1 Samuel 17:4 - Mbeti ti Nzapa - Tënë so amu fini

⁴ Mbeni kpengba turugu oko asigigi na popo ti aturugu ti Filistii; iri ti lo Goliat. Lo yeke zo ti gbata ti Gat; lo yo nduru na metere ota.

1 Samuel 17:4 ပူးပေါင်းရင်းမြစ်များ

1 Mbai 11:23

Lo laa lo fâ mbeni zo ti Ezipte so ayo metere use na ndambo. Likongo ti zo ti Ezipte ni akono tongana keke ti masini ti wasarango-bongo. Benaya amu keke si lo gue na tere ti zo ti Ezipte ni, lo gboto likongo ti koli so na maboko ti lo si lo fâ lo na ni.

Amos 2:9

Andaa mbi, mbi fâ ando azo ti mara ti Amori na dawa ti ala, mbi hunzi ala kue; azo ti Amori so ayo na nduzu tongana keke ti sedre si ala yeke na ngangu tongana keke ti shene so. Ti londo na li ti azo ni asi na gere ti ala, mbi fâ ala, mbi hunzi ala kue.

Ndia ti fani use ni 3:11

– Og, gbia ti Bashan ayeke tanga ti azo ti mara ti Refa so angba na fini. Laso na Raba, li-kodro ti azo ti mara ti Amon, azo angba ti baa gbogbo ti lo, gbogbo ti lo ti wen so yongoro ni ahon metere osio, nduru ni ayeke metere use. –

Josué 11:22

Mbeni zo ti mara ti Anak oko angba na sese ti Israel pepe. Me ambeni angba na ya ti agbata ti Gaza, ti Gat nga na ti Asdod.

1 Samuel 17:23

So lo ngba ti tene tënë na ala, Goliat, zo ti Filistii ti gbata ti Gat asigigi na popo ti aturugu ti Filistii. Lo yeke tene gi atënë so lo yeke tene ka; David ama lo.

1 Samuel 17:3

Azo ti Filistii aluti na ndö ti hoto na mbage si azo ti Israel aluti nga na ndö ti hoto na mbeni mbage. Popo-hoto akangbi ala.

1 Samuel 17:5

Mbeni kpoto so a sara na bengba wen ayeke na li ti lo; lo yu na kate ti lo mbeni kazaka so a sara na bengba wen; a leke ambeni ye ti wen so akpa *ahali ti susu na tere ti kazaka ni. Kazaka ni ane kilo baleomene.

1 Samuel 27:4

So Saul ama a tene, David akpe ahonde tere ti lo na Gat, Saul azia ti tumba peko ti lo.