1 Samuel 2:27 - Mbeti ti Nzapa - Tënë so amu fini

²⁷ Mbeni zo ti kua ti Nzapa aga awara Heli si atene na lo: “Tënë so *KOTA GBIA atene ayeke so: Na ngoi so akotara ti mo ayeke ando angbaa ti gbia Faraon na Ezipte, mbi sara si ala hinga mbi mbirimbiri.

1 Samuel 2:27 ပူးပေါင်းရင်းမြစ်များ

1 Agbia 13:1

Andaa mbeni zo ti Nzapa alondo na sese ti Juda aga na Betel alingbi na yanga so *KOTA GBIA amu. Na ndembe ni so, Yeroboam angba ti gbi sandaga na ndö ti gbalaka.

1 Agbia 2:27

Salomon azi Abiatar na kua ti wayango-sandaga ti *KOTA GBIA. Tongaso tënë so KOTA GBIA atene ando na ndö ti azo ti sewa ti kota wayango-sandaga Heli na ya ti kota da ti Nzapa na Silo aga taa-tënë.

Sigingo 12:1

Na kodro ti Ezipte, KOTA GBIA atene na Moïse na Aaron:

Sigingo 12:43

KOTA GBIA atene na Moïse na Aaron: “Baa ndia ti sarango *matanga ti Pake ayeke so: ‘Wande oko alingbi ti te kobe ti matanga ti Pake pepe.

Sigingo 4:27

KOTA GBIA atene na Aaron: “Gue na benyama, mo wara Moïse kâ.” Aaron ague, awara lo na hoto ti Nzapa si asu ngbangba ti lo.

Ndia ti fani use ni 33:1

So ayeke tufa so Moïse, zo ti Nzapa, asara na ndö ti azo ti Israel kozo titene lo kui laa.

1 Timothée 6:11

Ti mo zo ti Nzapa, mo kpe lege ti aye so kue. Mo gi lege ti ga mbirimbiri na le ti Nzapa, ti gbu tënë ti lo ngangu, ti duti na mabe, ti duti na ndoye, ti kanga be ti mo na ya ti aye so ayeke si na mo, ti duti nga na wokongo be.

2 Pierre 1:21

Biani, zo alondo na be ti lo wani ti tene peko ti tënë ti yanga ti Nzapa pepe, me Yingo-Vuru laa ayeke fa lege na azo titene ala tene tënë na iri ti Nzapa.

Awafango-ngbanga 13:6

Wali ni ague si atene na koli ti lo: “Mbeni zo ti Nzapa aga na tere ti mbi, lo kpa ange ti Nzapa. Le ti lo amu mbeto mingi na zo. Mbi hunda ndo so lo londo daa si lo ga pepe; lo fa nga na mbi iri ti lo pepe.

Awafango-ngbanga 6:8

KOTA GBIA atokua na ala mbeni wayanga-Nzapa; lo tene na ala: “Tënë so KOTA GBIA, Nzapa ti Israel atene ayeke so: ‘Mbi laa mbi sara si ala sigigi na sese ti Ezipte, mbi laa mbi zi ala na ndo so ala yeke lani angbaa daa.

1 Samuel 3:12

Na lango ni so, fade mbi yeke sara aye so kue alingbi na tënë so lani mbi tene na tere ti Heli na azo ti sewa ti lo; mbi yeke sara aye ni na tongo nda ni ngbii asi na nda ni.

1 Samuel 9:4

Saul na zo ti kua ni ahon na sese ti Efraim, ndo so ahoto ayeke daa; ala hon na ya ti sese ti Shalisha, ala wara anyama ni pepe. Ala hon na ya ti sese ti Shaalim, ye oko ala wara pepe. Ala hon na ya ti sese ti Benjamin, ala gi ndo gbaa.

1 Samuel 9:6

Zo ti kua ni atene na lo: “Mbeni zo ti Nzapa ayeke na ya ti gbata so. Azo ane lo mingi; tënë so kue lo yeke tene, ye ni ayeke si biani. E gue, e baa lo si. E hinga pepe, fade lo yeke fa na e lege so e lingbi ti mu ni.”