1 Samuel 16:18 - Mbeti ti Nzapa - Tënë so amu fini

¹⁸ Mbeni zo ti kua oko akiri tënë, atene: “Mbi baa mbeni molenge ti Yese so ayeke lango na Betlehem. Molenge ni ayeke pika mozoko nzoni, lo yeke mbeni kpengba molenge, lo yeke mbeni ngangu turugu; lo yeke tene tënë na ndara; lo yeke mbeni pendere koli, KOTA GBIA ayeke na lo.”

1 Samuel 16:18 ပူးပေါင်းရင်းမြစ်များ

Tongo nda ti aye 39:2

*KOTA GBIA ayeke na Joseph, lo ga zo so aye ti lo kue aga nzoni. Lo yeke lango na da ti wa ti lo, zo ti Ezipte so.

Tongo nda ti aye 39:23

Aye so kue makonzi ti da ti kanga ni azia na maboko ti Joseph, makonzi ni ayeke kiri ti baa peko ni pepe, ngbanga ti so KOTA GBIA ayeke na Joseph. Aye so kue lo yeke sara, KOTA GBIA asara titene aga nzoni.

2 Samuel 14:20

Lo sara tongaso titene ye asanze. Me mo gbia ti mbi, ndara ti mo ayeke tongana ti ange ti Nzapa. Mo hinga ye so kue ayeke si na ndö ti sese.”

2 Samuel 17:10

Tongaso, ataa turugu so ayeke na ngangu mingi si be ti lo akpengba tongana ti bamara, tongana lo ma tënë so, be ti lo ayeke fun kue, ngbanga ti so azo ti Israel kue ahinga atene, babâ ti mo ayeke mbeni kpengba turugu si aturugu so amu peko ti lo ayeke angangu zo ti bira.

2 Samuel 17:8

Mo hinga babâ ti mo na azo ti lo kue: ala kue ayeke akpengba turugu, ala sara ngonzo mingi tongana ti *urse so a nzi molenge ti lo na ya ti ngonda. Babâ ti mo ayeke zo ti bira; na bi, lo na tanga ti azo ti lo ayeke lango na ndo oko pepe.

Amato 12:8

Azo ayeke gonda zo ndali ti hingango ndo ti lo; me zo so be ti lo asi singo na aye ti kirikiri, azo ayeke baa lo tongana mbumbuse zo.

Matthieu 1:23

“Baa, fade maseka-wali so ade ti hinga koli pepe ayeke mu ngo, lo yeke du molenge-koli; fade a yeke di iri ti lo Emmanuel.” – Nda ti iri so atene: “Nzapa ayeke na e”. –

Matthieu 28:20

ala fa na ala ti bata lege ti aye so kue mbi mu yanga na ala. Baa, mbi yeke na ala lakue ngbii asi na ngoi ti ndani.”

1 Samuel 10:7

Tongana mo baa aye so kue asi, sara ye so kue mo lingbi ti sara, ngbanga ti so Nzapa ayeke na mo.

1 Samuel 16:12

Yese atokua mbeni zo, amu molenge ni aga na lo. Lo be, lo pendere, le ti lo ayeke za pendere. KOTA GBIA atene na Samuel: “Lo laa, londo mo tuku mafuta na li ti lo.”

1 Samuel 16:17

Saul akiri tënë na azo ti kua ti lo: “Ala gi zo so ahinga ti pika mozoko nzoni, ala ga na lo na mbi.”

1 Samuel 16:19

Saul atokua azo na Yese ti tene na lo, atene: “Mo tokua na mbi molenge ti mo David; lo so lo yeke bata anyama so.”

1 Samuel 17:12

David ayeke molenge ti Yese, zo ti kete mara ti Efrata; Yese ayeke lango na Betlehem, na sese ti Juda. Lo yeke na amolenge-koli miombe. Na ndembe so Saul ayeke gbia, lo ga mbakoro ahon ndoni.

1 Samuel 3:19

Samuel angba ti kono. KOTA GBIA ayeke na lo. Tongaso, atënë ti KOTA GBIA so kue Samuel atene, peko ni angba senge pepe.