1 Samuel 16:16 - Mbeti ti Nzapa - Tënë so amu fini

¹⁶ Ayeke nzoni gbia amu yanga si e gi mbeni koli so ahinga ti pika kundi. Na ndembe so sioni yingo aga na ndö ti mo, fade lo yeke pika kundi si be ti mo aduti nzoni.”

1 Samuel 16:16 ပူးပေါင်းရင်းမြစ်များ

Tongo nda ti aye 41:46

Joseph ayeke na ngu baleota na ndembe so lo si na tere ti Faraon, gbia ti Ezipte. Na pekoni, lo sigigi lo tambula na ya ti kodro ti Ezipte kue.

1 Agbia 10:8

Ti ala nzoni, azo ti mo! Ti ala nzoni, azo ti kua ti mo, ala so ayeke duti na tere ti mo lakue ti ma atënë ti ndara ti mo so!

2 Agbia 3:15

Fadeso, ala ga na mbi mbeni zo ti pikango mozoko.” Na ndembe so zo ti pikango mozoko ni ayeke pika mozoko, ngangu ti KOTA GBIA aga na ndö ti Élisée.

1 Samuel 10:5

Na pekoni, mo yeke si na Gibea-Elohim, agovoronere ti azo ti Filistii ayeke kâ. Na lingo ti mo na ya ti gbata ni, mo yeke tengbi na mbeni bongbi ti awayanga-Nzapa so alondo na ndo so a leke na ndö ti hoto si ala yeke zu. Azo ti pikango kota kundi, kete kundi, kete ngo na azo ti hurungo ngoli ayeke na dawa ti ala. Awayanga-Nzapa ni ayeke sara ye tongana azo so Yingo agbu ala.

1 Samuel 16:14

Yingo ti KOTA GBIA asigigi na tere ti Saul si mbeni sioni yingo so KOTA GBIA atokua ayeke sara lo kirikiri.

1 Samuel 16:15

Azo ti gbe ti Saul atene na lo: “Baa, Nzapa atokua sioni yingo si ayeke sara mo kirikiri.

1 Samuel 16:17

Saul akiri tënë na azo ti kua ti lo: “Ala gi zo so ahinga ti pika mozoko nzoni, ala ga na lo na mbi.”

1 Samuel 18:10

Lango oko na pekoni, Nzapa atokua sioni yingo na tere ti Saul si lo yeke diko atënë kirikiri na ya ti da ti lo. David apika kundi ti lo tongana ti so lo sara kozo, Saul ayeke na likongo ti lo na maboko ti lo.

1 Samuel 19:9

Sioni yingo so alondo na *KOTA GBIA aga na ndö ti Saul. Saul aduti na ya ti da ti lo; likongo ti lo ayeke na maboko ti lo, andaa David ayeke pika kundi.