1 Samuel 17:20 - Mbeti ti Nzapa - Tënë so amu fini

²⁰ David alondo na kota ndaperere, lo zia anyama ti lo na mbeni zo ti bata ni; lo mu kungba ti lo si lo gue tongana ti so babâ ti lo amu yanga na lo. Gi so lo yeke si na ya ti bâbâ tongaso, andaa aturugu aleke tere ti ala kue ti tiri bira si ala yeke dekongo ti bira.

1 Samuel 17:20 ပူးပေါင်းရင်းမြစ်များ

Nzoni Tënë so Luc asu na mbeti 19:43

Biani, ambeni lango ayeke ga so awato ti mo ayeke bongbi sese aga koto, angoro mo kue. Ala yeke ngoro mo si ala yeke pete mo mbage na mbage kue.

Josué 3:1

Na ndaperere so ndo angba kâ, Josué na azo ti Israel kue alondo na Shitim, ala gue na yanga ti ngu ti Jourdain. Ala lango na ndo so kozoni si ala fâ ngu ni.

1 Samuel 15:12

Na kota ndaperere, Samuel alondo ti gue ti wara Saul. Mbeni zo atene na Samuel: “Saul ague na Karmel, lo mu atêne, lo leke aluti na nduzu ndali ti lo wani. Na pekoni, lo kiri, lo hon yongoro si lo gue na Gilgal.”

1 Samuel 17:19

Ala na Saul, na aturugu ti Israel kue ayeke na popo-hoto ti Terebente si ala yeke tiri bira na azo ti Filistii.”

1 Samuel 17:21

Azo ti Israel na azo ti Filistii aleke tere ti ala, ala luti le na le ti tiri bira.

1 Samuel 17:28

Eliab, yaya ti David ama tënë so David ayeke tene na azo. Ngonzo agbu lo na tere ti David si lo tene na lo: “Mo ga ge ngbanga ti nyen? Mo zia akete nyama ti mo na benyama na zo wa? Mbi hinga mo kue; mo yeke zo ti karapiri si mo sara mbana ahon ndoni. Mo ga ge ti baa bira.”

1 Samuel 26:5

David alondo ague, asi na ndo so Saul asara bâbâ ti lo daa. Lo baa ndo so Saul na Abner, molenge ti Ner, makonzi ti aturugu ayeke lango daa. Saul alango taa gi na ya ti bâbâ ni si aturugu ti lo ayeke lango na tere ti lo, angoro lo.

1 Samuel 26:7

David na Abishai alondo na bi ni, ala gue, asi na tere ti aturugu ni. Baa, Saul ayeke lango ti lo taa gi na ya ti bâbâ ni. Lo kpo likongo ti lo na sese, nduru na mbage ti li ti lo. Abner na aturugu ni ayeke lango na tere ti lo angoro lo.