1 Samuel 19:8 - Mbeti ti Nzapa - Tënë so amu fini

⁸ Bira akiri alondo. David ague ti tiri bira na azo ti Filistii. Lo fâ ala mingi si ala kpe na dawa ti lo.

1 Samuel 19:8 ပူးပေါင်းရင်းမြစ်များ

1 Agbia 20:21

Na pekoni, gbia ti Israel asigigi ti gue na bira. Lo fâ ambarata, lo buba apusu ti mbarata si lo nika azo ti Sirii nikango.

Abia (Psaumes) 27:3

Ataa aturugu aga ti tiri bira na mbi, mbeto ayeke sara mbi oko pepe. Ataa bira ni alondo ngangu na tere ti mbi, be ti mbi angba gi na ndö ti mo.

1 Samuel 18:14

Na ya ti abira so kue David ayeke gue daa, lo yeke so benda, ngbanga ti so KOTA GBIA ayeke na lo.

1 Samuel 18:30

Amakonzi ti aturugu ti Filistii ague ti tiri bira na azo ti Israel. Na ya ti abira ni oko oko kue, David laa ayeke so benda ahon aturugu ti kota kamba ti Saul kue; nilaa iri ti lo awu mingi.

1 Samuel 19:7

Na pekoni, Jonatan airi David, lo tene na lo peko ti atënë so kue. Lo mu David, lo gue na lo na Saul. Tongaso, David asara kua ti lo tongana ti kozo.

1 Samuel 19:9

Sioni yingo so alondo na *KOTA GBIA aga na ndö ti Saul. Saul aduti na ya ti da ti lo; likongo ti lo ayeke na maboko ti lo, andaa David ayeke pika kundi.

1 Samuel 23:5

Tongaso David na azo ti lo ague na Keila si ala tiri bira na azo ti Filistii. Lo mu anyama ti ala si lo fâ azo ti Filistii mingi. Lege so David asoo azo ti Keila na kuâ laa.