1 Samuel 18:25 - Mbeti ti Nzapa - Tënë so amu fini

²⁵ Saul atene: “Ala tene na lo, atene: ‘Gbia ahunda titene mo ka nginza na peko ti wali ni pepe. Me lo hunda gi *pito ngbangbo oko ti azo ti Filistii tongana kiringo peko ti sioni na awato ti lo.’ ” Saul aleke fade ye kue titene David ati na maboko ti azo ti Filistii.

1 Samuel 18:25 ပူးပေါင်းရင်းမြစ်များ

Tongo nda ti aye 29:18

Jacob aye Rachel si lo tene: “Mbi yeke sara kua na mo na ya ti ngu mbarambara ndali ti Rachel, molenge ti mo ti ngambe ni.”

Tongo nda ti aye 34:12

Ala fa na mbi kota nginza ti peko ti lo nga na gba ti kadoo. Fade mbi yeke mu na ala ye so kue ala yeke hunda na mbi; me gi ye oko, ala mu na mbi molenge-wali ni titene lo ga wali ti mbi.”

2 Samuel 3:14

Na pekoni, David atokua azo na Ishebaal, molenge ti Saul ti tene na lo: “Kiri na mbi wali ti mbi Mikal so lani mbi vo lo na *pito ngbangbo oko ti azo ti Filistii so.”

Josué 5:3

Josué amu têne, lo leke na azeme si lo fâ azo ti Israel na ganza na ndo so iri ni hoto ti *Pito.

1 Samuel 14:24

Na lango ni so, azo ti Israel abaa pasi mingi. Andaa Saul adeba ala, atene: “Tongana mbeni zo ate kobe kozoni si lâ akui, kozoni titene mbi sara sioni na awato ti mbi, deba aga na ndö ti lo!” Nilaa, zo oko azia mbeni ye na yanga ti lo pepe.

1 Samuel 17:26

David ahunda azo so ayeke luti nduru na tere ti lo so, atene: “Zo so ayeke fâ zo ti Filistii so si ayeke zi kamene na le ti azo ti Israel, fade a yeke sara nyen na lo? Zo ti Filistii so ahinga Nzapa pepe so, lo yeke zo wa si lo yeke gi yanga ti aturugu ti Nzapa so ayeke na fini so?”

1 Samuel 17:36

Lege so mbi zo ti gbe ti mo, mbi fâ bamara, mbi fâ nga urse laa. Zo ti Filistii so ahinga Nzapa pepe so, fade mbi yeke sara na lo tongana ti so mbi sara na anyama use so, ngbanga ti so lo gi yanga ti aturugu ti Nzapa, Nzapa so ayeke na fini.”

1 Samuel 18:17

Saul atene na David: “Baa, Merab, kozo molenge ti mbi ti wali laa; mbi yeke mu lo na mo titene lo ga wali ti mo. Gi ye oko, sara kua ti mbi ngangu, mo tiri bira ndali ti *KOTA GBIA.” Andaa Saul ayeke tene na be ti lo, atene: “Mbi wani laa mbi yeke fâ lo pepe; ayeke nzoni azo ti Filistii laa afâ lo.”

1 Samuel 18:24

Azo ti gbe ti Saul ague, atene na lo peko ti tënë so David atene so.

1 Samuel 19:1

Saul atene na molenge ti lo Jonatan nga na azo ti gbe ti lo so lo leke na be ti lo ti fâ David. Andaa Jonatan, molenge ti Saul aye David mingi.