1 Samuel 19:18 - Mbeti ti Nzapa - Tënë so amu fini

¹⁸ So David akpe ahon, lo gue na kodro ti Rama na ndo ti Samuel si lo fa na Samuel peko ti aye so kue Saul asara na lo. Na pekoni, lo na Samuel ague ti lango na kodro ti Nayot.

1 Samuel 19:18 ပူးပေါင်းရင်းမြစ်များ

Abia (Psaumes) 116:11

Li ti mbi aga kirikiri si mbi tene: “Azo kue ayeke azo ti mvene.”

Jacques 5:16

Ala fa siokpari ti ala na gigi na amba ti ala, ala sambela ndali ti amba ti ala si kobela ti ala akai. Sambela ti zo ti mbirimbiri ayeke na ngangu mingi ti sara ye.

1 Samuel 1:19

Na kota ndaperere, Elkana na asewa ti lo alondo si ala kuku na gbe ti KOTA GBIA. Na pekoni, ala kiri na kodro ti ala na Rama. Elkana na wali ti lo Anne aduti koli na wali si *KOTA GBIA adabe ti lo na Anne.

1 Samuel 15:34

Na pekoni, Samuel akiri na Rama si Saul ague na ndo ti lo na Gibea.

1 Samuel 19:19

Azo ague, atene na Saul, atene: “Baa, David ayeke na Nayot, nduru na Rama.”

1 Samuel 19:22

Tongaso, Saul wani alondo ti gue na Rama. Tongana lo si na tere ti kota du ti ngu so ayeke na Seku, lo hunda ndo, lo tene: “Samuel na David ayeke na ndo wa?” A kiri tënë na lo: “Ala yeke na Nayot, nduru na Rama.”

1 Samuel 19:23

Lo mu lege ti gue kâ na Nayot so ayeke nduru na Rama. Yingo ti Nzapa aga nga na ndö ti lo si lo to nda ti tene peko ti tënë ti Nzapa ngbii lo si na Nayot so ayeke nduru na Rama.

1 Samuel 20:1

David alondo na kodro ti Nayot so ayeke nduru na Rama, lo kpe, lo hon. Lo gue, lo wara Jonatan si lo tene na lo: “Nyen laa mbi sara na babâ ti mo, nyen? Sioni ti nyen wala siokpari ti nyen laa mbi sara na lo si lo yeke gi lege ti fâ mbi so?”

1 Samuel 21:11

Na lango ni so, David alondo akpe yongoro na tere ti Saul. Lo si na ndo ti Akish, gbia ti Gat.

1 Samuel 28:3

So Samuel akui, azo ti Israel kue atoto kuâ ti lo si ala lu lo na kodro ti lo, na Rama. Kozoni, Saul akanga lege titene azo ti kodro ti lo ague, ahunda yingo ti akuâ wala ti atoro.

1 Samuel 7:17

Na pekoni, lo yeke kiri na Rama, ngbanga ti so da ti lango ti lo ayeke kâ. Kâ laa lo yeke fâ ngbanga ti azo ti Israel si lo sara nga gbalaka ndali ti KOTA GBIA.