1 Samuel 17:51 - Mbeti ti Nzapa - Tënë so amu fini

⁵¹ David akpe loro aluti na tere ti zo ti Filistii ni, lo gboto yongoro zeme ti zo ti Filistii ni na ya ti bozo ni, lo de go ti lo. So azo ti Filistii abaa so kpengba zo ti bira ti ala akui awe, ala kpe.

1 Samuel 17:51 ပူးပေါင်းရင်းမြစ်များ

2 Samuel 23:21

Lo laa lo fâ mbeni zo ti Ezipte so ayo mara ni use ape; likongo ayeke na maboko ti zo ti Ezipte ni. Benaya amu keke si lo gue na tere ti zo ti Ezipte ni, lo gboto likongo ti koli so na maboko ti lo si lo fâ lo na ni.

2 Samuel 4:7

So ala li fade na ya ti da ni, andaa Ishebaal ayeke lango na ndö ti gbogbo ti lo, ala kpo lo si ala fâ lo. Ala mu li ti lo si ala tambula bi bi bi ahon na lege so ague na Araba.

Esther 7:10

Ala kanga go ti Haman na nduzu na tere ti keke so lo wani, lo leke ndali ti Mardochée. Na pekoni, ngonzo ti gbia ade.

Ahebro 11:34

ala mingo angangu wâ, ala kpe na maboko ti azo so aye ti fâ ala na yongoro zeme, ala kiri awara ngangu na peko ti kobela so asara ala; ala ga akpengba zo ti sarango bira, ala tumba aturugu ti akodro wande.

Ahebro 2:14

Ndali ti so amolenge ni ayeke na tere na mene oko, Jésus aga tongana ala si lo mu tere ti zo. Tongaso, na lege ti kuâ ti lo, lo kinda Zabolo so ayeke ando na ngangu na ndö ti kuâ.

1 Samuel 17:50

Tongaso, gi na mvingi na têne si David ahon ndö ti zo ti Filistii ni. Lo pika lo si lo fâ lo, me yongoro zeme ayeke na maboko ti lo pepe.

1 Samuel 21:10

Wayango-sandaga ni akiri tënë: “Yongoro zeme ti Goliat, zo ti Filistii so lani mo fâ lo na popo-hoto ti Terebente ayeke daa. A kanga ni na ya ti kaba si a zia *efod na ndö ni. Tongana mo ye ti mu ni, mo mu ni senge. Mbeni yongoro zeme nde ayeke na ndo so pepe.” David atene: “Mu na mbi ni, mbeni zeme ti hon ni ayeke daa pepe.”

1 Samuel 21:9

David atene na Ahimelek: “Mbeni likongo wala yongoro zeme ayeke na maboko ti mo ge pepe? Mbi ga na yongoro zeme ti mbi wala aye ti bira ti mbi pepe, ngbanga ti so gbia atokua mbi, mbi londo hio si mbi ga so.”

1 Samuel 31:9

Ala fâ li ti Saul, ala zi aye ti bira ti lo na tere ti lo. Na pekoni, ala tokua azo ti vunga sango ni na ya ti kodro ti azo ti Filistii kue, na ya ti ada ti ayanda ti ala nga na azo ti ala.