1 Samuel 17:37 - Mbeti ti Nzapa - Tënë so amu fini

³⁷ David akiri atene: “*KOTA GBIA so azi mbi na maboko ti bamara nga na maboko ti urse so, fade lo yeke zi mbi na maboko ti zo ti Filistii so.” Tongaso, Saul atene na David: “Mo gue, fade KOTA GBIA aduti na mo.”

1 Samuel 17:37 ပူးပေါင်းရင်းမြစ်များ

2 Samuel 10:12

Mo gbu ngangu, e sara ye ti koli ndali ti azo ti e nga ndali ti agbata ti Nzapa ti e. Ayeke nzoni *KOTA GBIA asara ye so be ti lo aye.”

1 Mbai 22:11

Ti fadeso, molenge ti mbi, ayeke nzoni KOTA GBIA aduti na mo si kua ti kota da ni atambula nzoni alingbi na tënë so lo tene ndali ti mo.

1 Mbai 22:16

Ti lôro, ti wen ti nginza, ti bengba wen na wen, a lingbi ti diko ni pepe. Londo mo gbu kua; ayeke nzoni KOTA GBIA aduti na mo.”

Abia (Psaumes) 11:1

Bia ti David; bia so ayeke ndali ti makonzi-bia. *KOTA GBIA ayeke ndo so mbi kpe daa ti bata tere ti mbi. Ngbanga ti nyen si ala tene na mbi, atene: “Kpe mo gue na ndö ti ahoto tongana ndeke!”?

Abia (Psaumes) 118:6

KOTA GBIA ayeke na mbage ti mbi, mbeto ayeke sara mbi pepe. Nyen laa zo alingbi ti sara na mbi, nyen?

Abia (Psaumes) 138:3

Na lango so mbi iri mo, mo yeda na mbi, mo mu ngangu na be ti mbi, mo kiri ngangu na ya ti tere ti mbi.

Abia (Psaumes) 63:7

Tongana mbi yeke na ndö ti gbogbo ti mbi, mbi yeke dabe ti mbi na mo, mbi yeke gbu li ti mbi na ndö ti mo na bi kue.

Abia (Psaumes) 77:11

Mbi tene na be ti mbi, mbi tene: “Ye so aso be ti mbi ayeke so: Nzapa so ayeke na yayu kâ na ndö ti aye kue ake fadeso ti sara mbeni ye ndali ti e.”

Daniel 3:17

Me ayeke nzoni mo hinga, mo tene, Nzapa ti e so e yeke sara na lo, tongana lo lingbi ti zi e na ya ti kota wâ ni nga na maboko ti mo, fade lo yeke zi e senge.

Josué 1:17

E yeke ma yanga ti mo na ya ti ye kue tongana ti so e ma lani yanga ti Moïse so. Biani, fade KOTA GBIA, Nzapa ti mo ayeke na mo tongana ti so lo yeke lani na Moïse so.

Ruth 2:4

Na pekoni, Booz alondo na Betlehem asi. Lo bara azo ti fango ale ti kobe ni, lo tene: “KOTA GBIA aduti na ala-oo!” Azo ti fango ale ti kobe ni abara lo, atene: “KOTA GBIA asara tufa na ndö ti mo-oo!”

1 Samuel 17:36

Lege so mbi zo ti gbe ti mo, mbi fâ bamara, mbi fâ nga urse laa. Zo ti Filistii so ahinga Nzapa pepe so, fade mbi yeke sara na lo tongana ti so mbi sara na anyama use so, ngbanga ti so lo gi yanga ti aturugu ti Nzapa, Nzapa so ayeke na fini.”

1 Samuel 17:38

Saul amu taa abongo ti lo ti bira, lo yu na David. Lo zia kpoto ti bengba wen na li ti lo; lo yu na lo kazaka ti wen.

1 Samuel 20:13

Me tongana babâ ti mbi aleke na be ti lo ti sara sioni na mo si mbi tene tënë ni na mo pepe, ayeke nzoni KOTA GBIA asara ye ti ngangu mingi na mbi! Fade mbi yeke zia lege na mo ti gue senge. Mbi sambela titene KOTA GBIA aduti na mo tongana ti so lo duti lani na babâ ti mbi so.

1 Samuel 24:19

Laso, mo fa nzoni be ti mo na mbi awe. KOTA GBIA azia mbi na maboko ti mo titene mo fâ mbi, me mo fâ mbi pepe.

1 Samuel 26:25

Saul atene na David: “Ayeke nzoni Nzapa asara tufa na ndö ti mo, molenge ti mbi. Taa-tënë, mo yeke sara ande akota ye si mo yeke so benda.” David ahon ti lo si Saul akiri na ndo ti lo.

1 Samuel 7:12

Samuel amu mbeni têne si lo zia ni na popo ti Mispa na ndo so a iri ni Pembe. Lo di iri ti têne ni Eben-Ezer si lo tene: “KOTA GBIA amu maboko na e ngbii asi na ndo so.”