1 Samuel 16:12 - Mbeti ti Nzapa - Tënë so amu fini

¹² Yese atokua mbeni zo, amu molenge ni aga na lo. Lo be, lo pendere, le ti lo ayeke za pendere. KOTA GBIA atene na Samuel: “Lo laa, londo mo tuku mafuta na li ti lo.”

1 Samuel 16:12 ပူးပေါင်းရင်းမြစ်များ

Tongo nda ti aye 39:6

Potifar azia aye ti lo kue na maboko ti Joseph. So lo wara Joseph awe, lo zia be ti lo na ndö ti mbeni ye oko pepe, gi na ndö ti kobe so lo yeke te so, awe. Joseph ayeke mbeni maseka-koli so lo yeke pendere mingi si lo nzere na le ti azo.

2 Samuel 23:1

Tanga ti atënë ti David ayeke so: Tënë ti David, molenge ti Yese, tënë ti zo so Nzapa ayo lo na nduzu; tënë ti gbia so Nzapa ti Jacob atuku mafuta na li ti lo, lo so azo ti Israel ahe bia mingi na iri ti lo.

2 Samuel 7:8

Ti fadeso, mo tene na David, zo ti kua ti mbi, mo tene: Tënë so KOTA GBIA so ayeke na ndö ti dunia kue atene ayeke so: ‘Mbi laa mbi mu mo na ya ti ngonda, na peko ti ataba na angasa titene mo ga kota zo na ndö ti azo ti mbi, azo ti Israel.

1 Agbia 1:34

Kâ, fade wayango-sandaga Sadok na wayanga-Nzapa Natan ayeke tuku mafuta na li ti lo ti zia lo gbia na ndö ti azo ti Israel. Ti ala, ala yeke huru tatalita si ala dekongo, atene: ‘E mu gbia Salomon na nduzu!’

Abia (Psaumes) 2:2

Agbia ti sese alondo ti tiri bira; amakonzi ti akodro ama tere ti ke *KOTA GBIA, lo na zo ti lo so lo zia lo gbia so.

Abia (Psaumes) 2:6

si lo tene: “Mbi wani laa mbi zia gbia ti mbi na ndö ti hoto ti *Sion, hoto ti mbi so ayeke nde si ayeke nzoni kue.”

Abia (Psaumes) 78:70

Lo soro David, zo ti kua ti lo, lo gue, lo mu lo na ya ti gbagba ti batango anyama

Sigingo 2:2

Wali ni amu ngo si lo du molenge-koli. Lo baa so molenge ni ayeke pendere mingi si lo honde lo nze ota.

B. ti abia 5:10

Kamba ti be ti mbi, lo pendere mingi, lo be bengo; akoli saki baleoko alingbi na lo pepe.

Abia ti demango tere 4:7

Ando tere ti amolenge ti agbia ti Sion avuru tarara tongana tukia; avuru ahon ngu ti me ti bagara; tere ti ala abe pendere ahon têne ti korayi; tere ti ala avuru aza tongana têne ti safir.

Zakarii 4:14

Tongaso lo tene na mbi: “Akeke ti olive ni ayeke akoli so a tuku mafuta na li ti ala si a zia ala nde ndali ti kua ti KOTA GBIA, lo so lo yeke Makonzi ti sese kue.”

Awatokua 4:27

“Biani, Herode na Ponse Pilate, ala na azo ti amara nde na azo ti Israel abongbi tere na ya ti gbata so, ala leke tënë na tere ti Jésus, zo ti kua ti mo so ayeke nde si ayeke nzoni kue so, lo so mo mu lo ti ga Mesii.

Awatokua 7:20

Na ngoi so laa a du Moïse, lo yeke pendere na le ti Nzapa. A bata lo na ya ti da nze ota.

Ahebro 11:23

Na lege ti mabe, babâ na mama ti Moïse ahonde lo nze ota na peko ti so ala du lo. Ala baa so, lo yeke pendere mingi, ala ke mbela ti gbia; mbeto asara ala pepe.

1 Samuel 16:18

Mbeni zo ti kua oko akiri tënë, atene: “Mbi baa mbeni molenge ti Yese so ayeke lango na Betlehem. Molenge ni ayeke pika mozoko nzoni, lo yeke mbeni kpengba molenge, lo yeke mbeni ngangu turugu; lo yeke tene tënë na ndara; lo yeke mbeni pendere koli, KOTA GBIA ayeke na lo.”

1 Samuel 17:42

So zo ti Filistii so abaa David awe, David ayeke ye oko na le ti lo pepe, ngbanga ti so David ayeke gi maseka so lo be bengo si le ti lo apendere.

1 Samuel 17:55

So Saul abaa David amu lege ti gue ti tiri bira na zo ti Filistii so, lo hunda Abner, makonzi ti aturugu, lo tene: “Abner, babâ ti molenge-koli so ayeke zo wa?” Abner akiri tënë: “Gbia, mo laa mo ngba na fini le ti mo so, mbi hinga ye oko daa pepe.”

1 Samuel 9:17

Gi so Samuel abaa Saul awe, KOTA GBIA atene na lo: “Baa koli so mbi tene tënë ti lo na mo laa. Lo laa lo yeke sara ande komandema na ndö ti azo ti mbi.”