1 Samuel 2:10 - Mbeti ti Nzapa - Tënë so amu fini

¹⁰ Azo so alondo ti tiri na KOTA GBIA, fade lo yeke kungbi ya ti ala. Na nduzu kâ, lo yeke tokua bekpa ti sungba na ndö ti ala. Fade KOTA GBIA ayeke fâ ngbanga ti azo ti sese kue. Lo yeke mu ngangu na zo so lo zia lo gbia; zo so KOTA GBIA asoro lo ti ga gbia, fade lo sara si lo wara ngangu mingi.”

1 Samuel 2:10 ပူးပေါင်းရင်းမြစ်များ

2 Samuel 22:14

KOTA GBIA adekongo na yayu kâ, go ti Nzapa so ayeke na ndö ti aye kue atoto ngangu.

2 Samuel 7:13

Lo laa lo yeke sara da ndali ti mbi; mbi yeke sara titene lengo-gbia ti lo akpengba kpu na kpu.

2 Samuel 7:8

Ti fadeso, mo tene na David, zo ti kua ti mbi, mo tene: Tënë so KOTA GBIA so ayeke na ndö ti dunia kue atene ayeke so: ‘Mbi laa mbi mu mo na ya ti ngonda, na peko ti ataba na angasa titene mo ga kota zo na ndö ti azo ti mbi, azo ti Israel.

Mbeti ti Job 40:9

Ngangu ti maboko ti mo alingbi na ti mbi Nzapa? Go ti mo atoto alingbi na sungbango ti bekpa ti mbi?

Abia (Psaumes) 132:17

Na Sion, mbi yeke sara si mbeni ngangu gbia abaa gigi. Na ya ti sewa ti gbia so mbi soro lo so, mbi yeke zia wâ na ya ti lamba si wâ ni ayeke mingo pepe.

Abia (Psaumes) 148:14

Israel, azo ti lo ayeke nduru na lo. Lo sara si ala mu li ti ala na nduzu, ala wara ngangu. Ndani laa, ala mu be ti ala na lo si ala yeke sepela lo! Aleluya!

Abia (Psaumes) 2:2

Agbia ti sese alondo ti tiri bira; amakonzi ti akodro ama tere ti ke *KOTA GBIA, lo na zo ti lo so lo zia lo gbia so.

Abia (Psaumes) 2:6

si lo tene: “Mbi wani laa mbi zia gbia ti mbi na ndö ti hoto ti *Sion, hoto ti mbi so ayeke nde si ayeke nzoni kue.”

Abia (Psaumes) 2:9

Fade mo yeke sara ngangu komandema na ndö ti ala, mo yeke kungbi ala tongana ta ti sese.’ ”

Abia (Psaumes) 20:6

Tongaso fade e yeke dekongo na ngia, ngbanga ti so mo zi azo na ya ti ye ti ngangu. E yeke yo abendere ti e na nduzu ti gonda na iri ti Nzapa ti e. Ayeke nzoni KOTA GBIA amu na mo aye so kue mo hunda.

Abia (Psaumes) 20:7

Fadeso mbi hinga awe: KOTA GBIA ayeke mu ngangu na zo so lo tuku mafuta na li ti lo ti zia lo gbia. Kâ na yayu, nzoni ndo ti lo, lo kiri tënë na gbia; na lege ti ngangu ti lo, lo sara akota ye ti soo lo.

Abia (Psaumes) 21:1

Bia ti David; bia so ayeke ndali ti makonzi-bia.

Abia (Psaumes) 28:8

KOTA GBIA ayeke ngangu ti azo ti lo; lo yeke tongana gbagba ti bira so ayeke soo zo ti lo so lo zia lo gbia.

Abia (Psaumes) 45:7

Gbia, mbata ti mo ti gbia ayeke tongana ti Nzapa, ayeke ngba lakue lakue. Na ya ti kodro-gbia ti mo, mo yeke sara komandema na legeni.

Abia (Psaumes) 89:17

Ndali ti iri ti mo, ala yeke dodo na ngia lakue; ndali ti mbirimbiri ti mo, ala yeke tambula, li ti ala na nduzu.

Abia (Psaumes) 89:24

Azo so ake lo, fade mbi yeke nika ala na le ti lo, mbi yeke pika azo so be ti ala ake lo.

Abia (Psaumes) 89:25

Mbi yeke bata tënë ti yanga ti mbi na lo si mbi yeke sara nzoni be na lo; ndali ti mbi, fade lo yeke mu li ti lo na nduzu.

Abia (Psaumes) 96:13

na dawa ti KOTA GBIA! Biani, lo yeke ga, lo yeke ga ti fâ ngbanga ti azo ti sese; lo yeke fâ ngbanga ti azo ti dunia so mbirimbiri, lo yeke fâ ngbanga ti azo na lege ti taa-tënë.

Abia (Psaumes) 98:9

na dawa ti KOTA GBIA! Biani, lo yeke ga ti fâ ngbanga ti azo ti sese so. Fade lo yeke fâ ngbanga ti azo ti dunia so mbirimbiri, lo yeke fâ ngbanga ti azo na legeni.

Sigingo 15:6

KOTA GBIA, maboko ti mo ti koli afa kota ngangu ti mo! KOTA GBIA, maboko ti mo ti koli anika awato!

Zo ti bongbingo azo 11:9

Maseka-koli, na ngoi so mo de maseka, mo sara ngia biani. Ayeke nzoni be ti mo aduti na ngia na ngoi ti maseka ti mo. Sara ye so be ti mo aye; sara ye so le ti mo abaa. Me ayeke nzoni mo hinga, mo tene, Nzapa ayeke iri ande mo na ngbanga ndali ti aye oko oko so mo sara.

Zo ti bongbingo azo 12:14

Biani, aye so kue zo ayeke sara, ataa na hondengo ni, nzoni ni wala sioni ni, fade Nzapa ayeke iri zo na ngbanga.

Ésaïe 29:6

KOTA GBIA so ayeke na ndö ti dunia kue ayeke ga ti mu maboko na mo na lege ti toto ti bekpa, na lege ti ye so atoto ngangu, na ya ti ngangu pupu, na ya ti pupu ti ngu-Nzapa nga na wâ so ayeke gbi ye kue.

Ésaïe 32:1

Fade mbeni gbia ayeke le-gbia na lege ti mbirimbiri, amakonzi ayeke sara komandema alingbi na ndia.

Ésaïe 45:24

Ala yeke tene tënë na ndö ti mbi, atene: “Gi na lege ti *KOTA GBIA oko si sarango ye ti mbirimbiri na ngangu ayeke daa.” Azo so kue atiri na mbi, fade ala yeke ga na mbage ti mbi, kamene ayeke hon ndö ti ala.

Ezekiel 29:21

“Na lango ni so, mbi yeke kiri ti mu ngangu na azo ti Israel. Ti mo Ezekiel, mbi yeke mu na mo ngangu ti sara tënë na ala. Tongaso, fade ala yeke hinga atene, mbi laa mbi yeke KOTA GBIA.”

Matthieu 25:34

Tongaso, fade Gbia ni ayeke tene na azo so ayeke na mbage ti maboko ti lo ti koli: ‘Ala ga, ala so Babâ ti mbi asara tufa na ndö ti ala; ala ga awa ti *Kodro-gbia ti yayu so lo leke ni ndali ti ala ando, ngbene ye so dunia abaa gigi.

Matthieu 28:18

Jésus aga nduru na tere ti ala si lo tene na ala: “A mu na mbi ngangu kue na yayu nga na sese.

Nzoni Tënë so Luc asu na mbeti 1:69

Lo soro mbeni ngangu zo ti songo e na kuâ; lo soro lo na popo ti *ahale ti David, zo ti kua ti lo.

Nzoni Tënë so Luc asu na mbeti 19:27

Âdu ti awato ti mbi so aye titene mbi le-gbia na ndö ti ala pepe so, ala mu ala, aga na ala na ndo so si ala fâ go ti ala na le ti mbi.’ ”

Awatokua 10:38

Ala hinga tënë ti Jésus, zo ti Nazaret, ala hinga lege so Nzapa asoro lo si lo sara si Yingo-Vuru na ngangu aga na ndö ti lo. Nzapa ayeke na lo, nilaa lo tambula na ndo kue, lo sara aye ti nzoni si lo kai akobela na tere ti azo so kue ayeke na gbe ti Zabolo.

Awatokua 4:27

“Biani, Herode na Ponse Pilate, ala na azo ti amara nde na azo ti Israel abongbi tere na ya ti gbata so, ala leke tënë na tere ti Jésus, zo ti kua ti mo so ayeke nde si ayeke nzoni kue so, lo so mo mu lo ti ga Mesii.

2 Korente 5:10

Biani, fade e kue, e yeke si na le ti ngbanga ti Christ titene zo oko oko awara ye ti peko ti aye so lo sara na ngoi so lo yeke na fini na ndö ti sese so: nzoni ni wala sioni ni.

Awafango-ngbanga 5:31

KOTA GBIA, ayeke nzoni awato ti mo kue akui tongana ti so Sisra akui. Ayeke nzoni ala so aye mo aga tongana lâ so ato nda ti su na ngangu!” Tongaso siriri akiri na ya ti kodro ni na ya ti ngu baleosio.

1 Samuel 12:13

Fadeso, baa gbia so ala soro so laa; gbia so ala hunda so laa. KOTA GBIA amu na ala gbia awe.

1 Samuel 12:17

Ngoi so e yeke daa so, ayeke ngoi ti fango le ti *ble pepe? Mbi yeke sambela KOTA GBIA titene lo sara si bekpa asungba si ngu-Nzapa apika. Tongaso si ala hinga atene, ala sara sioni mingi na KOTA GBIA na lege so ala hunda mbeni gbia.”

1 Samuel 12:18

Samuel asambela KOTA GBIA si KOTA GBIA atokua bekpa na ngu-Nzapa gi na lango ni so. Mbeto ti KOTA GBIA na mbeto ti Samuel agbu azo ti kodro mingi.

1 Samuel 12:3

Baa, mbi laa na dawa ti ala so. Tongana mbi sara mbeni ye ti sioni, ayeke nzoni ala fa ni na le ti *KOTA GBIA nga na le ti gbia so lo soro lo so. Zo wa laa mbi mu bagara ti lo wala lele ti lo, zo wa? Zo wa laa mbi mu ye ti lo na haram wala mbi sara ngangu na lo, zo wa? Zo wa laa apete goro na mbi si mbi kanga le na ndö ti tënë ti lo, zo wa? Fade mbi yeke kiri na ni na lo.”

1 Samuel 15:28

Samuel atene na lo: “Lege so laa KOTA GBIA azi lengo-gbia na maboko ti mo laso na ndö ti Israel; lo mu ni na mbeni zo nde so ayeke nzoni ahon mo.

1 Samuel 16:1

*KOTA GBIA atene na Samuel: “Fade mo yeke ngba ti sara mawa ndali ti Saul ngbii asi lawa? Mbi ke lo awe; lo yeke ngba gbia ti Israel mbeni pepe. Mo tuku mafuta na ya ti didi ti mo, mo londo mo gue. Mbi yeke tokua mo na ndo ti Yese, zo ti Betlehem, ngbanga ti so mbi soro mbeni molenge ti lo oko titene lo ga gbia.”

1 Samuel 7:10

Na ndembe so Samuel ayeke mu sandaga so a yeke gbi ni kue na wâ, azo ti Filistii aga nduru ti tiri bira na azo ti Israel. Me na lango ni so, KOTA GBIA asara si bekpa asungba ngangu na ndö ti azo ti Filistii. Lo zia kota mbeto na be ti ala si ala ti na gbe ti azo ti Israel.