1 Samuel 19:4 - Mbeti ti Nzapa - Tënë so amu fini

⁴ Jonatan atene nzoni tënë ti David na babâ ti lo Saul, atene: “Ayeke nzoni gbia asara siokpari pepe na tere ti zo ti kua ti lo David, ngbanga ti so lo sara siokpari na tere ti mo pepe. Me lo sara nzoni ye mingi ndali ti mo.

1 Samuel 19:4 ပူးပေါင်းရင်းမြစ်များ

Tongo nda ti aye 42:22

Ruben akiri tënë na ala, atene: “Mbi tene lani tënë so na ala pepe? Mbi tene lani, mbi tene: ‘Ala sara ye ti sioni na molenge so pepe, me ala ma mbi pepe.’ Ala baa! Ye ti peko ti mene ti lo laa ayeke si na e fadeso.”

Tongo nda ti aye 9:6

Zo so atuku mene ti mba ti lo, fade gi mba ti lo zo laa ayeke tuku mene ti lo, ngbanga ti so Nzapa asara zo si zo ni akpa gi lo Nzapa.

2 Mbai 6:22

“Tongana mbeni zo asara sioni na mba ti lo si a hunda na lo ti deba yanga ti lo, tongana lo ga nduru na gbalaka ti mo ti deba yanga ti lo, na ya ti kota da so,

Abia (Psaumes) 35:12

Nzoni so mbi sara, ala kiri gi sioni na mbi; fadeso mbi ngba gi mbi oko.

Abia (Psaumes) 59:4

*KOTA GBIA, baa, ala honde tere ti ala ti fâ mbi; azo ti ngangu abongbi tere ti ala ti tiri na mbi, ataa so mbi sara sioni wala siokpari pepe.

Amato 17:13

Zo so ayeke kiri sioni ndali ti nzoni, akpale ayeke zia da ti lo laoko pepe.

Jérémie 18:20

Zo ayeke kiri sioni ndali ti nzoni? Awato ti mbi ni asara kuku ti gbu na mbi. KOTA GBIA, mo dabe ti mo so mbi laa mbi luti na le ti mo ti tene na mo nzoni tënë ndali ti ala titene mo zia ti sara ngonzo na tere ti ala.

1 Korente 8:12

So ala yeke sara siokpari tongaso na tere ti a-ita ti ala si ala yeke buba tënë ti be ti a-ita ti ala so akpengba pepe so, andaa ala sara siokpari ti ke Christ.

1 Jean 3:15

Zo so ake ita ti lo, lo yeke zo ti fango zo. Ala hinga kue, fini so angba lakue lakue ayeke duti ye ti zo ti fango zo pepe.

1 Samuel 2:25

Tongana zo asara sioni na mba ti lo, fade Nzapa ayeke gbu koko ti lo. Me tongana zo asara sioni na KOTA GBIA, zo wa laa ayeke gbu ande koko ti lo, zo wa?” Me amolenge ni ama tënë ti babâ ti ala pepe, ngbanga ti so KOTA GBIA aleke na be ti lo ti sara si ala kui.

1 Samuel 20:32

Jonatan akiri tënë na babâ ti lo Saul, atene: “A yeke fâ lo ngbanga ti nyen? Nyen laa lo sara?”

1 Samuel 22:14

Ahimelek akiri tënë na gbia, atene: “Na popo ti azo ti kua ti mo kue, mbeni mbirimbiri zo tongana David ayeke daa? Lo yeke kogara ti gbia, lo ga makonzi ti aturugu ti batango mo, azo ti da ti mo ayeke ne lo mingi.