1 Samuel 17:36 - Mbeti ti Nzapa - Tënë so amu fini

³⁶ Lege so mbi zo ti gbe ti mo, mbi fâ bamara, mbi fâ nga urse laa. Zo ti Filistii so ahinga Nzapa pepe so, fade mbi yeke sara na lo tongana ti so mbi sara na anyama use so, ngbanga ti so lo gi yanga ti aturugu ti Nzapa, Nzapa so ayeke na fini.”

1 Samuel 17:36 ပူးပေါင်းရင်းမြစ်များ

2 Mbai 32:17

Senakerib atokua mbeti ti zonga *KOTA GBIA, Nzapa ti Israel. Lo tene na ya ti mbeti ni, lo tene: “So anzapa ti amara nde azi azo ti ala na maboko ti mbi pepe so, fade nzapa ti Ezekias ayeke zi nga azo ti lo na maboko ti mbi pepe.”

Ésaïe 10:15

Do ayeke pika kate ti lo na zo so amu do ni ti sara na kua? Sii ayeke fa baba na zo so ayeke sara kua na ni? Ye ni ayeke tongana nduru keke so ayingi fade zo so ayo keke ni na nduzu, wala tongana keke so ayo fade na nduzu zo so amu ni ti sara na kua!

Ésaïe 36:15

Lo hunda na ala titene ala zia be ti ala na ndö ti KOTA GBIA, atene: Fade KOTA GBIA ayeke zi e biani biani; fade gbata so ayeke ti na maboko ti gbia ti Asirii pepe. So mvene laa.

Ésaïe 36:18

Ala zia Ezekias ahanda ala pepe, atene: Fade KOTA GBIA ayeke zi e! Anzapa ti amara nde, mbeni oko awara lege ti zi kodro ti lo wani na maboko ti gbia ti Asirii awe?

Ezekiel 28:10

Mo yeke kui tongana mbo, tongana ti azo so afâ *ganza pepe; awande laa ayeke fâ mo. Biani, mbi tene tënë awe; so tënë ti yanga ti Kota Gbia NZAPA laa.”

Ezekiel 32:19

Mo tene na ala: Ala baa ti ala atene, ala yeke pendere ahon azo kue? Ala zu, ala lango na popo ti azo so afâ *ganza pepe, ala so a fâ ala na ya ti bira.

Daniel 5:23

Mo londo ti ke Nzapa so ayeke na yayu: azo ague, amu aye ti da ti lo aga na ni si mo na akota zo ti mo, na awali ti mo so mo ne ala mingi nga na ala so mo ne ala mingi pepe, ala tuku samba na ya ni, ala nyon. Na pekoni, mo gonda anzapa so a sara na wen ti nginza na lôro, ala so a sara na bengba wen, na wen, na keke nga na têne. Anzapa ni ayeke baa ndo pepe, ala yeke ma tënë pepe si ala hinga ye pepe. Me mo ke ti gonda Nzapa so pupu ti ya ti mo ayeke na maboko ti lo si lo yeke bata tambula ti mo.

Zakarii 12:3

Biani, na lango ni so, fade mbi yeke sara titene Jérusalem aga tongana mbeni ngbongboro têne ndali ti amara kue; têne so zo alingbi ti yo ni na nduzu pepe. Zo so kue aye ti yo ni, lo yeke wara ka. Tongaso, amara ti sese kue ayeke bongbi oko ti tiri na lo.

Zakarii 2:8

Kozo ange ni atene na mbeni so, atene: “Kpe loro, mo tene na maseka-koli so kâ so, mo tene: Fade gbata ti Jérusalem ayeke ngba senge tongaso, a yeke sara gbagba na tere ni pepe, ngbanga ti so azo na anyama so ayeke lango na ya ni ayeke wu ahon ndoni.

1 Samuel 14:6

Jonatan atene na zo so ayeke yo aye ti bira ti lo, atene: “Ga, e gue na ndo so aturugu ti Filistii so ahinga Nzapa pepe so ayeke daa. E hinga pepe, KOTA GBIA ayeke sara nzoni ye ndali ti e. Ataa e yeke mingi wala e yeke mingi pepe, mbeni ye ayeke daa pepe ti kanga lege na KOTA GBIA ti sara si e so benda.”

1 Samuel 17:10

Laso, mbi yeke gi yanga ti aturugu ti Israel. Ala mu na mbi mbeni zo titene mbi na lo, e tiri bira.”

1 Samuel 17:26

David ahunda azo so ayeke luti nduru na tere ti lo so, atene: “Zo so ayeke fâ zo ti Filistii so si ayeke zi kamene na le ti azo ti Israel, fade a yeke sara nyen na lo? Zo ti Filistii so ahinga Nzapa pepe so, lo yeke zo wa si lo yeke gi yanga ti aturugu ti Nzapa so ayeke na fini so?”

1 Samuel 17:35

mbi yeke tumba peko ti lo, mbi yeke pika lo si mbi gboto nyama ni na yanga ti lo. Tongana bamara ni wala urse ni aye ti sara sioni na mbi, mbi yeke gbu go ti lo si mbi fâ lo.

1 Samuel 17:37

David akiri atene: “*KOTA GBIA so azi mbi na maboko ti bamara nga na maboko ti urse so, fade lo yeke zi mbi na maboko ti zo ti Filistii so.” Tongaso, Saul atene na David: “Mo gue, fade KOTA GBIA aduti na mo.”

1 Samuel 18:17

Saul atene na David: “Baa, Merab, kozo molenge ti mbi ti wali laa; mbi yeke mu lo na mo titene lo ga wali ti mo. Gi ye oko, sara kua ti mbi ngangu, mo tiri bira ndali ti *KOTA GBIA.” Andaa Saul ayeke tene na be ti lo, atene: “Mbi wani laa mbi yeke fâ lo pepe; ayeke nzoni azo ti Filistii laa afâ lo.”

1 Samuel 31:4

Saul atene na zo so ayo aye ti bira ti lo, atene: “Gboto yongoro zeme ti mo, mo koro ya ti mbi, ngbanga ti so mbi ye pepe titene azo so ahinga Nzapa pepe so aga akoro ya ti mbi si ala he mbi.” Me zo so ayo aye ti bira ni ake, ngbanga ti so mbeto asara lo mingi. Nilaa Saul amu yongoro zeme ti lo azia si lo ti na yanga ni.