1 Samuel 19:10 - Mbeti ti Nzapa - Tënë so amu fini

¹⁰ Saul abi likongo ti kpo na David, ti pete lo na tere ti dere ti da. Me David adingi tere ti lo si likongo ni akpo dere ti da. David akpe na bi ni so, lo hon.

1 Samuel 19:10 ပူးပေါင်းရင်းမြစ်များ

Abia (Psaumes) 124:7

E sigigi na ya ti gbanda ti azo ni tongana ndeke so asigigi na ya ti gbanda so agbu lo. Ya ti gbanda ni asuru si e kpe, e hon.

Abia (Psaumes) 18:17

Na nduzu kâ, KOTA GBIA ayoro maboko ti lo si lo gbu mbi, lo gboto mbi na ya ti kota ngu, lo sigigi na mbi.

Abia (Psaumes) 34:19

KOTA GBIA ayeke nduru na azo so be ti ala afâ, lo yeke soo ala so be ti ala awoko.

Abia (Psaumes) 37:32

Azo ti sioni ayeke hara zo ti mbirimbiri, ala yeke gi lege ti fâ lo.

Amato 1:16

Biani, ala yeke mu loro ti gue ti sara sioni; ala yeke nduru nduru ti tuku mene.

Amato 21:30

Ataa ndara ti zo, ataa hingango ye ti zo, ataa gbungo-li ti zo, aye so kue ayeke ye oko pepe na le ti KOTA GBIA.

Ésaïe 54:17

Aye ti bira so kue a leke ti tiri na ni na mo, alingbi ti sara ye oko na mo pepe. Zo so kue ayeke bi tënë na li ti mo na le ti ngbanga, mo yeke sara si ngbanga ati na li ti lo. Baa ye so mbi bata ndali ti azo ti kua ti mbi, KOTA GBIA laa. Baa lege so mbi yeke fâ ngbanga ti ala laa; so tënë ti yanga ti mbi KOTA GBIA laa.”

Osée 6:4

KOTA GBIA akiri tënë na ala: “Mo Efraim, fade mbi yeke sara nyen na mo? Mo Juda, fade mbi yeke sara nyen na mo? Yengo so ala ye na mbi ayeke tongana mbinda ti ndaperere, ayeke tongana ngu ti pere ti ndaperere so ayeke hon hongo.

Matthieu 10:23

Tongana azo asara ngangu na ala na ya ti mbeni gbata, ayeke nzoni ala kpe ague na ya ti mbeni gbata nde. Mbi tene na ala taa-tënë: kozo titene *Molenge ti Zo akiri, fade ala yeke hunzi kua ti ala na ya ti agbata ti Israel kue pepe.

Nzoni Tënë so Luc asu na mbeti 4:30

Me lo sigigi na popo ti ala si lo hon ti lo.

Jean 10:39

Ala kiri agi lege ti gbu Jésus, me lo kpe na maboko ti ala, lo hon.

Ahebro 11:34

ala mingo angangu wâ, ala kpe na maboko ti azo so aye ti fâ ala na yongoro zeme, ala kiri awara ngangu na peko ti kobela so asara ala; ala ga akpengba zo ti sarango bira, ala tumba aturugu ti akodro wande.

1 Samuel 18:10

Lango oko na pekoni, Nzapa atokua sioni yingo na tere ti Saul si lo yeke diko atënë kirikiri na ya ti da ti lo. David apika kundi ti lo tongana ti so lo sara kozo, Saul ayeke na likongo ti lo na maboko ti lo.

1 Samuel 18:11

Saul ayo likongo ni na nduzu si lo tene na be ti lo, lo tene: “Fade mbi yeke kpo David, mbi pete lo na tere ti dere ti da.” Me fani use, David akpe na le ti likongo ni.

1 Samuel 19:6

Saul ama tënë ti Jonatan si lo deba yanga ti lo, lo tene: “KOTA GBIA ayeke na fini! Fade mbi yeke fâ David pepe.”

1 Samuel 20:33

Saul ayo likongo ti lo ti kpo na Jonatan. Tongaso Jonatan ahinga atene, babâ ti lo aleke biani na be ti lo ti fâ David.