1 Samuel 2:12 - Mbeti ti Nzapa - Tënë so amu fini

¹² Amolenge ti Heli ayeke asioni zo mingi. Ala yeke kpe mbeto ti *KOTA GBIA pepe.

1 Samuel 2:12 ပူးပေါင်းရင်းမြစ်များ

1 Agbia 21:10

Ala zia agodobe use na dawa ti Nabot titene ala bi tënë na li ti lo, atene: ‘Mo zonga Nzapa, mo zonga nga gbia ti kodro!’ Na pekoni, fade ala sigigi na lo na ya ti gbata ni, ala bo lo na têne titene lo kui!”

1 Agbia 21:13

Agodobe use aga aduti na dawa ti Nabot si ala to nda ti bi tënë na li ti lo na le ti azo kue, ala tene: “Nabot azonga Nzapa, lo zonga nga gbia ti kodro!” Tongaso ala mu Nabot, asigigi na lo na ya ti gbata ni, ala bo lo na têne si lo kui.

Jérémie 2:8

Awayango-sandaga ahunda ndo pepe, atene: ‘KOTA GBIA ayeke na ndo wa?’ Azo so ahinga nda ti *Ndia ahinga mbi pepe. Azo ti li ti kodro ake mbi awe; awayanga-Nzapa ayeke tene peko ti tënë ti yanga ti Baal si ala mu peko ti aye so alingbi ti sara mbeni ye oko pepe.

Jérémie 22:16

Zo ti mawa na wayere, lo fâ ngbanga ti ala na legeni; so asara si lo baa nzoni mingi. So tënë ti yanga ti KOTA GBIA laa.

Jérémie 9:3

Ayeke nzoni zo oko oko asara hange na mba ti lo; ala zia be ti ala na ndö ti a-ita ti ala pepe, ngbanga ti so azo kue ayeke azo ti handango a-ita ti ala; ataa mba ti mo so mo ye lo mingi, lo yeke du mvene na li ti mo.

Jérémie 9:6

Ndani laa, tënë so KOTA GBIA so ayeke na ndö ti dunia kue atene ayeke so: “Mbi yeke kporo ala na ya ti wâ ti zi sioni ti ala tongana ti so a yeke kporo wen; mbi yeke tara be ti ala. Nyen laa mbi yeke sara na azo ti mbi, nyen?

Ezekiel 22:26

Awayango-sandaga ti ala asara ye alingbi na ndia ti mbi pepe; ndo so a zia nde ndali ti mbi, ala sara si aga sioni. Ye so a zia nde ndali ti mbi na ye so a zia nde pepe, ala kangbi popo ni pepe; ye so ayeke *nzoni na ye so ayeke *sioni, ala fa na azo ti hinga kangbi so ayeke na popo ni pepe. Ala baa *lango ti wungo tere tongana buba ye na le ti ala; ala sara si mbi ga mbumbuse ye na popo ti ala.

Jean 16:3

Azo ni ayeke sara ye so na ala, ngbanga ti so azo ni ahinga Babâ wala mbi pepe.

Jean 17:3

Fini so angba lakue lakue ayeke titene azo ahinga mo, mo so mo yeke oko taa Nzapa si ala hinga nga Jésus Christ, lo so mo tokua lo.

Jean 8:55

me ala hinga lo oko pepe. Mbi laa mbi hinga lo. Tongana mbi tene fade, mbi tene: ‘Mbi hinga lo pepe’, ka mbi yeke zo ti mvene tongana ala. Me mbi hinga lo si mbi yeke sara ye alingbi na tënë ti lo.

Rome 1:21

Ataa so ala hinga Nzapa, ala gonda lo pepe, ala mu singila na lo pepe so alingbi na Nzapa. Me gbungo-li ti ala aga kirikiri, ala hinga ndo pepe si ala yeke duti na ya ti vukongo ndo.

2 Korente 6:15

Christ na Zabolo alingbi ti ma tere? Zo so ama na be na zo so ama na be pepe, nyen laa abongbi ala, nyen?

Ndia ti fani use ni 13:13

Mbeni ye tongaso alingbi nga ti si: mbeni lâ, ala azo ti Israel, ala ma a tene, na ya ti mbeni gbata oko so KOTA GBIA Nzapa ti ala amu na ala titene ala duti daa,

Ndia ti fani use ni 13:14

ambeni zo so ayeke sara mbirimbiri ye pepe na popo ti ala alondo ti handa azo ti gbata ti ala, atene: “E gue, e voro ambeni nzapa nde”; – andaa ayeke anzapa so ala hinga ala pepe. –

Awafango-ngbanga 19:22

So ala ngba ti te, ti nyon, akoli ti gbata ni na agodobe aga si ala ngoro da ni kue. Ala pika yanga ti da ni ngangu si ala tene na mbakoro-koli ni so ayeke wa ti da ni, atene: “Sigigi na koli so ayeke na ya ti da ti mo so. E ye ti lango na lo.”

Awafango-ngbanga 2:10

Na pekoni, azo so kue a du ala na ngoi ti Josué akui, ala mu peko ti ababâ ti ala. Ambeni zo so a du ala na peko, ala hinga KOTA GBIA pepe, ala hinga nga pepe aye so lo sara ndali ti azo ti Israel.

1 Samuel 10:27

Me ambeni buba zo atene: “Koli so ayeke soo ande e na kuâ tongana nyen?” Ala baa lo tongana mbeni mbumbuse zo si ala ke ti ga na akadoo na lo. Me Saul azi yanga daa oko pepe.

1 Samuel 25:17

Fadeso, gbu li ti mo nzoni na ndö ti ye so mo lingbi ti sara, ngbanga ti sioni ye ayeke ti na ndö ti wa ti e nga na asewa ti lo kue. Wa ti e ayeke mbeni buba zo, zo alingbi ti tene tënë na lo pepe.”

1 Samuel 3:13

Mbi tene na Heli, mbi tene, fade mbi yeke fâ ngbanga na li ti azo ti sewa ti lo lakue ndali ti sioni so amolenge ti lo asara: lo hinga kue atene, ala yeke zonga Nzapa, me lo kanga lege na ala pepe.

1 Samuel 3:7

Samuel ade ti hinga KOTA GBIA pepe, tënë ti yanga ti KOTA GBIA ade ti si na lo laoko pepe.