1 Samuel 18:16 - Mbeti ti Nzapa - Tënë so amu fini

¹⁶ Me azo ti Israel kue na azo ti Juda aye David, ngbanga ti so lo laa lo yeke luti na li ti ala na guengo ti ala na bira nga na kiringo ti ala.

1 Samuel 18:16 ပူးပေါင်းရင်းမြစ်များ

2 Samuel 5:2

So Saul ayeke ando gbia ti e so, mo laa mo yeke lakue na li ti azo ti Israel ti gue na ala na bira nga ti kiri na ala. *KOTA GBIA atene na mo: ‘Mo laa mo yeke bata ande azo ti Israel, azo ti mbi; mo laa mo yeke ga makonzi ti azo ti Israel.’ ”

1 Agbia 3:7

Biani, KOTA GBIA Nzapa ti mbi, mo laa mo mu mbi, zo ti kua ti mo titene mbi le-gbia na plase ti babâ ti mbi David, ataa so mbi de molenge si mbi hinga lege ti sara komandema pepe.

Esther 10:3

Biani, Mardochée, zuife so aga kota zo mingi na ya ti kodro ni; na peko ti gbia Zerses, ayeke lo. Ti azuife, lo yeke kota zo mingi na ya ti kodro ni; azo ti mara ti lo aye tënë ti lo mingi. Lo yeke gi gi nzoni ti azo ti kodro ti lo si lo yeke sara kue ti bata siriri ti azo ti mara ti lo kue.

Wungo ti azo 27:17

Ayeke nzoni zo ni ayeke zo so alingbi ti tambula na li ti aturugu ti gue na ala na bira, ti kiri na ala si bongbi ti azo ti KOTA GBIA aduti pepe tongana ataba so zo ti batango ala ayeke daa pepe.”

Nzoni Tënë so Luc asu na mbeti 19:48

Me ala hinga ye so ala lingbi ti sara pepe, ngbanga ti so azo kue azia mê ti ala kue ti ma atënë so ayeke sigigi na yanga ti lo.

Nzoni Tënë so Luc asu na mbeti 20:19

Gi na ndembe ni so, awafango-ndia na akota wayango-sandaga ayeke gi lege ti gbu Jésus, me ala sara mbeto ti azo ti kodro. Ala hinga so toli so lo tene so, lo tene gi ti kpo ala.

1 Samuel 18:13

Saul azia David makonzi na li ti aturugu saki oko titene lo tumba lo yongoro na tere ti lo. Tongaso, David ayeke na li ti aturugu ni, ala yeke gue na bira, ala yeke kiri.

1 Samuel 18:15

So Saul abaa David ayeke so benda mingi, mbeto ti David ayeke sara lo sarango.

1 Samuel 18:5

Ndo so kue Saul ayeke tokua David daa ti tiri bira, David ayeke so benda. Saul azia lo na li ti azo ti bira kue. Azo ti kodro kue na azo ti gbe ti Saul aye tënë ti lo.