1 Samuel 17:10 - Mbeti ti Nzapa - Tënë so amu fini

¹⁰ Laso, mbi yeke gi yanga ti aturugu ti Israel. Ala mu na mbi mbeni zo titene mbi na lo, e tiri bira.”

1 Samuel 17:10 ပူးပေါင်းရင်းမြစ်များ

2 Samuel 21:21

Lo gi yanga ti azo ti Israel. Tongaso, Jonatan, molenge ti Shama afâ lo. Shama ayeke ita ti David.

2 Samuel 23:9

Na peko ti Ishebaal ayeke Elazar, molenge ti Dodo, molenge ti mbeni zo ti kete mara ti Ahoa. Elazar ayeke na popo ti akpengba turugu ota so ala na David adekite na azo ti Filistii, na ndembe so azo ti Filistii ni abongbi tere ti ala ti tiri bira; aturugu ti Israel akpe.

2 Agbia 19:4

Gbia ti Asirii atokua makonzi ti aturugu ti lo ti zonga Nzapa so ayeke na fini. E hinga pepe, wala KOTA GBIA, Nzapa ti mo ama tënë ti zonga ni kue si lo pika lo ndali ti asioni tënë so lo tene so! Ti mo Ésaïe, sambela Nzapa ndali ti tanga ti azo so angba na fini so.’ ”

Néhémie 2:19

Me so Sanebalat, zo ti gbata ti Horon, lo na Tobia, zo ti mara ti Amon so ayeke mu maboko na lo, na Geshem so ayeke arabu ama tënë ni, ala to nda ti he e na ngia; ala baa e tongana ambumbuse zo, ala tene: “Nyen laa ala yeke sara so, nyen? Ala ye ti tomboka na tere ti gbia laa ma?”

Amato 16:18

Kuru baba ayeke gue na zo titene lo baa sioni; zo so abaa mba ti lo tongana senge zo, lo yeke gue ti ti.

Jérémie 9:23

Tongana zo aye ti gonda tere ti lo, ayeke nzoni lo gonda tere ti lo, ngbanga ti so lo hinga ndo si lo hinga mbi. Ayeke nzoni zo ni ahinga atene, mbi yeke KOTA GBIA si mbi yeke sara ye na nzoni be; mbi yeke sara ye na legeni mbirimbiri na ndö ti sese. Ye so anzere na be ti mbi laa; so tënë ti yanga ti KOTA GBIA laa.”

1 Samuel 17:11

Tongana Saul na azo ti Israel kue ama tënë ti zo ti Filistii so, kota mbeto ahon ndö ti ala.

1 Samuel 17:36

Lege so mbi zo ti gbe ti mo, mbi fâ bamara, mbi fâ nga urse laa. Zo ti Filistii so ahinga Nzapa pepe so, fade mbi yeke sara na lo tongana ti so mbi sara na anyama use so, ngbanga ti so lo gi yanga ti aturugu ti Nzapa, Nzapa so ayeke na fini.”

1 Samuel 17:45

David atene na zo ti Filistii ni: “Mo mu yongoro zeme na likongo nga na kota likongo ti ga ti tiri na mbi. Ti mbi, mbi yeke ga ti tiri na mo na iri ti KOTA GBIA so ngangu ti lo ahon angangu kue, Nzapa ti aturugu ti Israel so mo gi yanga ti lo so.