1 Samuel 17:46 - Mbeti ti Nzapa - Tënë so amu fini

⁴⁶ Laso, fade KOTA GBIA ayeke zia mo na maboko ti mbi; mbi yeke fâ mo, mbi yeke fâ li ti mo. Gi laso, fade mbi yeke mu kuâ ti aturugu ti Filistii na andeke ti nduzu nga na anyama ti ngonda titene ala te ni. Tongaso, fade azo ti dunia kue ahinga atene Nzapa ayeke na Israel.

1 Samuel 17:46 ပူးပေါင်းရင်းမြစ်များ

Tongo nda ti aye 40:19

Angba lango ota, fade Faraon ayeke kiri ti zia mo na kota ndo ahon ti so be ti mo aye fade. A yeke kanga go ti mo na tere ti keke na nduzu si andeke ayeke ga ti te kasa ti tere ti mo.”

2 Samuel 18:28

Ahimaas adekongo si atene na gbia: “Ye kue ayeke nzoni!” Lo kuku, lo kpo li ti lo na sese na dawa ti gbia si lo tene: “Mbi mu singila na KOTA GBIA, Nzapa ti mo. Azo so lani atomboka na tere ti mo so, lo sara si ala ti na gbe ti mo awe, gbia ti mbi.”

2 Samuel 21:10

Rispa, molenge-wali ti Aya, amu bongo ti mua so lo yu so, lo gbara na ndö ti kota têne si lo yeke lango na ndö ni, ti londo na ngoi so azo ato nda ti fa ale ti kobe ngbii asi na ngoi so ngu-Nzapa ato nda ti pika na ndö ti kuâ ti azo ni. Na kota lâ, Rispa ayeke tumba andeke ti nduzu titene ala ga aduti na ndö ti akuâ ni pepe; na bi, lo yeke tumba anyama ti ngonda yongoro na tere ti akuâ ni.

1 Agbia 8:43

mo so mo yeke na yayu, na ndo so mo yeke duti daa, ayeke nzoni mo ma sambela ti wande so si ye so kue lo hunda na mo, mo mu ni na lo. Tongaso, fade azo kue ti ndö ti sese so ayeke hinga mo, ala yeke kpe mbeto ti mo tongana ti so azo ti Israel, azo ti mo, ayeke kpe mbeto ti mo; azo ni ayeke hinga nga atene, da so mbi sara so, a di iri ti mo na ndö ni.

1 Agbia 8:60

Tongaso si fade amara ti ndö ti sese kue ahinga atene, KOTA GBIA oko laa ayeke Nzapa, mbeni Nzapa nde ayeke daa pepe.

2 Agbia 19:19

Me mo KOTA GBIA, Nzapa ti e, mbi gbu gere ti mo, soo e na maboko ti Senakerib; tongaso si akodro-gbia ti sese kue ahinga atene, gi mo oko KOTA GBIA laa mo yeke Nzapa.”

2 Agbia 5:15

Lo kiri na tere ti Élisée, lo na azo so kue amu peko ti lo. Lo ga lo luti na dawa ti Élisée si lo tene: “Fadeso mbi hinga, mbi tene, na ndö ti sese kue, taa Nzapa ayeke daa pepe, gi na sese ti Israel oko. Mbi gbu gere ti mo titene mo mu na maboko ti mbi, zo ti kua ti mo, kadoo so mbi yeke mu na mo.”

Abia (Psaumes) 31:8

Mbi yeke dodo na ngia, tere ti mbi anzere ndali ti nzoni be ti mo. Biani mo baa mawa ti mbi, mo hinga ye ti ngangu so asi na mbi.

Abia (Psaumes) 46:10

Lo kai abira ngbii asi na nda ti sese kue; lo fâ ya ti akokora, lo kungbi ya ti alikongo, lo gbi apusu ti mbarata ti bira.

Sigingo 9:16

Me mbi zia mo, mo ngba na fini titene mbi fa ngangu ti mbi na mo, titene na lege ti mo, azo agonda iri ti mbi na ndö ti sese kue.

Ésaïe 37:20

Me mo KOTA GBIA, Nzapa ti e, soo e na maboko ti Senakerib; tongaso si akodro-gbia ti sese kue ahinga atene, gi mo oko KOTA GBIA laa mo yeke Nzapa.”

Ésaïe 52:10

Na le ti amara nde kue, KOTA GBIA amu lege na maboko ti lo ti sara kua ti lo so ayeke nde si ayeke nzoni kue. Fade azo ti nda ti sese kue ayeke baa lege so Nzapa ti e ayeke soo e na kuâ.

Ésaïe 56:9

Ala anyama kue ti ngonda, ala anyama kue ti gbako, ala ga ate ye!

Jérémie 19:7

Na ndo so, fade mbi yeke sara si poroso ti azo ti Juda na ti Jérusalem aga senge senge ye. Mbi yeke sara si ala ti na gbe ti awato ti ala si awato ni afâ ala na ya ti bira, awato ti ala ni ayeke baa mawa ti ala oko pepe. Mbi yeke sara si kuâ ti ala aga kobe ndali ti andeke ti nduzu na anyama ti sese.

Jérémie 34:20

fade mbi yeke zia ala na maboko ti awato ti ala, azo so aye gi kuâ ti ala. Kuâ ti ala ayeke ga kobe ti andeke ti nduzu na ti anyama ti sese.

Daniel 2:47

Gbia atene na Daniel, atene: “Taa-tënë, Nzapa ti ala ayeke Nzapa so ahon anzapa kue; lo yeke Gbia ti agbia. Lo laa lo yeke fa nda ti aye ti ndima, ngbanga ti so mo fa na mbi nda ti ye ti ndima so awe.”

Daniel 3:29

Ndani laa, mbi mu yanga fadeso, mbi tene: ‘Zo so ayeke tene sioni tënë ti Nzapa ti Shadrak, ti Meshak na ti Abed-Nego, ataa zo ni ayeke ti mara wa, wala ti yanga ti kodro wa, fade a yeke fâ ya ti zo ni nduru nduru; fade da ti zo ni aga ndo ti azende. Biani, mbeni nzapa nde ti soo zo na kuâ tongaso ayeke daa pepe.’ ”

Matthieu 24:28

Ndo so akuâ ayeke daa, ndo so laa *angoalo ayeke bongbi tere ti ala daa.”

Ndia ti fani use ni 28:26

Akuâ ti ala, azo ti Israel, ayeke ga kobe ti andeke ti nduzu na ti anyama ti sese; zo oko ti ga ti tumba anyama ni ayeke daa pepe.

Ndia ti fani use ni 7:2

KOTA GBIA ayeke zia amara ni na gbe ti komandema ti ala, azo ti Israel, ala yeke hon ndö ti azo ni na bira si ala yeke fâ ala kue ti hunzi ala. Alingbi ala sara *mbuki na azo ti amara ni pepe, ala baa mawa ti ala pepe;

Ndia ti fani use ni 7:23

Ti azo ti mara ni so, fade KOTA GBIA Nzapa ti ala, azo ti Israel, ayeke zia ala na maboko ti ala. Lo yeke bi tomboka na li ti ala ngbii ala hunzi kue.

Josué 10:8

*KOTA GBIA atene na Josué: “Sara mbeto pepe! Mbi zia ala na maboko ti mo awe; zo oko na popo ti ala ti gbu le ni na mo ayeke daa pepe.”

Josué 4:24

Lo sara tongaso titene azo ti ndö ti sese kue ahinga atene, maboko ti KOTA GBIA ayeke ngangu; tongaso si ala, azo ti Israel, ala kpe mbeto ti KOTA GBIA, Nzapa ti ala lakue.’ ”

1 Samuel 14:6

Jonatan atene na zo so ayeke yo aye ti bira ti lo, atene: “Ga, e gue na ndo so aturugu ti Filistii so ahinga Nzapa pepe so ayeke daa. E hinga pepe, KOTA GBIA ayeke sara nzoni ye ndali ti e. Ataa e yeke mingi wala e yeke mingi pepe, mbeni ye ayeke daa pepe ti kanga lege na KOTA GBIA ti sara si e so benda.”

1 Samuel 17:44

Zo ti Filistii so atene na David: “Ga ge; fade mbi yeke mu kasa ti tere ti mo na andeke ti nduzu nga na anyama ti ngonda titene ala te.”