1 Samuel 17:52 - Mbeti ti Nzapa - Tënë so amu fini

⁵² Aturugu ti Israel na ti Juda adekongo ti bira si ala tumba peko ti azo ti Filistii ngbii asi na yanga ti gbata ti Gat na ti Ekron. Kuâ ti azo ti Filistii ayeke lango na tere ti lege ti kodro ti Shaaraim ngbii asi na Gat nga na Ekron.

1 Samuel 17:52 ပူးပေါင်းရင်းမြစ်များ

2 Samuel 23:10

Me Elazar alondo si lo fâ azo ti Filistii ngbii maboko ti lo awoko si angba gi na tere ti yongoro zeme ti lo. Na lango ni so, *KOTA GBIA asara si azo ti Israel aso benda. Aturugu ni akiri na tere ti Elazar gi ti ro aye ti azo so akui so.

1 Agbia 20:21

Na pekoni, gbia ti Israel asigigi ti gue na bira. Lo fâ ambarata, lo buba apusu ti mbarata si lo nika azo ti Sirii nikango.

Josué 15:11

Katikati ni akiri amu tere ti hoto ti Ekron, afâ ya ti hoto ti Baala, ague na mbage ti Yabne. Na pekoni asi na kota ngu-ingo ti Mediterane.

Awafango-ngbanga 7:23

Tongaso, a iri azo ti Israel so ayeke ti mara ti Neftali, ti Aser na ti Manase kue ti ga si ala tumba peko ti azo ti Madian.

1 Samuel 17:53

Na pekoni, azo ti Israel azia lege ti tumbango peko ti azo ti Filistii, ala kiri na ya ti bâbâ ti azo ti Filistii ni, ala ro akungba ti ala.

1 Samuel 5:10

Azo ti gbata ni atokua sanduku ti mbuki ti Nzapa na gbata ti Ekron. Me gi so sanduku ni asi na Ekron awe, azo ni adekongo, atene: “A yo sanduku ti mbuki ti Nzapa ti Israel aga na ni na ndo ti e titene afâ e na azo ti e kue!”

1 Samuel 5:8

Azo ti Asdod airi agbia kue ti azo ti Filistii ti bongbi na ndo ti ala si ala tene na agbia ni: “Nyen laa e lingbi ti sara na sanduku ti mbuki ti Nzapa ti Israel so?” Agbia ti Filistii akiri tënë: “Ala yo sanduku ni ague na ni na gbata ti Gat.” Tongaso, ala yo sanduku ni ague na ni na Gat.