1 Samuel 16:5 - Mbeti ti Nzapa - Tënë so amu fini

⁵ Samuel akiri tënë: “Een, mbi ga ti mu sandaga na KOTA GBIA. Ala zia tere ti ala nde ndali ti Nzapa, ala ga, e gue, e mu sandaga ni.” Samuel azia Yese na amolenge ti lo nde ndali ti Nzapa si lo iri ala titene ala ga aduti na matanga ti mungo sandaga ni.

1 Samuel 16:5 ပူးပေါင်းရင်းမြစ်များ

Tongo nda ti aye 35:2

Jacob atene na azo ti sewa ti lo nga na azo so kue amu peko ti lo, atene: “Ala zi anzapa ti akodro wande so ayeke na popo ti ala. Ala *sukula asioni ti ala si ala yu ambeni bongo nde.

1 Agbia 2:13

Mbeni lâ, Adonia, molenge so Hagite adu na David, ague, abaa Batsheba, mama ti Salomon. Batsheba ahunda lo, atene: “Mo ga na nzoni tënë?” Adonia ayeda: “Een!”

1 Mbai 12:18

David aga na dawa ti ala si lo tene na ala: “Tongana ala ga na tënë ti siriri na mbi si ala ye ti mu maboko na mbi, fade mbi yeke yamba ala na be ti mbi kue. Me tongana ala ga ti handa mbi ti zia mbi na maboko ti awato ti mbi, ataa so mbi sara ye ti sioni oko pepe, ayeke nzoni Nzapa ti akotara ti e abaa ye ni si lo fâ ya ti tënë ni.”

Mbeti ti Job 1:5

Tongana amatanga ni ahunzi awe, Job ayeke iri amolenge ti lo ni ti ga titene lo *sukula sioni ti ala. Na ndade ni, lo yeke londo na kota ndaperere si lo mu *sandaga so a yeke gbi ni kue na wâ ndali ti zo oko oko. Lo yeke tene na be ti lo, lo tene: “Mbi hinga pepe, amolenge ti mbi asara siokpari, wala ala zonga Nzapa na be ti ala.” Ye so Job ayeke sara lakue laa!

Sigingo 19:10

KOTA GBIA akiri atene na Moïse: “Gue na mbage ti azo ni, mo tene na ala titene ala *sukula sioni ti ala laso nga na kekereke; ala sukula nga abongo ti ala.

Joël 2:16

ala bongbi azo ti kodro, ala iri azo ti bongbi ndali ti Nzapa. Ala bongbi ambakoro, ala bongbi amaseka nga na akete molenge so angba ti nyon me. Ayeke nzoni koli na wali so amu tere fini ni alondo na ya ti kubu ti ala asigigi.

Sofonii 1:7

Ala azo, ala kai kpoo na dawa ti Kota Gbia NZAPA, ngbanga ti so *lango ti KOTA GBIA aga nduru awe. KOTA GBIA aleke mbeni *sandaga awe, lo iri azo ti tengo kobe ti sandaga ni si ala leke tere ti ala awe.

Wungo ti azo 11:8

Azo ti Israel akangbi tere ti ala nde nde nde ti ro mane ni; na pekoni, ala yeke nika ni na ndö ti têne, wala ala yeke pika ni na ya ti kpu, ala yeke to ni na ya ti tawa si aga tongana kanda. Nzerengo ni akpa nzerengo ti gatoo so a sara na mafuta.

1 Korente 11:28

Ayeke nzoni zo oko oko abaa be ti lo nzoni kozoni si lo te mapa so si lo nyon kopo so,

Josué 3:5

Na pekoni, Josué atene na azo ni, atene: “Ala zia tere ti ala nde ndali ti Nzapa, ngbanga ti so kekereke fade KOTA GBIA ayeke sara aye ti kpene na popo ti ala.”

Josué 7:13

Londo, mo leke azo ni titene ala zia tere ti ala nde ndali ti Nzapa. Fade mo tene na ala: ‘Ala zia tere ti ala nde ndali ti Nzapa ti ku na lango ti kekereke. Biani, tënë so KOTA GBIA, Nzapa ti Israel atene ayeke so: Aye so mbi ke na ala ti mu so ayeke na popo ti ala. Ala lingbi ti gbu le ni na awato ti ala pepe, ngbii ala zi aye ni na popo ti ala si.

1 Samuel 20:26

Na lango ni so, Saul azi yanga oko pepe. Lo tene na be ti lo, lo tene: “E hinga pepe, mbeni ye asi na David wala mbeni ye asara si lo ga *sioni; gbaa lo ga *sioni awe.”