1 Samuel 17:43 - Mbeti ti Nzapa - Tënë so amu fini

⁴³ Zo ti Filistii so atene na David: “Mbi yeke mbo si mo mu keke ti ga ti tiri na mbi so? Na pekoni, zo ti Filistii so adeba David na iri ti anzapa ti lo.”

1 Samuel 17:43 ပူးပေါင်းရင်းမြစ်များ

Tongo nda ti aye 27:29

Ayeke nzoni amara nde asara kua na gbe ti mo si azo ti akodro nde nde akuku na gbe ti mo! Mo ga makonzi ti a-ita ti mo si a-ita ti mo akuku na gbe ti mo! Deba aga na ndö ti zo so ayeke deba mo, tufa aga na ndö ti zo so ayeke sara tufa na ndö ti mo!”

2 Samuel 16:5

So David asi nduru na Bahurim awe, mbeni koli asigigi, lo na Saul ayeke mara oko, iri ti lo ayeke Shimei, molenge ti Gera. Lo sigigi na ya ti kodro ni si lo yeke deba David.

2 Samuel 16:9

Abishai, so iri ti lo ayeke Seruya atene na gbia: “Gbia ti mbi, kuâ ti mbo so ayeke deba mo ngbanga ti nyen? Zia mbi gue, mbi de go ti lo.”

2 Samuel 3:8

Abner asara ngonzo mingi ndali ti tënë so Ishebaal atene. Nilaa lo kiri tënë, lo tene: “Mbi yeke mbo so ayeke mu gi peko ti azo ti Juda? Mbi sara nzoni be na azo ti da ti babâ ti mo Saul, na a-ita ti lo nga na amba ti lo ngbii asi laso. Mbi sara kue titene mo ti na maboko ti David pepe si laso mo ye ti bi tënë na li ti mbi ndali ti wali so?

2 Samuel 9:8

Mefibaal akuku, akpo li ti lo na sese, lo tene: “Mbi yeke zo wa titene gbia abaa ndo na mbage ti mbi, mbi so mbi kpa kuâ ti mbo so?”

1 Agbia 20:10

Ben-Hadad akiri atokua azo na Akab ti tene na lo: “Fade mbi yeke nika gbata ti Samarii biani biani! Mbeni kete fuku ti sese ayeke ngba na ya ti gbata ni pepe titene aturugu ti mbi kue afu ni na ya ti maboko ti ala! Tongana mbi nika gbata ni pepe, ayeke nzoni anzapa asara ye ti ngangu mingi na mbi!”

2 Agbia 8:13

Hazael atene: “Mbi zo ti kua ti mo, mbi so mbi yeke ti mbi mbo so, fade mbi yeke sara akota ye tongaso tongana nyen?” Élisée akiri tënë: “KOTA GBIA afa na mbi atene, fade mo yeke ga gbia ti sese ti Sirii.”

Amato 26:2

Tongana ti so kete ndeke ayeke huru ti gue na ando nde nde si lo yeke duti na sese pepe, tongana ti so hirondele ayeke huru na le ti nduzu, dengo ba na zo senge senge ayeke sara ye oko pepe.

Wungo ti azo 22:6

Mbi gbu gere ti mo, ga, mo deba ala na mbi, ngbanga ti so ngangu ti ala ahon ti mbi. Tongana mo ga, gbaa mbi lingbi ti hon ndö ti ala na bira si mbi tumba ala na ya ti kodro ni. Mbi hinga, mbi tene, zo so mo sara tufa na ndö ti lo, tufa ayeke ga na ndö ti lo; me zo so mo deba lo, deba ayeke ga na ndö ti lo.”

Awafango-ngbanga 9:27

Ala londo ague na yaka ti *vinye ti ala, ala ko ale ti vinye ni, ala pete ni; na pekoni ala leke mbeni matanga. Ala gue na ya ti da ti nzapa ti ala, ala te, ala nyon si ala deba Abimelek.

1 Samuel 14:12

Aturugu ni airi Jonatan na zo so ayeke yo aye ti bira ti lo, atene: “Ala ga na mbage ti e ge; e yeke na mbeni tënë ti tene na ala.” Jonatan atene na zo so ayeke yo aye ti bira ti lo so, atene: “Mu peko ti mbi; KOTA GBIA azia ala na maboko ti azo ti Israel awe.”

1 Samuel 24:14

Mbeni *mato ti akotara atene: ‘Azo ti sioni laa ayeke sara ye ti sioni.’ Me fade maboko ti mbi ayeke ndu mo pepe.

1 Samuel 24:15

Gbia ti Israel ague ti tiri bira na zo wa? Mo yeke tumba peko ti zo wa? Mo yeke tumba peko ti kuâ ti mbo, mo yeke tumba peko ti buba mandere!