1 Samuel 18:17 - Mbeti ti Nzapa - Tënë so amu fini

¹⁷ Saul atene na David: “Baa, Merab, kozo molenge ti mbi ti wali laa; mbi yeke mu lo na mo titene lo ga wali ti mo. Gi ye oko, sara kua ti mbi ngangu, mo tiri bira ndali ti *KOTA GBIA.” Andaa Saul ayeke tene na be ti lo, atene: “Mbi wani laa mbi yeke fâ lo pepe; ayeke nzoni azo ti Filistii laa afâ lo.”

1 Samuel 18:17 ပူးပေါင်းရင်းမြစ်များ

2 Samuel 11:15

Lo su na ya ti mbeti ni, lo tene: “Ala zia Urii na mbeni ndo so bira ayeke kporo daa ngangu; ala kiri ti ala na peko, ala zia gi lo oko si awato apika lo afâ lo.”

2 Samuel 12:9

Ngbanga ti nyen si mo baa tënë ti mbi, KOTA GBIA, tongana mbumbuse ye si mo sara ye so anzere na mbi pepe so? Mo fâ Urii, zo ti mara ti Het. Mo laa mo sara kue titene azo ti mara ti Amon afâ lo. Na pekoni, mo mu wali ti lo ti ga wali ti mo.

2 Samuel 6:16

Na ndembe so sanduku ti mbuki ti KOTA GBIA ayeke li na Gbata ti David, Mikal, molenge ti Saul ti wali ayeke baa ndo na le ti fenetere. Lo baa gbia David so ayeke huru na nduzu si lo yeke dodo na dawa ti KOTA GBIA. Na be ti Mikal, lo baa David tongana mbumbuse zo.

Abia (Psaumes) 12:2

*KOTA GBIA, soo mbi maa! Azo so angba na lege ti mo ayeke daa mbeni pepe; azo ti mbirimbiri ayeke daa fadeso pepe.

Abia (Psaumes) 55:21

Zo so asara sioni na amba ti lo awe, amba ti lo so lo na ala aduti na siriri; lo buba ya ti *mbuki ti lo awe.

Amato 26:24

Zo ti kengo azo ahonde tere ti lo na peko ti atënë ti lo; na ya ti be ti lo kâ, lo leke atënë ti handa.

Amato 26:25

Ataa lo tene tënë na nzoni be, mo zia be ti mo na ndö ni pepe, ngbanga ti so aye ti sioni mingi asi singo na ya ti be ti lo.

Amato 26:26

Na lege ti mayere, lo lingbi ti honde tënë ti kengo azo, me fade sioni ti lo ayeke sigigi na le ti azo kue polele.

Wungo ti azo 21:14

Ndani laa, a su tënë ni na ya ti Buku ti Abira ti *KOTA GBIA, atene: “…Vaheb so ayeke na Sufa, lo na akete ngu ti lo nga na Arnon,

Wungo ti azo 32:20

Moïse atene na ala: “Ala sara ye ni tongana ti so ala tene so. Na dawa ti KOTA GBIA, ala mu aye ti bira ti ala, ala gue na bira.

Wungo ti azo 32:27

E kue, e yeke mu aye ti bira ti e ti hon na bira na dawa ti KOTA GBIA tongana ti so mo tene.”

Wungo ti azo 32:29

Lo tene na ala: “Tongana azo ti mara ti Gad na ti Ruben afâ ngu ti Jourdain legeoko na ala, azo ti Israel, tongana azo ti Gad na ti Ruben amu aye ti bira ti gue na bira na dawa ti KOTA GBIA, tongana ala mu tanga ti kodro ni awe, ayeke nzoni a mu na ala sese ti Galaad titene aga ti ala, na ti amolenge ti ala.

Ndia ti fani use ni 17:7

Azo so abaa lo na sarango ye ni so laa ayeke bo lo na têne kozoni ti fâ lo. Na pekoni, tanga ti azo ti kodro ni ayeke bo lo. Lege so fade ala yeke zi sioni ye na popo ti ala laa.

1 Samuel 14:49

Iri ti amolenge ti Saul ti koli ayeke so: Jonatan, Ishevi na Malkishua. Iri ti amolenge ti lo ti wali ayeke so: Merab, kozo molenge ni na Mikal, ngambe ni.

1 Samuel 17:25

Zo oko oko ayeke tene: “Ala baa koli so ayeke ga so pepe? Lo yeke ga ti gi yanga ti azo ti Israel laa! Zo so ayeke fâ lo, fade gbia ayeke mu na lo gba ti mosoro. Gbia ayeke mu molenge ti lo ti wali ti ga wali ti lo si gbia ayeke zia sewa ti lo afuta lapo mbeni pepe.”

1 Samuel 17:36

Lege so mbi zo ti gbe ti mo, mbi fâ bamara, mbi fâ nga urse laa. Zo ti Filistii so ahinga Nzapa pepe so, fade mbi yeke sara na lo tongana ti so mbi sara na anyama use so, ngbanga ti so lo gi yanga ti aturugu ti Nzapa, Nzapa so ayeke na fini.”

1 Samuel 17:47

Fade azo so kue abongbi ge so ayeke hinga atene, KOTA GBIA ayeke sara titene azo ti lo aso benda na lege ti yongoro zeme wala likongo pepe. Me KOTA GBIA laa ayeke makonzi ti bira; fade lo yeke zia ala na maboko ti e.”

1 Samuel 18:21

Saul atene na be ti lo, atene: “Fade mbi yeke mu na lo Mikal titene lo ga tongana kuku si azo ti Filistii alingbi ti zia maboko na ndö ti David.” Nilaa, fani use, Saul atene na David: “Laso, mo yeke ga kogara ti mbi.”

1 Samuel 18:25

Saul atene: “Ala tene na lo, atene: ‘Gbia ahunda titene mo ka nginza na peko ti wali ni pepe. Me lo hunda gi *pito ngbangbo oko ti azo ti Filistii tongana kiringo peko ti sioni na awato ti lo.’ ” Saul aleke fade ye kue titene David ati na maboko ti azo ti Filistii.

1 Samuel 18:27

David na azo ti lo alondo ti gue ti tiri bira na azo ti Filistii si lo fâ ala ngbangbo use. David aga na apito ni, azo adiko na dawa ti gbia titene David aga kogara ti gbia. Tongaso Saul amu molenge ti lo ti wali Mikal ti ga wali ti David.

1 Samuel 25:28

Mbi gbu gere ti mo, zi na li ti mbi zo ti kua ti mo sioni so mbi sara. Biani, fade KOTA GBIA ayeke mu kodro ni na mo, kodro ni ayeke ngba lakue lakue, ngbanga ti so mo yeke tiri bira ndali ti KOTA GBIA. Na ya ti lango so kue mo yeke ngba na fini, fade a yeke wara sioni oko na li ti mo pepe.

1 Samuel 30:26

So David asi na Siklag awe, lo tokua ambeni ye so ala gbu na peko ti bira so na *akangba ti Juda, ala so ayeke akamarade ti lo; lo tene na ala: “Aye so e gbu na peko ti bira na maboko ti awato ti KOTA GBIA so, ti ala laa.”