1 Samuel 19:2 - Mbeti ti Nzapa - Tënë so amu fini

² Jonatan atene tënë ni na David, lo tene: “Babâ ti mbi Saul ayeke gi lege ti fâ mo. Kekereke na ndaperere, mo sara hange. Mo gi mbeni ndo, mo honde tere ti mo daa.

1 Samuel 19:2 ပူးပေါင်းရင်းမြစ်များ

Abia (Psaumes) 16:3

Na ya ti kodro so, anzapa nde nde ayeke daa, mbi yeke ne ando ala mingi, me ti fadeso, mbi tene:

Amato 17:17

Zo so aye mba ti lo, lo yeke ye lo na ngoi kue. A du ita titene lo mu maboko na ya ti ye ti ngangu.

Awatokua 23:16

Me molenge-koli ti ita ti Paul ti wali ama tënë ti ye so ala yeke leke so si lo gue na ya ti gbagba ti aturugu, lo tene tënë ni na Paul.

Awatokua 9:24

Me Saul ama tënë ni. Bi na lâ, azo ni ayeke bata ayanga ti gbagba ti gbata ni ti ku lo titene ala fâ lo.

1 Samuel 19:1

Saul atene na molenge ti lo Jonatan nga na azo ti gbe ti lo so lo leke na be ti lo ti fâ David. Andaa Jonatan, molenge ti Saul aye David mingi.

1 Samuel 19:3

Ti mbi, fade mbi yeke sigigi, mbi tambula na babâ ti mbi na yaka so mo yeke gue ande daa. Mbi yeke tene tënë ti mo na babâ ti mbi ti hinga tënë ti be ti lo si mbi yeke tene peko ni na mo.”

1 Samuel 20:2

Jonatan akiri tënë na lo: “Oko pepe! Fade mo yeke kui pepe. Tongana babâ ti mbi aye ti sara mbeni ye, wala kota ye, wala kete ye, lo yeke tene tënë ni na mbi kozoni. Babâ ti mbi ahonde tënë so na mbi ngbanga ti nyen? Ye ni alingbi ti duti tongaso pepe.”

1 Samuel 20:5

David akiri tënë na lo: “Kekereke ayeke matanga ti fini nze. Mbi lingbi fade ti duti na tere ti gbia ti te kobe. Zia na mbi lege titene mbi gue, mbi honde tere ti mbi na ya ti ngonda ngbii asi na lakui ti mbeni kekereke.