1 Samuel 18:5 - Mbeti ti Nzapa - Tënë so amu fini

⁵ Ndo so kue Saul ayeke tokua David daa ti tiri bira, David ayeke so benda. Saul azia lo na li ti azo ti bira kue. Azo ti kodro kue na azo ti gbe ti Saul aye tënë ti lo.

1 Samuel 18:5 ပူးပေါင်းရင်းမြစ်များ

Tongo nda ti aye 39:23

Aye so kue makonzi ti da ti kanga ni azia na maboko ti Joseph, makonzi ni ayeke kiri ti baa peko ni pepe, ngbanga ti so KOTA GBIA ayeke na Joseph. Aye so kue lo yeke sara, KOTA GBIA asara titene aga nzoni.

2 Samuel 5:10

Ngangu ti David ayeke mai maingo, ngbanga ti so *KOTA GBIA, Nzapa so ayeke na ndö ti dunia kue ayeke na lo.

2 Samuel 5:2

So Saul ayeke ando gbia ti e so, mo laa mo yeke lakue na li ti azo ti Israel ti gue na ala na bira nga ti kiri na ala. *KOTA GBIA atene na mo: ‘Mo laa mo yeke bata ande azo ti Israel, azo ti mbi; mo laa mo yeke ga makonzi ti azo ti Israel.’ ”

2 Mbai 17:3

*KOTA GBIA ayeke na Yosafat, ngbanga ti so lo mu peko ti akozo sarango ye ti kotara ti lo David. Lo gue na peko ti anzapa *Baal pepe.

Abia (Psaumes) 1:3

Lo yeke tongana keke so a lu na tere ti ngu: keke so ayeke le na ngoi ti lengo ni, akugbe ti lo angba fini lakue. Aye so kue zo ni ayeke sara ayeke ga nzoni.

Abia (Psaumes) 101:2

Mbi ye ti hinga lege ti sarango ye ti azo so alingbi kue. Lawa laa mo yeke ga ande na mbage ti mbi? Na ya ti da ti mbi, mbi yeke sara ye na be so alingbi kue.

Matthieu 10:16

“Ala baa, mbi yeke tokua ala tongana ataba na popo ti ambo ti ngonda. Ayeke nzoni le ti ala akpengba tongana ti angbo si ala duti tongana *ambipa so ayeke sara ngangu na zo pepe.

Awatokua 7:10

Nzapa azi lo na ya ti aye ti ngangu so kue asi na lo. So Joseph asi na gbe ti Faraon, gbia ti Ezipte, Nzapa amu na lo ndara si lo sara titene gbia ni abaa lo na nzoni le. Tongaso gbia ni azia Joseph ti sara komandema na ndö ti Ezipte nga na ndö ti aye ti da ti lo kue.

Efeze 5:17

Ndani laa, ala duti tongana abuba zo pepe, me ala gi lege ti hinga ye so Kota Gbia aye.

Kolose 4:5

Ala duti na ndara na popo ti azo so ahinga Nzapa pepe; ala zia ngoi ti ala ahon senge senge pepe.

Awafango-ngbanga 1:19

KOTA GBIA wani ayeke na azo ti Juda, lo sara si ala mu sese so ahoto ayeke daa. Me ala tumba azo so alango na lando ti gbeni so pepe, ngbanga ti so azo ni ayeke na apusu ti bira so a sara na wen.

1 Samuel 13:2

Na popo ti azo ti Israel, Saul asoro aturugu saki ota. Aturugu saki use angba na tere ti lo na kodro ti Mikmas nga na sese ti ahoto ti Betel. Ambeni saki oko ayeke na tere ti molenge ti lo Jonatan na gbata ti Gibea, na sese ti Benjamin. Saul atene na tanga ti azo ti Israel titene zo oko oko akiri na ndo ti lo.

1 Samuel 14:52

Na ngoi so kue Saul ayeke gbia, lo tiri bira ngangu na azo ti Filistii. Lakue tongana lo baa mbeni zo ti ngangu wala mbeni zo so ayeke sara mbeto pepe, lo yeke mu zo ni ti ga turugu ti lo.

1 Samuel 18:16

Me azo ti Israel kue na azo ti Juda aye David, ngbanga ti so lo laa lo yeke luti na li ti ala na guengo ti ala na bira nga na kiringo ti ala.

1 Samuel 18:30

Amakonzi ti aturugu ti Filistii ague ti tiri bira na azo ti Israel. Na ya ti abira ni oko oko kue, David laa ayeke so benda ahon aturugu ti kota kamba ti Saul kue; nilaa iri ti lo awu mingi.

1 Samuel 18:4

Jonatan azi kota bongo so lo yu, lo mu na David. Lo mu nga na David abongo ti lo ti turugu; ataa yongoro zeme ti lo, kokora ti lo na kamba ti lo so lo yeke kanga na ndö ti bongo, lo mu nga na David.

1 Samuel 18:6

Na peko ti so David afâ Goliat, zo ti Filistii si lo na aturugu ayeke kiri na kodro, awali alondo na ya ti agbata ti Israel kue ti gue ti wara gbia Saul. Ala yeke he bia, ala yeke dodo, ala yeke pika ngo, ala yeke pika mozoko, ala dekongo na ngia.

1 Samuel 3:19

Samuel angba ti kono. KOTA GBIA ayeke na lo. Tongaso, atënë ti KOTA GBIA so kue Samuel atene, peko ni angba senge pepe.