1 Samuel 18:4 - Mbeti ti Nzapa - Tënë so amu fini

⁴ Jonatan azi kota bongo so lo yu, lo mu na David. Lo mu nga na David abongo ti lo ti turugu; ataa yongoro zeme ti lo, kokora ti lo na kamba ti lo so lo yeke kanga na ndö ti bongo, lo mu nga na David.

1 Samuel 18:4 ပူးပေါင်းရင်းမြစ်များ

Tongo nda ti aye 41:42

Faraon azi bage so ayeke na maboko ti lo, lo yoro ni na maboko ti Joseph. Lo yu na Joseph mbeni pendere bongo so a sara ni na *len si lo zia na go ti lo ye ti go so a sara ni na lôro.

2 Samuel 1:22

Na dawa ti azo so alingbi ti fâ ala, na dawa ti angangu wato, kokora ti Jonatan ayeke kiri ka na peko pepe, yongoro zeme ti Saul ayeke kiri ka senge pepe.

Ésaïe 61:10

Mbi yeke na ngia mingi ndali ti *KOTA GBIA. Be ti mbi asi singo na ngia ndali ti Nzapa ti mbi. Biani, lo soo mbi na kuâ si aga tongana bongo ti matanga na tere ti mbi. Lo yu mbirimbiri na tere ti mbi tongana kota bongo. Mbi kpa koli so amu wali na fini ni si lo zia kpoto ti gbia na li ti lo tongana ti wayango-sandaga, wala wali so amu koli na fini ni si lo yu aye ti pendere.

Ezekiel 23:15

Ala kanga kamba ti ndö ti bongo na ngbonda ti ala, ala yu kpoto na li ti ala. Ala kpa akpengba zo ti bira. Ala yeke tongana azo so ayeke lango na Babilone, kodro so a du ala daa.

Nzoni Tënë so Luc asu na mbeti 15:22

Me babâ ni atene na azo ti kua ti lo: ‘Ala mu bongo so ayeke pendere ahon atanga ni kue aga na ni hio, ayu na lo, ala yoro bage na maboko ti lo, ala yu na lo poro.

2 Korente 5:21

Christ asara siokpari oko pepe, me Nzapa asara si siokpari ti e akiri na li ti lo. Tongaso na lege ti Christ, Nzapa asara si e ga mbirimbiri.

1 Samuel 17:38

Saul amu taa abongo ti lo ti bira, lo yu na David. Lo zia kpoto ti bengba wen na li ti lo; lo yu na lo kazaka ti wen.

1 Samuel 18:5

Ndo so kue Saul ayeke tokua David daa ti tiri bira, David ayeke so benda. Saul azia lo na li ti azo ti bira kue. Azo ti kodro kue na azo ti gbe ti Saul aye tënë ti lo.