1 Samuel 17:7 - Mbeti ti Nzapa - Tënë so amu fini

⁷ Keke ti likongo ti lo akono tongana keke ti masini ti awasarango-bongo. Wen so a sara na likongo ti lo ane kilo mbarambara. Zo so ayo *vala ti lo ayeke tambula na dawa ti lo.

1 Samuel 17:7 ပူးပေါင်းရင်းမြစ်များ

2 Samuel 21:16

Ishebi-Benob, mbeni *hale ti Harafa akanga afini ye ti bira na tere ti lo; bengba wen so a sara na likongo ti lo ane ahon kilo ota. Lo leke na be ti lo ti fâ David.

2 Samuel 21:19

Mbeni bira akiri alondo na popo ti azo ti Israel na azo ti Filistii na kodro ti Gob. Elanan, molenge ti Yari, zo ti Betlehem afâ Goliat, zo ti kodro ti Gat. Keke ti likongo ti lo akono tongana keke ti masini ti awasarango-bongo.

1 Mbai 11:23

Lo laa lo fâ mbeni zo ti Ezipte so ayo metere use na ndambo. Likongo ti zo ti Ezipte ni akono tongana keke ti masini ti wasarango-bongo. Benaya amu keke si lo gue na tere ti zo ti Ezipte ni, lo gboto likongo ti koli so na maboko ti lo si lo fâ lo na ni.

1 Mbai 20:5

Mbeni bira akiri alondo na popo ti azo ti Israel na azo ti Filistii. Elanan, molenge ti Yair afâ Lami, ita ti Goliat, zo ti kodro ti Gat. Keke ti likongo ti lo akono tongana keke ti masini ti awasarango-bongo.

1 Samuel 17:41

Zo ti Filistii so ayeke ga nduru nduru na tere ti David. Zo so ayo aye ti bira ti lo ayeke tambula na dawa ti lo.