1 Samuel 16:13 - Mbeti ti Nzapa - Tënë so amu fini

¹³ Samuel amu didi so mafuta ayeke na ya ni si lo tuku mafuta ni na li ti David na le ti a-ita ti lo. Gi na lango ni so, yingo ti KOTA GBIA aga na ndö ti David. Na pekoni, Samuel amu lege akiri na Rama.

1 Samuel 16:13 ပူးပေါင်းရင်းမြစ်များ

2 Samuel 12:7

Natan atene na David: “Koli so asara ye so, mo laa! Baa, tënë so KOTA GBIA, Nzapa ti Israel atene ayeke so: ‘Mbi laa mbi tuku mafuta na li ti mo titene mo ga gbia ti Israel. Mbi nga laa mbi zi mo na maboko ti Saul.

2 Samuel 2:4

Azo ti Juda aga na Hebron si ala tuku mafuta na li ti David titene lo ga gbia ti Juda. Mbeni zo aga atene na David: “Azo ti Yabesh so ayeke na sese ti Galaad laa alu lani Saul.”

2 Samuel 23:1

Tanga ti atënë ti David ayeke so: Tënë ti David, molenge ti Yese, tënë ti zo so Nzapa ayo lo na nduzu; tënë ti gbia so Nzapa ti Jacob atuku mafuta na li ti lo, lo so azo ti Israel ahe bia mingi na iri ti lo.

2 Samuel 5:3

Tongaso, *akangba ti Israel kue aga na mbage ti gbia David na Hebron. Kâ, lo na ala asara *mbuki na dawa ti KOTA GBIA. Ala tuku mafuta na li ti David titene lo ga gbia ti Israel.

2 Agbia 9:6

Yehu alondo si lo na wayanga-Nzapa ali na ya ti da. Wayanga-Nzapa ni atuku mafuta na li ti lo si atene: “Tënë so KOTA GBIA, Nzapa ti Israel atene ayeke so: ‘Mbi tuku mafuta so na li ti mo titene mo ga gbia na ndö ti azo ti Israel, azo ti KOTA GBIA.

1 Mbai 11:3

Tongaso, *akangba ti Israel kue aga na mbage ti gbia David na Hebron. Kâ, lo na ala asara *mbuki na dawa ti KOTA GBIA. Ala tuku mafuta na li ti David titene lo ga gbia ti Israel alingbi na tënë so KOTA GBIA atene lani na lege ti Samuel.

Abia (Psaumes) 89:20

Mbeni lâ, na ya ti mbeni ye tongana bango-li, mo tene tënë na azo ti mo so angba na lege ti mo, mo tene: “Mbi mu maboko na mbeni kpengba koli oko na popo ti azo ti mbi, mbi zia mbeni maseka-koli na li ti azo ti mbi.

Abia (Psaumes) 89:21

Mbi wara David, zo ti kua ti mbi, mbi tuku mafuta ti mbi na li ti lo ti zia lo gbia; mafuta so ayeke nde si ayeke nzoni kue.

Wungo ti azo 11:17

Mbi yeke zu ti tene tënë na mo. Mbi yeke zi mbeni yingo so mbi mu na mo so kete ti kangbi na ala si ala lingbi ti mu maboko na mo, tongaso si gi mo oko laa mo yeke yo azo ni so pepe.

Wungo ti azo 27:18

KOTA GBIA akiri tënë na Moïse, atene: “Mo mu Josué, molenge ti Nune. Lo yeke zo so yingo ti mbi ayeke na lo; mo zia maboko na li ti lo.

Jean 3:34

Zo so Nzapa atokua lo, lo yeke tene gi atënë ti Nzapa, ngbanga ti so Nzapa amu Yingo ti lo ahon ndoni na zo ni.

Awatokua 13:22

So Nzapa azi lo awe, lo mu David, lo zia lo gbia na ndö ti ala. Nzapa atene tënë ti lo, atene: ‘Mbi wara David, molenge ti Yese, zo so be ti mbi aye lo, fade lo yeke sara aye so kue be ti mbi aye.’

Ahebro 1:9

Mo ye gi ye ti mbirimbiri si mo ke ye ti sioni. Ndani laa Nzapa, Nzapa ti mo asoro mo na popo ti amba ti mo si atuku mafuta ti matanga na li ti mo.”

Ahebro 11:32

Tënë ti nyen laa mbi yeke kiri ti tene? Ngoi atia mbi ti tene tënë kue na ndö ti azo tongana Gédéon, Barak, Samson, Yefte, David, Samuel na awayanga-Nzapa.

Awafango-ngbanga 11:29

Yingo ti *KOTA GBIA aga na ndö ti Yefte. Lo hon na sese ti Galaad na ti Manase, lo gue, lo si na Mispa so ayeke na Galaad; lo londo na ndo so, lo fâ katikati ti sese ti azo ti Amon.

Awafango-ngbanga 13:25

Lo yeke na bâbâ ti Dan, na popo ti agbata ti Sora na ti Eshetaol. Kâ laa yingo ti KOTA GBIA aga na ndö ti lo si lo to nda ti sara aye.

Awafango-ngbanga 14:6

Yingo ti KOTA GBIA aga na ndö ti Samson. Ataa so ye oko ayeke na maboko ti lo pepe, lo gbu bamara ni si lo suru ya ti lo tongana senge molenge ti ngasa. Me lo honde tënë ti ye so lo sara so na babâ na mama ti lo.

Awafango-ngbanga 3:10

Yingo ti KOTA GBIA ayeke na ndö ti Otniel si lo ga wafango-ngbanga na ndö ti azo ti Israel. Lo gue na bira. KOTA GBIA azia Kushan-Rishataim, gbia ti Mezopotamii na maboko ti lo si lo hon ndö ti Kushan-Rishataim.

1 Samuel 1:19

Na kota ndaperere, Elkana na asewa ti lo alondo si ala kuku na gbe ti KOTA GBIA. Na pekoni, ala kiri na kodro ti ala na Rama. Elkana na wali ti lo Anne aduti koli na wali si *KOTA GBIA adabe ti lo na Anne.

1 Samuel 10:1

Samuel amu ngbenda ti mafuta, lo tuku mafuta ni na li ti Saul. Lo su ngbangba ti Saul si lo tene na lo: “*KOTA GBIA wani laa atuku mafuta na li ti mo titene mo ga makonzi na ndö ti azo ti lo.

1 Samuel 10:6

Fade Yingo ti KOTA GBIA ayeke ga na ndö ti mo, mo yeke sara nga ye tongana ti ala si mo yeke ga mbeni zo nde.

1 Samuel 11:6

So Saul ama tënë so, yingo ti Nzapa aga na ndö ti lo si ngonzo ti lo ti wâ alondo.

1 Samuel 16:18

Mbeni zo ti kua oko akiri tënë, atene: “Mbi baa mbeni molenge ti Yese so ayeke lango na Betlehem. Molenge ni ayeke pika mozoko nzoni, lo yeke mbeni kpengba molenge, lo yeke mbeni ngangu turugu; lo yeke tene tënë na ndara; lo yeke mbeni pendere koli, KOTA GBIA ayeke na lo.”

1 Samuel 18:12

Saul asara mbeto ti David, ngbanga ti so Saul ahinga atene, *KOTA GBIA ake lo awe si lo yeke na David.

1 Samuel 2:35

Na pekoni, fade mbi yeke soro mbeni wayango-sandaga so ayeke sara ye na legeni. Lo yeke sara ande ye so anzere na mbi nga na ye so be ti mbi aye. Mbi yeke sara titene ahale ti lo aduti awayango-sandaga lakue. Zo ti mbi so mbi yeke soro lo titene lo ga gbia, fade ala sara kua na lo.