1 Samuel 19:7 - Mbeti ti Nzapa - Tënë so amu fini

⁷ Na pekoni, Jonatan airi David, lo tene na lo peko ti atënë so kue. Lo mu David, lo gue na lo na Saul. Tongaso, David asara kua ti lo tongana ti kozo.

1 Samuel 19:7 ပူးပေါင်းရင်းမြစ်များ

Tongo nda ti aye 31:2

Jacob abaa le ti Laban si lo baa so sarango ye ti Laban na mbage ti lo aga nde na ti kozoni.

1 Mbai 11:2

So Saul ayeke ando gbia so, mo laa mo yeke lakue na li ti azo ti Israel ti gue na ala na bira nga ti kiri na ala. *KOTA GBIA, Nzapa ti mo atene na mo: ‘Mo laa mo yeke bata ande azo ti Israel, azo ti mbi; mo laa mo yeke ga makonzi ti azo ti Israel, azo ti mbi.’ ”

Sigingo 4:10

Moïse atene na KOTA GBIA: “KOTA GBIA, mbi gbu gere ti mo! Ngbene ye ngbii asi laso, ataa so mo ngba ti tene tënë na mbi fadeso, mbi hinga ti tene tënë nzoni pepe. Yanga ti mbi na menga ti mbi ane nengo na tenengo tënë.”

Ésaïe 30:33

A leke gba ti keke ti wâ kozoni awe; keke ni ayeke nga ndali ti gbia. Na ya ti du so akono si alinda mingi, a zia gba ti akeke angoro na ni ti tingo na wâ. Tongaso, pupu ti yanga ti KOTA GBIA so ayeke tongana *sufre so ayeke sua ayeke bi wâ daa.

1 Samuel 16:21

David asi na Saul si lo to nda ti sara kua na lo. Saul aye lo mingi, lo ga zo ti yongo aye ti bira ti Saul.

1 Samuel 18:10

Lango oko na pekoni, Nzapa atokua sioni yingo na tere ti Saul si lo yeke diko atënë kirikiri na ya ti da ti lo. David apika kundi ti lo tongana ti so lo sara kozo, Saul ayeke na likongo ti lo na maboko ti lo.

1 Samuel 18:13

Saul azia David makonzi na li ti aturugu saki oko titene lo tumba lo yongoro na tere ti lo. Tongaso, David ayeke na li ti aturugu ni, ala yeke gue na bira, ala yeke kiri.

1 Samuel 18:2

Na lango ni so Saul abata David na tere ti lo, lo zia lege na David ti kiri na babâ ti lo pepe.

1 Samuel 19:6

Saul ama tënë ti Jonatan si lo deba yanga ti lo, lo tene: “KOTA GBIA ayeke na fini! Fade mbi yeke fâ David pepe.”

1 Samuel 19:8

Bira akiri alondo. David ague ti tiri bira na azo ti Filistii. Lo fâ ala mingi si ala kpe na dawa ti lo.