1 Samuel 18:21 - Mbeti ti Nzapa - Tënë so amu fini

²¹ Saul atene na be ti lo, atene: “Fade mbi yeke mu na lo Mikal titene lo ga tongana kuku si azo ti Filistii alingbi ti zia maboko na ndö ti David.” Nilaa, fani use, Saul atene na David: “Laso, mo yeke ga kogara ti mbi.”

1 Samuel 18:21 ပူးပေါင်းရင်းမြစ်များ

Abia (Psaumes) 38:12

Azo so mbi na ala e ye tere na azo so mbi na ala e yeke fono lakue, ala ga nduru na mbi pepe ndali ti aka ti mbi; a-ita ti mbi aluti yongoro na tere ti mbi.

Sigingo 10:7

Azo ti gbe ti Faraon atene na lo: “Zo so ayeke ngba tongana kuku ti gbungo e ngbii asi lawa? Zia lege na azo ti Israel titene ala gue, avoro KOTA GBIA, Nzapa ti ala. Kodro ti Ezipte ayeke gue ti buba laa; ade mo hinga ni pepe?”

Amato 29:5

Zo so atene anzerengo tënë ti handa na mba ti lo, lo zia gbanda na lege ti lo.

Jérémie 5:26

Na popo ti azo ti mbi, azo ti sioni ayeke daa. Ala honde tere ti ala ti ku tongana zo ti gingo andeke. Ala sara akuku ti gbu na azo.

Jérémie 9:8

So tënë ti yanga ti KOTA GBIA laa: Ndali ti ye tongaso, fade mbi yeke ga na tere ti ala pepe? Mara ti azo tongaso, mbi yeke kiri na ala peko ti sioni so ala sara so pepe?”

1 Samuel 18:17

Saul atene na David: “Baa, Merab, kozo molenge ti mbi ti wali laa; mbi yeke mu lo na mo titene lo ga wali ti mo. Gi ye oko, sara kua ti mbi ngangu, mo tiri bira ndali ti *KOTA GBIA.” Andaa Saul ayeke tene na be ti lo, atene: “Mbi wani laa mbi yeke fâ lo pepe; ayeke nzoni azo ti Filistii laa afâ lo.”

1 Samuel 18:22

Saul amu yanga na azo ti gbe ti lo, atene: “Ala tene na David na hondengo ni, atene: ‘Gbia aye tënë ti mo si e azo ti gbe ti lo kue, e ye mo. Ayeke nzoni mo yeda ti ga kogara ti lo.’ ”

1 Samuel 18:26

Azo ti gbe ti Saul atene peko ti tënë ni na David. David ayeda na tënë ni si lo ye ti ga kogara ti gbia. Lango so a fa so ade ti lingbi pepe,