1 Samuel 18:27 - Mbeti ti Nzapa - Tënë so amu fini

²⁷ David na azo ti lo alondo ti gue ti tiri bira na azo ti Filistii si lo fâ ala ngbangbo use. David aga na apito ni, azo adiko na dawa ti gbia titene David aga kogara ti gbia. Tongaso Saul amu molenge ti lo ti wali Mikal ti ga wali ti David.

1 Samuel 18:27 ပူးပေါင်းရင်းမြစ်များ

2 Samuel 3:13

David akiri tënë: “Nzoni! Fade mbi na mo, e yeke sara *mbuki; me mbi hunda na mo gi ye oko: Kozo titene mbi na mo, e wara tere, ayeke nzoni mo tokua wali ti mbi Mikal, molenge ti Saul si.”

2 Samuel 3:14

Na pekoni, David atokua azo na Ishebaal, molenge ti Saul ti tene na lo: “Kiri na mbi wali ti mbi Mikal so lani mbi vo lo na *pito ngbangbo oko ti azo ti Filistii so.”

Awafango-ngbanga 14:19

Yingo ti KOTA GBIA aga na ndö ti Samson si lo zu na Askalon. Lo fâ akoli baleota na Askalon, lo mu abongo ti ala si lo gue, lo mu ni tongana abongo ti matanga na azo so asigigi na nda ti toli ti lo so. Ngonzo amu lo mingi si lo kiri na da ti babâ ti lo.

1 Samuel 14:49

Iri ti amolenge ti Saul ti koli ayeke so: Jonatan, Ishevi na Malkishua. Iri ti amolenge ti lo ti wali ayeke so: Merab, kozo molenge ni na Mikal, ngambe ni.

1 Samuel 18:13

Saul azia David makonzi na li ti aturugu saki oko titene lo tumba lo yongoro na tere ti lo. Tongaso, David ayeke na li ti aturugu ni, ala yeke gue na bira, ala yeke kiri.

1 Samuel 18:17

Saul atene na David: “Baa, Merab, kozo molenge ti mbi ti wali laa; mbi yeke mu lo na mo titene lo ga wali ti mo. Gi ye oko, sara kua ti mbi ngangu, mo tiri bira ndali ti *KOTA GBIA.” Andaa Saul ayeke tene na be ti lo, atene: “Mbi wani laa mbi yeke fâ lo pepe; ayeke nzoni azo ti Filistii laa afâ lo.”

1 Samuel 18:28

Saul abaa si lo hinga atene, KOTA GBIA ayeke na David si molenge ti lo ti wali Mikal aye David.

1 Samuel 25:44

Mikal, molenge ti Saul ti wali ayeke lani kozo wali ti David. Me babâ ti Mikal amu lo ti ga wali na Palti, molenge ti Laish, zo ti gbata ti Galim.