1 Samuel 2:1 - Mbeti ti Nzapa - Tënë so amu fini

¹ Anne asambela, atene: “Ndali ti *KOTA GBIA, be ti mbi ayeke na ngia mingi; ndali ti KOTA GBIA, kamene ahon na le ti mbi. Mbi lingbi ti zi yanga na awato ti mbi. Be ti mbi anzere mingi ndali ti so mo soo mbi awe.

1 Samuel 2:1 ပူးပေါင်းရင်းမြစ်များ

2 Mbai 20:27

Azo ti Juda kue na azo ti Jérusalem alondo ti kiri na Jérusalem na ngia, ngbanga ti so KOTA GBIA azia kota ngia na be ti ala na lege so lo kinda awato ti ala. Yosafat ayeke na li ti tambula ni.

Néhémie 11:17

Ambeni zo ni ayeke Matania, molenge ti Mika; Mika ayeke molenge ti Zabdi; Zabdi ayeke molenge ti Asaf, makonzi so ayeke mu li ti bia ti sepelango Nzapa na ndembe so azo ayeke sambela; Bakebukia, ita ti Matania ayeke mu na lo maboko; Abda, molenge ti Shamua; Shamua ayeke molenge ti Galal; Galal ayeke molenge ti Yedutun.

Mbeti ti Job 16:15

Mbi kanga bongo ti mua na tere ti mbi, mbi yeke zi ni pepe; mbi yoro li ti mbi na ya ti fuku ti sese.

Abia (Psaumes) 118:14

KOTA GBIA ayeke ngangu ti mbi, mbi yeke he bia na lo, lo laa lo soo mbi!

Abia (Psaumes) 13:5

Tongaso pepe, fade wato ti mbi ayeke tene: “Mbi hon ndö ti lo awe!” Tongana mbi ti fade, ka azo ti kengo mbi ayeke huru na ngia.

Abia (Psaumes) 148:14

Israel, azo ti lo ayeke nduru na lo. Lo sara si ala mu li ti ala na nduzu, ala wara ngangu. Ndani laa, ala mu be ti ala na lo si ala yeke sepela lo! Aleluya!

Abia (Psaumes) 18:2

KOTA GBIA, mbi ye mo, mo yeke ngangu ti mbi!

Abia (Psaumes) 20:5

Ayeke nzoni lo mu na mo ye so be ti mo aye; lo sara si aye so kue mo leke na be ti mo ti sara aga nzoni.

Abia (Psaumes) 21:2

*KOTA GBIA, be ti gbia anzere mingi ndali ti ngangu ti mo. Be ti gbia asi na ngia ndali ti so mo sara si lo so benda awe!

Abia (Psaumes) 35:9

Tongaso fade be ti mbi ayeke si singo na ngia ndali ti KOTA GBIA; mbi yeke dodo na ngia ndali ti so lo soo mbi na kuâ awe.

Abia (Psaumes) 51:15

Fade mbi yeke fa lege ti mo na azo so ake ndia ti mo si azo ti sarango siokpari ayeke kiri na mbage ti mo.

Abia (Psaumes) 71:8

Gi tënë ti sepelango mo laa asi singo na yanga ti mbi. Na lango oko oko kue, mbi yeke ngba ti tene tënë ti gonda ti mo.

Abia (Psaumes) 75:10

Ti mbi, fade mbi yeke ngba lakue ti he bia ti sepela na Nzapa ti Jacob si mbi yeke fa tënë ti lo, mbi tene:

Abia (Psaumes) 89:17

Ndali ti iri ti mo, ala yeke dodo na ngia lakue; ndali ti mbirimbiri ti mo, ala yeke tambula, li ti ala na nduzu.

Abia (Psaumes) 89:18

Biani, mo laa mo yeke ngangu ti ala na gonda ti ala; na lege ti nzoni be ti mo, mo sara si e mu li ti e na nduzu.

Abia (Psaumes) 89:24

Azo so ake lo, fade mbi yeke nika ala na le ti lo, mbi yeke pika azo so be ti ala ake lo.

Abia (Psaumes) 9:14

KOTA GBIA, baa mawa ti mbi! Baa pasi so azo ti kengo mbi asara na mbi, mo so mo yeke zi mbi na yanga ti kuâ.

Abia (Psaumes) 92:10

KOTA GBIA, baa awato ti mo; baa, fade awato ti mo ayeke kui si azo ti sarango sioni kue ayeke kangbi kirikiri.

Sigingo 15:1

Tongaso Moïse na azo ti Israel ahe bia so na *KOTA GBIA, ala tene: Mbi ye ti he bia na KOTA GBIA: lo fa kota ngangu ti lo, lo bi ambarata na azo ti kpengo na mbarata ni na ya ti kota ngu-ingo!

Sigingo 15:21

Miriam amu li ti bia ni na ala, atene: “Ala he bia na KOTA GBIA, lo fa kota ngangu ti lo, lo bi ambarata na azo ti kpengo na mbarata ni na ya ti kota ngu-ingo!”

Habakuk 3:1

Wayanga-Nzapa Habakuk asambela. Sambela ni ayeke tongana bia ti mawa.

Habakuk 3:18

Ti mbi, mbi yeke na ngia ndali KOTA GBIA, mbi yeke dodo na ngia ndali ti Nzapa, lo so lo soo mbi na kuâ.

Nzoni Tënë so Luc asu na mbeti 1:69

Lo soro mbeni ngangu zo ti songo e na kuâ; lo soro lo na popo ti *ahale ti David, zo ti kua ti lo.

Rome 5:11

Na ndö ni kue, be ti e ayeke na ngia na dawa ti Nzapa na lege ti *Kota Gbia ti e Jésus Christ, lo so lo sara si fadeso songo aga na popo ti e na Nzapa.

Ndia ti fani use ni 33:17

Ayeke nzoni azo agonda Joseph! Lo yeke tongana kozo molenge ti koli-bagara. Adidi ti lo use ayeke ngangu tongana ti ngbä; lo yeke pika amara na ni, lo pusu ala ngbii lo si na ala na nda ti sese. Didi oko ayeke gba ti azo ti mara ti Efraim; mbeni didi ni ayeke azo ti mara ti Manase so ayeke saki saki.”

Filipe 3:3

E so, e yeke voro Nzapa na lege ti Yingo ti lo si e yeke gonda tere ti e ndali ti gango so e ga oko na Jésus Christ so, e laa e fâ mbirimbiri ganza; e yeke zia be ti e na ndö ti e wani pepe.

Filipe 4:4

Ala duti na ngia lakue, ngbanga ti so ala ga oko na *Kota Gbia awe! Mbi kiri mbi tene: ala duti na ngia!

Filipe 4:6

Ala gi be ti ala ndali ti mbeni ye oko pepe, me na ya ti ye kue, ala fa na Nzapa ye so ala ye, na lege ti sambela, na vorongo tere nga na mungo singila na lo.

1 Pierre 1:8

Ataa so ala baa lo pepe, ala ye lo; ataa so ala de ti baa lo pepe, ala ma na be na lo. Ndani laa ala yeke duti na kota ngia, ngia so ahon ndoni, zo alingbi ti tene tënë ni pepe.

Aye so Nzapa afa 18:20

Ala so kue ayeke na yayu, ala duti na ngia ndali ti so Babilone ati awe! Ala azo ti Nzapa, *awatokua ti Nzapa, awayanga-Nzapa, ala duti na ngia ndali ti so Nzapa afâ ngbanga na li ti Babilone ndali ti ye so lo sara na ala!

1 Samuel 1:6

Lakue sambâ ti Anne ayeke zonga lo mingi si ayeke he lo ti zia kamene na le ti lo, ngbanga ti so lo du pepe.

1 Samuel 1:7

Na ya ti ngu oko oko, tongana Anne ayeke gue na da ti Nzapa, ye ni ayeke duti lakue tongaso. Na ya ti mbeni ngu oko, Anne ati na toto si lo ke ti te kobe.