1 Samuel 16:11 - Mbeti ti Nzapa - Tënë so amu fini

¹¹ Samuel atene na Yese: “Amolenge ni kue laa?” Yese akiri tënë: “Angba kete molenge ni. Lo laa lo yeke bata anyama.” Samuel atene na Yese: “Tokua mbeni zo airi lo. Lo ga kue si e te kobe.”

1 Samuel 16:11 ပူးပေါင်းရင်းမြစ်များ

2 Samuel 13:3

Mbeni mba ti Amnon ayeke daa; iri ti lo Yonadab. Lo yeke molenge ti Shama; Shama ni ayeke ita ti David. Yonadab ayeke mbeni zo so ayeke sara ye na lege ti ndara mingi.

2 Samuel 7:8

Ti fadeso, mo tene na David, zo ti kua ti mbi, mo tene: Tënë so KOTA GBIA so ayeke na ndö ti dunia kue atene ayeke so: ‘Mbi laa mbi mu mo na ya ti ngonda, na peko ti ataba na angasa titene mo ga kota zo na ndö ti azo ti mbi, azo ti Israel.

1 Mbai 17:7

Ti fadeso, mo tene na David, zo ti kua ti mbi, mo tene: Tënë so KOTA GBIA so ayeke na ndö ti dunia kue atene ayeke so: ‘Mbi laa mbi mu mo na ya ti ngonda, na peko ti ataba na angasa titene mo ga kota zo na ndö ti azo ti Israel, azo ti mbi.

Sigingo 3:1

Moïse ayeke bata ataba na angasa ti kogara ti lo Zetro, wayango-sandaga ti azo ti mara ti Madian. Mbeni lâ, lo mu anyama ni, lo gue na ala na mbage ti benyama kâ, lo si na Horeb, hoto ti Nzapa.

1 Samuel 16:10

Yese airi amolenge ti lo ti koli mbarambara titene Samuel abaa ala; Samuel atene na lo: “Ala so kue so, *KOTA GBIA asoro zo oko na popo ti ala pepe.”

1 Samuel 17:28

Eliab, yaya ti David ama tënë so David ayeke tene na azo. Ngonzo agbu lo na tere ti David si lo tene na lo: “Mo ga ge ngbanga ti nyen? Mo zia akete nyama ti mo na benyama na zo wa? Mbi hinga mo kue; mo yeke zo ti karapiri si mo sara mbana ahon ndoni. Mo ga ge ti baa bira.”