1 Samuel 17:28 - Mbeti ti Nzapa - Tënë so amu fini

²⁸ Eliab, yaya ti David ama tënë so David ayeke tene na azo. Ngonzo agbu lo na tere ti David si lo tene na lo: “Mo ga ge ngbanga ti nyen? Mo zia akete nyama ti mo na benyama na zo wa? Mbi hinga mo kue; mo yeke zo ti karapiri si mo sara mbana ahon ndoni. Mo ga ge ti baa bira.”

1 Samuel 17:28 ပူးပေါင်းရင်းမြစ်များ

Tongo nda ti aye 37:11

A-ita ti Joseph asara kota be na tere ti lo. Me babâ ti lo angba ti dabe ti lo na atënë so.

Tongo nda ti aye 37:4

A-ita ti Joseph ahinga atene, babâ ti ala aye lo ahon ala kue. Be ti ala ake Joseph; a yeke ngangu na ala ti tene tënë na lo na lege ti ndoye.

Tongo nda ti aye 37:8

A-ita ti lo ahunda lo, atene: “Mo ye ti tene, fade mo yeke ga gbia na ndö ti e si mo yeke sara komandema na ndö ti e?” Ala kiri ake lo ahon ti kozoni ndali ti abango-li ti lo na atënë so lo yeke tene.

2 Mbai 11:18

Roboam amu Mahalat ti ga wali ti lo. Mahalat ayeke molenge ti Yerimot; Yerimot ayeke molenge ti David; mama ti Mahalat ayeke Abihail, molenge ti Eliab; Eliab ayeke molenge ti Yese.

Abia (Psaumes) 35:11

Azo alondo ti bi tënë ti mvene na li ti mbi, ala hunda mbi na ndö ti ye so mbi hinga pepe.

Amato 18:19

Ayeke ngangu ti ga nduru na tere ti mbeni ita so be ti lo aso tongana ti so ayeke ngangu ti li na ya ti mbeni gbata so ngangu gbagba ayeke na tere ni. Atënë ti papa ayeke tongana ngbongboro wen so a yeke kanga na yanga-da ti kota zo.

Amato 27:4

Ngonzo ti wâ ayeke sioni mingi, ngonzo ayeke buba ye mingi; me zo wa laa alingbi ti luti na le ti mbanda ti zo?

Zo ti bongbingo azo 4:4

Mbi kiri mbi baa so akua so azo ayeke baa pasi na sarango ni, ala ye ti ga nzoni ti hon amba ti ala. Ye so nga ayeke gi senge senge si ayeke tumbango peko ti pupu senge.

Matthieu 10:36

Fade azo ti da ti zo laa ayeke ga awato ti lo.

Matthieu 27:18

Biani, Pilate ahinga atene, ala zia Jésus na maboko ti lo, ngbanga ti so kota be asara ala na tere ti lo.

Marc 3:21

So asewa ti Jésus ama tënë ni, ala ga si ala ye ti mu lo, ngbanga ti so ala tene: “Li ti lo aga kirikiri awe!”

Jude 1:10

Me ti azo ni so, ala yeke zonga aye so ala hinga nda ni pepe. Ataa aye so ala hinga, ala hinga ni tongana anyama so ayeke na ndara pepe si aye ni ayeke buba fini ti ala.

1 Samuel 16:13

Samuel amu didi so mafuta ayeke na ya ni si lo tuku mafuta ni na li ti David na le ti a-ita ti lo. Gi na lango ni so, yingo ti KOTA GBIA aga na ndö ti David. Na pekoni, Samuel amu lege akiri na Rama.

1 Samuel 16:7

Me KOTA GBIA atene na Samuel: “Mo baa pendere ti lo wala yongo ti lo pepe. Mbi ke lo awe. Bango ndo ti mbi ayeke tongana bango ndo ti azo pepe. Azo ayeke baa ti ala gi ye so ayeke pika le ti ala; me mbi yeke baa ti mbi be ti zo.”

1 Samuel 17:29

David akiri tënë: “Nyen laa mbi sara, nyen? Gi hundango ndo laa mbi hunda!”