:8

Gbu ndara na tere ti mo, fade lo yeke sara si mo ga kota; gbu ndara na kate ti mo, lo yeke sara si mo wara gonda.

Amato 8:17

Mbi, mbi ye azo so aye mbi. Azo so ayeke gi mbi, fade ala yeke wara mbi.

Ésaïe 29:13

*KOTA GBIA atene: “Azo so ayeke ga nduru na mbi gi na lege ti atënë senge, ala yeke ne mbi gi na atënë ti yanga senge, me be ti ala ayeke yongoro na mbi. Kpengo so ala yeke kpe mbi ayeke gi na lege ti ndia so azo afa na ala.

Jérémie 29:32

Nilaa, tënë so mbi KOTA GBIA, mbi tene ayeke so: mbi yeke ga na tere ti Shemaya, lo na *ahale ti lo; mbeni zo ti sewa ti lo ayeke kiri ti ngba na popo ti ala, azo ti Juda pepe. Nzoni ye so mbi yeke sara na azo ti mbi, zo oko na popo ti asewa ti lo ayeke baa ni pepe, ngbanga ti so lo pusu azo ti mbi ti tomboka na tere ti mbi; so tënë ti yanga ti KOTA GBIA laa.’ ”

Jérémie 49:15

“Biani, Edom, mbi yeke sara si mo ga ndangba ti amara kue; mbi yeke sara si azo abaa mo tongana mbumbuse ye.

Ezekiel 34:10

Tënë so mbi Kota Gbia NZAPA, mbi tene ayeke so: Mbi yeke ga na tere ti awabatango-taba ni. Mbi yeke gi ataba ti mbi, mbi yeke zi ala na maboko ti ala; mbi yeke zi ala na kua ti batango ataba ni, tongaso si awabatango-taba ni alingbi ti gi kobe ndali ti ala wani mbeni pepe. Mbi yeke gboto ataba ni na yanga ti ala si ataba ni ayeke kiri ti duti kobe ti ala pepe.

Daniel 4:34

Ndani laa, fadeso mbi Nabukodonosor, mbi sepela, mbi ya iri si mbi gonda gbia so ayeke na yayu! Aye so kue lo yeke sara ayeke na legeni; asarango ye ti lo kue ayeke mbirimbiri. Lo yeke na ngangu ti sara si azo ti baba aga akete zo.”

Malashii 1:6

Tënë so KOTA GBIA so ayeke na ndö ti dunia kue atene na ala, awayango-sandaga ayeke so: “Molenge-koli ayeke ne babâ ti lo, zo ti kua ayeke ne makonzi ti lo. Tongana mbi yeke Babâ ti ala, nengo mbi ni ayeke na ndo wa? Tongana mbi yeke Makonzi ti ala, kpengo mbeto ti mbi ni ayeke na ndo wa? Ti ala awayango-sandaga, ala yeke baa mbi tongana mbumbuse zo. Ala hunda mbi, atene: ‘E baa mo tongana mbumbuse zo tongana nyen?’

Malashii 2:3

Baa, mbi yeke suku na *ahale ti ala. Me ti ala awayango-sandaga, mbi yeke tuku puru na le ti ala, puru ti anyama so ala fâ ti mu na mbi na *sandaga so. Fade a yeke mu ala na puru ni kue ti hon na ala.

Wungo ti azo 11:20

Me na ya ti nze oko kue, ala yeke te ni ngbii ayeke sigigi na du ti hon ti ala, nzara ni ayeke hunzi na be ti ala. Ye ni ayeke si na ala tongaso, ngbanga ti so ala ke KOTA GBIA so ayeke na popo ti ala si ala toto na dawa ti lo, ala tene: E sigigi na Ezipte ngbanga ti nyen?’ ”

Wungo ti azo 35:34

Ayeke nzoni ala sara titene kodro so ala yeke duti daa so aga *sioni pepe, kodro so mbi yeke duti daa na popo ti ala. Biani, mbi yeke KOTA GBIA, mbi yeke duti na popo ti azo ti Israel.”

Jean 12:26

Zo so aye ti sara kua na mbi, alingbi lo mu peko ti mbi si ndo so mbi yeke daa, lo nga lo yeke daa. Fade Babâ ti mbi ayeke ne zo so ayeke sara kua na mbi.”

Jean 5:23

si azo kue alingbi ti ne Molenge ni tongana ti so ala yeke ne Babâ. Zo so ane Molenge ni pepe, andaa lo so Babâ atokua lo, lo ne lo pepe.

Jean 5:44

Ala ye titene amba ti ala laa agonda ala si ala nga agonda amba ti ala; me gonda so alondo na Nzapa oko, ala ye ti gi ni pepe. Fade ala lingbi ti ma na be tongana nyen?

Jean 8:49

Jésus akiri tënë na ala: “Mbi yeke na sioni yingo oko pepe; mbi yeke ne Babâ ti mbi, me ti ala, ala yeke ne mbi pepe.

1 Korente 4:5

Ndani laa, alingbi ala fâ ngbanga na li ti zo kozo pepe si ngoi ni alingbi, ala ku Kota Gbia aga si. Ye so angba na hondengo ni na ya ti vukongo ndo, fade lo yeke fa ni na gigi polele; aye so azo aleke na be ti ala ti sarango ni, fade lo sigigi na nda ni. Tongaso, Nzapa ayeke gonda zo oko oko alingbi na kua so lo sara.

1 Pierre 1:7

Pasi ni asi na ala ti tara mabe ti ala. Lôro ayeke ye so ayeke buba bubango, me azo ayeke tara ni na wâ. Mabe ayeke kota ye ahon lôro. Ndani laa a yeke tara ni ti baa wala akpengba, tongaso si fade Nzapa ayeke tene nzoni tënë ti ala, lo yeke gonda ala si lo yeke ne ala na ndembe so Jésus Christ ayeke si.

Awafango-ngbanga 9:10

Tongaso, akeke atene na keke ti fige: ‘Mo so, ga, mo le-gbia na ndö ti e!’