1 Samuel 16:15 - Mbeti ti Nzapa - Tënë so amu fini

¹⁵ Azo ti gbe ti Saul atene na lo: “Baa, Nzapa atokua sioni yingo si ayeke sara mo kirikiri.

1 Samuel 16:15 ပူးပေါင်းရင်းမြစ်များ

Awafango-ngbanga 9:23

Na pekoni, Nzapa atokua mbeni yingo ti kangbi na popo ti Abimelek na akota zo ti gbata ti Sishem. Nilaa akota zo ni alondo ti ke lo.

1 Samuel 16:1

*KOTA GBIA atene na Samuel: “Fade mo yeke ngba ti sara mawa ndali ti Saul ngbii asi lawa? Mbi ke lo awe; lo yeke ngba gbia ti Israel mbeni pepe. Mo tuku mafuta na ya ti didi ti mo, mo londo mo gue. Mbi yeke tokua mo na ndo ti Yese, zo ti Betlehem, ngbanga ti so mbi soro mbeni molenge ti lo oko titene lo ga gbia.”

1 Samuel 16:14

Yingo ti KOTA GBIA asigigi na tere ti Saul si mbeni sioni yingo so KOTA GBIA atokua ayeke sara lo kirikiri.

1 Samuel 16:16

Ayeke nzoni gbia amu yanga si e gi mbeni koli so ahinga ti pika kundi. Na ndembe so sioni yingo aga na ndö ti mo, fade lo yeke pika kundi si be ti mo aduti nzoni.”

1 Samuel 18:10

Lango oko na pekoni, Nzapa atokua sioni yingo na tere ti Saul si lo yeke diko atënë kirikiri na ya ti da ti lo. David apika kundi ti lo tongana ti so lo sara kozo, Saul ayeke na likongo ti lo na maboko ti lo.

1 Samuel 19:9

Sioni yingo so alondo na *KOTA GBIA aga na ndö ti Saul. Saul aduti na ya ti da ti lo; likongo ti lo ayeke na maboko ti lo, andaa David ayeke pika kundi.