1 Samuel 2:23 - Mbeti ti Nzapa - Tënë so amu fini

²³ Tongaso Heli atene na ala: “Ala yeke sara mara ti aye tongaso ngbanga ti nyen? Mbi ma azo ti kodro kue ayeke tene tënë ti sioni sarango ye ti ala.

1 Samuel 2:23 ပူးပေါင်းရင်းမြစ်များ

1 Agbia 1:6

Na ya ti fini ti lo, babâ ti lo asuku na lo laoko pepe, atene: “Mo sara mara ti ye tongaso ngbanga ti nyen?” Adonia ayeke nga pendere koli mingi; a du lo na peko ti Absalom.

Ésaïe 3:9

Ala yeke mu mbage ti ambeni zo, so laa ayeke bi tënë na li ti ala; ala yeke sara asiokpari gi polele tongana ti azo ti Sodome, ala yeke sara ni na hondengo ni pepe. So mawa na ala! Ala wani ayeke leke ye ti mawa ndali ti ala.

Jérémie 3:3

Ndani laa le ti nduzu akanga si ngu-Nzapa ti ndani apika pepe. Me le ti mo angba ti za tongana ti wali-ndumba; kamene asara nga mo kete pepe.

Jérémie 8:12

Kamene alingbi fade ti gbu le ti ala ndali ti asioni ye so ala yeke sara si zo alingbi ti baa na le ti lo fani use pepe; me kamene agbu le ti ala oko pepe. Ala hinga atene, so sioni ye laa ala yeke sara so pepe. Ndani laa KOTA GBIA atene: Ala yeke ti legeoko na tanga ti azo so ayeke ti. Na ndembe so mbi yeke ga na tere ti azo ni, ala nga, ala yeke ti.”

Awatokua 14:15

“Azo! Ala yeke sara ye so ngbanga ti nyen? E yeke gi azo tongana ala! E ga ge ti fa Nzoni Tënë titene ala zia lege ti abuba ye so ala yeke voro so, ala mu be ti ala na Nzapa so ayeke na fini, lo so asara yayu, na sese na kota ngu-ingo na aye so kue ayeke na ya ni.

Awatokua 9:4

Lo ti na sese si lo ma mbeni go so atene na lo: “Saul, Saul, mo yeke sara ngangu na mbi ngbanga ti nyen?”

Filipe 3:19

Lege ti kuâ laa ala yeke gue daa so. Nzapa ti ala ayeke gi ya ti ala, ye so ayeke zia kamene na le ti azo ni so, ala yeke wara ti ala gonda daa. Ala zia be ti ala kue gi na ndö ti aye ti dunia so.

1 Samuel 2:22

Heli aga mbakoro mingi. Lo ma tënë ti ye so amolenge ti lo ayeke sara na azo ti Israel kue. Lo ma nga atene, amolenge ti lo ayeke lango na awali so ayeke sara kua na yanga ti da ti bongo so *KOTA GBIA na azo ti lo ayeke wara tere daa.

1 Samuel 2:24

Amolenge ti mbi, ala zia lege ti sarango ye tongaso. Tënë so mbi ma azo ti KOTA GBIA ayeke tene na iri ti ala so ayeke nzoni pepe.