1 Samuel 16:4 - Mbeti ti Nzapa - Tënë so amu fini

⁴ Samuel asara ye so KOTA GBIA atene tënë ni si lo gue na Betlehem. *Akangba ti kodro aga awara lo, tere ti ala ayeke do na mbeto si ala hunda lo, atene: “Mo ga na e nzoni tënë?”

1 Samuel 16:4 ပူးပေါင်းရင်းမြစ်များ

Tongo nda ti aye 35:19

Rachel akui si a lu lo na lege ti Efrata, so ti tene na Betlehem.

Tongo nda ti aye 48:7

Ti mbi, na ndembe so mbi londo na sese ti Mezopotamii si mbi yeke ga, wali ti mbi Rachel akui na maboko ti mbi na lege, na ndembe so e ga nduru ti si na Efrata, na sese ti Kanaan. Mbi lu lo gi na tere ti lege so ague na Efrata so ayeke na Betlehem.”

2 Samuel 6:9

Na lango ni so mbeto ti KOTA GBIA asara David, lo tene: “Sanduku ti KOTA GBIA alingbi ti ga na ndo ti mbi tongana nyen?”

1 Agbia 17:18

Mama ti molenge ni atene na Élie: “Zo ti Nzapa, ti mo na mbi nyen? Mo ga na da ti mbi ti kiri ti fa na Nzapa peko ti asioni ye so mbi sara? Mo ga nga ti sara titene molenge ti mbi akui?”

1 Agbia 2:13

Mbeni lâ, Adonia, molenge so Hagite adu na David, ague, abaa Batsheba, mama ti Salomon. Batsheba ahunda lo, atene: “Mo ga na nzoni tënë?” Adonia ayeda: “Een!”

2 Agbia 9:22

Gi so Yoram abaa Yehu awe, lo tene: “Yehu, mo ga na tënë ti siriri?” Yehu akiri tënë: “Nyen? Siriri? So mama ti mo Yezabel angba ti voro anzapa nde si lo ngba ti sara mazi so!”

Osée 11:10

Azo so a gbu ala ague na ala na kodro wande, fade ala yeke tambula na peko ti KOTA GBIA. Fade lo yeke toto tongana bamara; tongana lo yeke toto, fade amolenge ti lo ayeke londo na mbage ti Do ti ga na dongo tere.

Osée 6:5

Ndani laa mbi pika ala na lege ti awayanga-Nzapa, mbi fâ ala na lege ti tënë ti yanga ti mbi. Fango ngbanga ti mbi ayeke sigigi polele tongana lumiere.

Nzoni Tënë so Luc asu na mbeti 2:4

Joseph nga alondo na gbata ti Nazaret, na sese ti Galile ti gue na Judée, na Betlehem, gbata so a du gbia David daa. Biani, lo gue kâ, ngbanga ti so lo yeke mbeni *hale ti David.

Nzoni Tënë so Luc asu na mbeti 5:8

So Simon Pierre abaa tongaso, lo ti na gbe ti Jésus si lo tene na lo: “*Kota Gbia, hon yongoro na tere ti mbi, ngbanga ti so mbi yeke zo ti siokpari!”

Nzoni Tënë so Luc asu na mbeti 8:37

Azo ti sese ti Zeraza kue ahunda na Jésus ti londo na ndo ti ala ti hon, ngbanga ti so kota mbeto agbu ala mingi. Jésus ako na ya ti ngo si lo kiri.

1 Samuel 21:1

Nilaa David amu lege ague si Jonatan akiri na kodro.