1 Samuel 17:44 - Mbeti ti Nzapa - Tënë so amu fini

⁴⁴ Zo ti Filistii so atene na David: “Ga ge; fade mbi yeke mu kasa ti tere ti mo na andeke ti nduzu nga na anyama ti ngonda titene ala te.”

1 Samuel 17:44 ပူးပေါင်းရင်းမြစ်များ

2 Samuel 21:10

Rispa, molenge-wali ti Aya, amu bongo ti mua so lo yu so, lo gbara na ndö ti kota têne si lo yeke lango na ndö ni, ti londo na ngoi so azo ato nda ti fa ale ti kobe ngbii asi na ngoi so ngu-Nzapa ato nda ti pika na ndö ti kuâ ti azo ni. Na kota lâ, Rispa ayeke tumba andeke ti nduzu titene ala ga aduti na ndö ti akuâ ni pepe; na bi, lo yeke tumba anyama ti ngonda yongoro na tere ti akuâ ni.

Amato 18:12

Kozo titene zo ati biani biani, be ti lo asi singo na baba. Kozo titene zo awara gonda, ayeke nzoni lo sara tere ti lo kete si.

Jérémie 34:20

fade mbi yeke zia ala na maboko ti awato ti ala, azo so aye gi kuâ ti ala. Kuâ ti ala ayeke ga kobe ti andeke ti nduzu na ti anyama ti sese.

Jérémie 9:23

Tongana zo aye ti gonda tere ti lo, ayeke nzoni lo gonda tere ti lo, ngbanga ti so lo hinga ndo si lo hinga mbi. Ayeke nzoni zo ni ahinga atene, mbi yeke KOTA GBIA si mbi yeke sara ye na nzoni be; mbi yeke sara ye na legeni mbirimbiri na ndö ti sese. Ye so anzere na be ti mbi laa; so tënë ti yanga ti KOTA GBIA laa.”

Ezekiel 28:2

“*Molenge ti zo, tene na makonzi ti Tir, mo tene: Tënë so Kota Gbia NZAPA atene ayeke so: Be ti mo asuku na baba si mo tene: ‘Mbi yeke nzapa, mbi duti na ndö ti mbata ti gbia na popo ti anzapa na be ti kota ngu-ingo.’ Mo tene na be ti mo, mo tene, mo lingbi na nzapa, andaa mo yeke gi senge zo, mo yeke nzapa pepe.

Aye so Nzapa afa 19:17

Na pekoni, mbi baa mbeni *ange so ayeke luti na ya ti lâ. Lo dekongo ngangu na andeke so kue ayeke huru yongoro kâ na le ti nduzu, lo tene: “Ala ga abongbi tere ti ala ndali ti kota matanga ti Nzapa!

1 Samuel 14:12

Aturugu ni airi Jonatan na zo so ayeke yo aye ti bira ti lo, atene: “Ala ga na mbage ti e ge; e yeke na mbeni tënë ti tene na ala.” Jonatan atene na zo so ayeke yo aye ti bira ti lo so, atene: “Mu peko ti mbi; KOTA GBIA azia ala na maboko ti azo ti Israel awe.”

1 Samuel 17:46

Laso, fade KOTA GBIA ayeke zia mo na maboko ti mbi; mbi yeke fâ mo, mbi yeke fâ li ti mo. Gi laso, fade mbi yeke mu kuâ ti aturugu ti Filistii na andeke ti nduzu nga na anyama ti ngonda titene ala te ni. Tongaso, fade azo ti dunia kue ahinga atene Nzapa ayeke na Israel.