1 Samuel 16:7 - Mbeti ti Nzapa - Tënë so amu fini

⁷ Me KOTA GBIA atene na Samuel: “Mo baa pendere ti lo wala yongo ti lo pepe. Mbi ke lo awe. Bango ndo ti mbi ayeke tongana bango ndo ti azo pepe. Azo ayeke baa ti ala gi ye so ayeke pika le ti ala; me mbi yeke baa ti mbi be ti zo.”

1 Samuel 16:7 ပူးပေါင်းရင်းမြစ်များ

Tongo nda ti aye 4:5

Me lo yamba Kain na sandaga ti lo na ngia pepe. Kain asara ngonzo ngangu mingi si lo yeke kanga ndö ti le ti lo.

2 Samuel 14:25

Na Israel kue, mbeni zo so apendere si azo ayeke gonda lo tongana Absalom ayeke daa pepe. Ti londo na gere ti lo asi na li ti lo, mbeni sioni ye oko ayeke daa pepe.

2 Samuel 7:20

Tënë ti nyen laa, mbi David, mbi lingbi ti kiri ti tene na mo Kota Gbia NZAPA? Ti mo, mo hinga mbi, zo ti kua ti mo awe.

1 Agbia 8:39

mo so mo yeke na yayu, na ndo so mo yeke duti daa, ma sambela ti ala, mo zi siokpari na li ti ala, mo sara mbeni ye; mo sara na zo oko oko alingbi na sarango ye ti lo, ngbanga ti so mo hinga tënë ti be ti lo. Biani, gi mo oko laa mo hinga tënë ti be ti azo kue.

1 Mbai 17:18

Tënë ti nyen laa, mbi David, mbi lingbi ti kiri ti tene na mo ndali ti iri ti mbi so mo mu na nduzu so? Mo hinga mbi, zo ti kua ti mo awe.

1 Mbai 28:9

– Ti mo, molenge ti mbi Salomon, ayeke nzoni mo hinga Nzapa ti babâ ti mo; mo sara na lo na be ti mo kue, tere ti mo ayapu na kua, ngbanga ti so KOTA GBIA laa ayeke baa ya ti be ti zo si lo hinga tënë ti be ti zo. Tongana mo gi lo, fade lo yeke zia lege na mo ti wara lo; me tongana mo zia lo, fade lo yeke ke mo kpu na kpu.

2 Mbai 16:9

Biani, le ti KOTA GBIA ayeke baa ndo na ndö ti sese kue titene lo mu maboko na azo so azia be ti ala kue na lo. Me ye so mo sara so, mo sara ni tongana zo so li ti lo ayeke daa pepe. Ndani laa, ti fadeso, awato ti mo ayeke ga na bira na tere ti mo.”

2 Mbai 6:30

mo so mo yeke na yayu kâ, na ndo so mo yeke duti daa, ma sambela ti ala, zi siokpari na li ti ala; mo sara na zo oko oko alingbi na sarango ye ti lo, ngbanga ti so mo hinga tënë ti be ti lo. Biani, gi mo oko laa mo hinga tënë ti be ti azo.

Mbeti ti Job 10:4

Le ti mo ayeke tongana ti zo? Bango ndo ti mo ayeke tongana ti zo?

Mbeti ti Job 35:5

Zi le ti mo, mo baa le ti nduzu, baa ambinda: ala yeke kâ na nduzu, yongoro na mo!

Abia (Psaumes) 139:2

Tongana mbi londo, mo hinga; tongana mbi duti, mo hinga. Aye so mbi yeke leke na be ti mbi kâ, mo hinga ni kozoni awe.

Abia (Psaumes) 7:9

KOTA GBIA, mo so mo yeke fâ ngbanga ti amara nde, fâ ngbanga ti mbi alingbi na mbirimbiri ti mbi; tënë ayeke na li ti mbi pepe.

Amato 15:11

Aye so asi na ndo ti akuâ, na ya ti *kota du so alinda mingi, KOTA GBIA ahinga ni kue. Ye so ayeke na ya ti be ti zo, lo lingbi ti hinga ni pepe?

Amato 16:2

Zo oko oko ayeke baa na le ti lo atene, aye so kue ni yeke sara ayeke nzoni; me KOTA GBIA laa ayeke baa atënë ti be ti zo.

Amato 24:12

Mo lingbi ti tene: “Mbi hinga fade pepe!” Me lo so abaa atënë ti be ti zo, lo yeke hinga ni senge. Lo yeke baa mo, lo hinga ye kue; fade lo yeke futa zo oko oko alingbi na ye so lo sara!

Amato 31:30

Pendere ayeke handa zo; pendere ti tere ayeke ninga pepe. Gi wali so akpe mbeto ti KOTA GBIA, wali so alingbi titene azo agonda lo laa.

Jérémie 11:20

Me mo, KOTA GBIA so mo yeke na ndö ti dunia kue, mo yeke fâ ngbanga mbirimbiri. Tënë ti be ti zo na ye so zo ayeke gbu li ti lo daa, mo hinga ni kue. Fade mbi yeke baa lege so mo yeke kiri na ala peko ti sioni so ala sara na mbi, ngbanga ti so mbi zia tënë ti mbi na maboko ti mo.

Jérémie 17:10

“Mbi, KOTA GBIA, mbi yeke baa be ti zo na atënë ti be ti zo kue. Tongaso, mbi lingbi ti sara ye na zo alingbi na dutingo ti lo nga na asarango ye ti lo.

Jérémie 20:12

KOTA GBIA so ayeke na ndö ti dunia kue, mo laa mo hinga zo so ayeke mbirimbiri, mo laa mo hinga atënë ti be ti zo na agbungo li ti lo. Sara si mbi baa lege so mo kiri na awato ti mbi peko ti sioni so ala sara na mbi, ngbanga ti so mbi zia tënë ti mbi na maboko ti mo awe.

Nzoni Tënë so Luc asu na mbeti 16:15

Lo tene na ala: “Ala yeke fa na le ti azo atene, ala yeke azo ti mbirimbiri, me Nzapa ahinga be ti ala kue. Ye so ayeke kota ye na le ti azo, ayeke sioni mingi na le ti Nzapa.

Jean 7:24

Ala fâ ngbanga gi ndali ti le ti zo pepe, me ala fâ ngbanga so ayeke na legeni.”

Jean 8:15

Ala yeke fâ ngbanga gi tongana ti azo; me ti mbi, mbi yeke fâ ngbanga na li ti zo oko pepe.

Awatokua 1:24

Na pekoni, ala sambela Nzapa, atene: “Kota Gbia, mo hinga be ti azo kue. Tongaso, na popo ti azo use so, fa na e zo wa laa mo soro lo

2 Korente 10:10

Biani, ambeni zo atene: “Atënë ti ya ti ambeti ti Paul ane mingi si ayeke nga ngangu mingi; me tongana Paul ayeke na popo ti e, lo yeke na ngangu pepe si tënë ti yanga ti lo ayeke ye oko pepe.”

2 Korente 10:7

Ala yeke baa aye na le ti ala gi tongana ti so zo ayeke baa na ye. Tongana mbeni zo abaa atene, ni yeke zo ti Christ, ayeke nzoni lo hinga tënë so laso biani: tongana lo yeke zo ti Christ, e nga, e yeke azo ti Christ.

Ahebro 4:13

Ye so kue Nzapa asara, mbeni oko so ahonde na le ti lo ayeke daa pepe. Ye kue ayeke na gbe ti le ti lo polele; ye so kue e yeke sara, fade e yeke fa peko ni na lo.

1 Pierre 2:4

Ala ga nduru na *Kota Gbia, lo so lo yeke têne so ayeke na fini; têne so azo ake ni, me Nzapa asoro ni si lo baa ni ayeke nzoni na le ti lo.

1 Pierre 3:4

Me ala gi ti ga pendere na be ti ala. Aye ti pendere ni ayeke be so aduti kpoo, aduti na siriri si ane mingi na le ti Nzapa; aye ti pendere so laa ayeke buba pepe.

Aye so Nzapa afa 2:23

Fade mbi yeke fâ azo so kue ayeke mu peko ti wali ni. Na pekoni, a-Eglize kue ayeke hinga atene, mbi yeke lo so lo hinga tënë so ayeke na ya ti be ti zo nga na nzara ti be ti zo. Fade mbi yeke futa zo oko oko alingbi na ye so lo sara.

1 Samuel 2:3

Ala azo, ala ngba ti diko atënë ti baba ti ala pepe; ala zia atënë ti mbana so ayeke sigigi na yanga ti ala. KOTA GBIA ayeke Nzapa so ahinga ye kue; lo laa lo yeke fâ ngbanga ti aye so kue azo ayeke sara.

1 Samuel 9:2

lo yeke na molenge-koli so iri ti lo Saul; lo yeke mbeni maseka-koli so lo yeke pendere mingi. Na popo ti azo ti Israel, mbeni zo so apendere ti lingbi na lo ayeke daa pepe. Lo yo lo hon azo ti Israel kue.