1 Samuel 18:1 - Mbeti ti Nzapa - Tënë so amu fini

¹ Gi so David ahunzi ti tene tënë na Saul awe, Jonatan aye David; lo ye David tongana ti so lo ye na tere ti lo wani.

1 Samuel 18:1 ပူးပေါင်းရင်းမြစ်များ

Tongo nda ti aye 44:30

Juda akiri atene: ‘Tongana mbi kiri fadeso na tere ti babâ ti mbi, zo ti gbe ti mo si molenge ni ayeke na tere ti e pepe, so tënë ti molenge ni agbu be ti lo mingi so,

2 Samuel 1:26

Ita ti mbi Jonatan, ndali ti mo, mbi yeke na vundu. Mo ye mbi lani mingi; yengo so mo ye na mbi ahon ti so koli aye wali ti lo.

1 Mbai 12:17

Ambeni zo ti mara ti Benjamin na ambeni zo ti mara ti Juda amu peko ti David na ndo so lo honde tere ti lo daa.

Abia (Psaumes) 86:11

KOTA GBIA, fa na mbi lege ti mo si fade mbi sara ye alingbi na taa-tënë ti mo. Sara si be ti mbi aduti oko si mbi kpe mbeto ti mo.

Amato 18:24

Zo so ayeke na gba ti akamarade, ye so alingbi ti ga kota kungba na ndö ti lo; me taa kamarade ayeke sara na mo ahon ita ti mo.

Ndia ti fani use ni 13:6

Alingbi a fâ wayanga-nzapa ni so, wala zo ti bango aye na ya ti bango-li so, ngbanga ti so lo pusu ala ti ke KOTA GBIA Nzapa ti ala, lo so lo sara si ala sigigi na sese ti Ezipte, lo so lo zi ala na ndo so ala yeke lani angbaa daa. Zo ni aye titene ala mu mbeni lege nde na ti so KOTA GBIA Nzapa ti ala amu yanga na ala titene ala tambula daa. Lege so fade ala yeke zi sioni ye na popo ti ala laa.

Kolose 2:2

Mbi ye titene be ti ala awara ngangu, ala ga oko na lege ti yengo tere si ala wara lege ti mango ya ti tënë nzoni kue. Tongaso, fade ala yeke hinga nda ti tënë ti Nzapa so angba fade na hondengo ni: tënë ni ayeke Christ.

Awafango-ngbanga 20:11

Tongaso laa azo ti Israel kue abongbi tongana zo oko ti tiri bira na azo ti Gibea.

1 Samuel 14:45

Me aturugu atene na Saul: “Jonatan so asara si azo ti Israel aso benda so, fade lo yeke kui biani? Tongana e fâ lo, so ayeke sioni ye mingi. KOTA GBIA ayeke na fini! E yeke yeda titene kua ti li ti Jonatan oko ati na sese pepe, ngbanga ti so lo na Nzapa laa asara ye so laso!” Tongaso aturugu asoo Jonatan na ya ti kuâ.

1 Samuel 18:3

Tongaso, Jonatan na David aleke tënë na popo ti ala, ngbanga ti so Jonatan aye lo tongana ti so lo ye na tere ti lo wani.

1 Samuel 19:1

Saul atene na molenge ti lo Jonatan nga na azo ti gbe ti lo so lo leke na be ti lo ti fâ David. Andaa Jonatan, molenge ti Saul aye David mingi.

1 Samuel 19:2

Jonatan atene tënë ni na David, lo tene: “Babâ ti mbi Saul ayeke gi lege ti fâ mo. Kekereke na ndaperere, mo sara hange. Mo gi mbeni ndo, mo honde tere ti mo daa.

1 Samuel 20:17

Jonatan akiri ahunda na David ti deba yanga ti lo ti fa so, David angba ti ye ni Jonatan, ngbanga ti so ni Jonatan, ni ye David tongana ti so ni ye tere ti ni wani.

1 Samuel 20:8

Sara nzoni be na mbi, ngbanga ti so mbi na mo, e ga *ambuki na le ti KOTA GBIA awe. Tongana mbi sara mbeni sioni ye, ayeke nzoni mo wani, mo fâ mbi ahon titene mo zia mbi na maboko ti babâ ti mo.”

1 Samuel 22:8

Ngbanga ti nyen si ala kue ayeke leke tënë na tere ti mbi na hondengo ni? So molenge ti mbi na molenge ti Yese ama tere ti ga *ambuki so, zo oko na popo ti ala atene na mbi tënë ni pepe, zo oko abaa mawa ti mbi pepe. So molenge ti mbi ayeke pusu zo ti kua ti mbi ti leke kuku titene mbi ti daa, zo oko ti tene tënë ni na mbi ayeke daa pepe. Ye ni laa e yeke baa laso so.”

1 Samuel 23:18

Ala use kue aleke tënë ti *mbuki na popo ti ala na dawa ti KOTA GBIA. David angba ti lo na Horsha si Jonatan akiri na ndo ti lo.