1 Samuel 2:14 - Mbeti ti Nzapa - Tënë so amu fini

¹⁴ Lo yeke yoro furshete ni ti kpo na akasa ni na ya ti tawa, wala na ya ti kota tawa, wala ata nde nde so a yeke to akasa daa. Kasa so furshete ni akpo si asigigi na ni, ayeke ga ti wayango-sandaga. Amolenge ti Heli ayeke sara mara ti ye so na azo ti Israel so kue aga na Silo.

1 Samuel 2:14 ပူးပေါင်းရင်းမြစ်များ

Ésaïe 56:11

Ala yeke nga ambo so ayeke gbongo ti kobe, ya ti ala ayeke si ka laoko pepe. Andaa ala laa ayeke azo ti batango azo ti mbi, me ala hinga nda ti ye oko pepe; ala kue ayeke sara gi ye so anzere na be ti ala, zo oko oko ayeke gi gi nzoni ti lo wani.

Awayango-sandaga 7:34

Biani, KOTA GBIA wani amu yanga na ala, azo ti Israel titene ala zia na mbage kate ti nyama nga na gere ti anyama so ala yeke mu na sandaga ti beoko. Alingbi ala mu ni na wayango-sandaga Aaron na *ahale ti lo; akasa ni so aga futa ti ala kpu na kpu.”

Mishe 3:3

Azo ni ayeke te kasa ti tere ti azo ti mbi, ala yeke zi poro ti tere ti azo ti mbi, ala yeke kungbi abio ti azo ti mbi si ala yeke fâ ya ti kasa ti azo ti mbi tongana ti so a yeke fâ ya ti kasa ti nyama ti to ni na ya ti ta, tongana kasa ti nyama na ya ti kota tawa.

Malashii 1:10

Tongana mbeni zo na popo ti ala alondo fade akanga ayanga ti kota da ti mbi titene ala ngba ti tingo wâ na ndö ti gbalaka ti mbi senge senge pepe, ka ayeke nzoni mingi! Biani, be ti mbi anzere na ala pepe. Tënë so KOTA GBIA so ayeke na ndö ti dunia kue atene laa. Aye ti ala so ala yeke ga na ni na mbi na sandaga so, anzere na be ti mbi pepe.

1 Samuel 2:13

Ala yeke awayango-sandaga; me ye so ala yeke sara na azo ti kodro ayeke so: tongana mbeni zo amu *sandaga na KOTA GBIA, zo ti kua ti wayango-sandaga ayeke ga na ngoi so a yeke to kasa ni. Lo gbu mbeni furshete so yanga ni ayeke ota na maboko ti lo.

1 Samuel 2:15

Mbeni ye ni so ala sara ayeke so: tongana mbeni zo amu sandaga si a de ti gbi mafuta ni pepe, zo ti kua ti wayango-sandaga asi. Lo yeke tene na zo so ayeke mu sandaga ni so, lo tene: “Mu ti wayango-sandaga kasa ni na mbi titene a gbi na lo. Lo ye si mo tokua na lo kasa so a to ni tongo pepe, me lo ye gi kasa so angba na fini ni.”

1 Samuel 2:29

Ngbanga ti nyen laa mo na amolenge ti mo ayeke baa sandaga ti mbi na ye so mbi mu yanga si azo aga na ni na ya ti da ti mbi, tongana mbeni buba ye na le ti ala so? Ngbanga ti nyen laa mo ne amolenge ti mo ahon mbi? Azo ti mbi so ayeke azo ti Israel aga na mbi anzoni ye ti mu na sandaga. Ngbanga ti nyen laa mo na amolenge ti mo ayeke te ni si ala yeke kono na ni so?