1 Samuel 16:3 - Mbeti ti Nzapa - Tënë so amu fini

³ Na ndembe ti mungo sandaga ni, fade mo iri Yese. Mbi wani, mbi yeke fa na mo ye so mo lingbi ti sara. Zo so mbi yeke fa ande lo na mo, mo yeke tuku mafuta na li ti lo titene lo ga gbia.”

1 Samuel 16:3 ပူးပေါင်းရင်းမြစ်များ

2 Samuel 15:11

Azo ti Jérusalem ngbangbo use so Absalom atisa ala, ala na lo ague; ala gue na vuru be, ala hinga ti ala pepe nda ti ye so lo leke.

1 Agbia 1:34

Kâ, fade wayango-sandaga Sadok na wayanga-Nzapa Natan ayeke tuku mafuta na li ti lo ti zia lo gbia na ndö ti azo ti Israel. Ti ala, ala yeke huru tatalita si ala dekongo, atene: ‘E mu gbia Salomon na nduzu!’

1 Mbai 11:3

Tongaso, *akangba ti Israel kue aga na mbage ti gbia David na Hebron. Kâ, lo na ala asara *mbuki na dawa ti KOTA GBIA. Ala tuku mafuta na li ti David titene lo ga gbia ti Israel alingbi na tënë so KOTA GBIA atene lani na lege ti Samuel.

Sigingo 4:15

Fade mo yeke tene tënë na lo, mo yeke zia na yanga ti lo tënë so lo lingbi ti tene. Ti mbi, fade mbi yeke na ala use kue na ndembe so ala yeke tene tënë; mbi yeke fa na ala ye so ala lingbi ti sara.

Awatokua 9:6

Me mo londo, mo li na ya ti gbata ni. Kâ, fade a yeke fa na mo ye so mo lingbi ti sara.”

1 Samuel 9:16

“Kekereke gi na oko ngbonga so, fade mbi yeke tokua na mo mbeni zo ti mara ti Benjamin titene mo tuku mafuta na li ti lo si lo ga makonzi ti azo ti Israel, azo ti mbi. Lo laa lo yeke zi azo ti mbi na maboko ti azo ti Filistii. Biani, mbi baa mawa ti azo ti mbi si mbi ma toto ti ala.”