1 Samuel 15:6 - Mbeti ti Nzapa - Tënë so amu fini

⁶ Saul atene na azo ti Keni: “Ala ngba na popo ti azo ti Amalek pepe; ala londo na tere ti ala ahon yongoro. Mbi ye titene mbi fâ ala na azo ti Amalek kue pepe, ngbanga ti so na ngoi so amolenge ti Israel alondo ando na sese ti Ezipte ti sigigi so, ala, azo ti Keni asara nzoni na ala.” Tongaso, azo ti Keni alondo na tere ti azo ti Amalek ahon.

1 Samuel 15:6 ပူးပေါင်းရင်းမြစ်များ

Tongo nda ti aye 15:19

Kodro ni ayeke bongbi akodro ti azo ti mara ti Keni, ti Kenizi, ti Kadmoni,

Tongo nda ti aye 18:25

Titene mo bongbi azo ti mbirimbiri na azo ti sioni kue ti fâ ala, so alingbi na mo pepe. So ti fa atene, zo ti mbirimbiri na zo ti sioni kue gi legeoko? Sarango ye tongaso alingbi na mo pepe! Lo so ayeke fâ ngbanga na ndö ti azo ti dunia kue, lo lingbi ti fâ ngbanga ti kirikiri tongana nyen?”

1 Mbai 2:55

ala na azo ti kete mara ti Yabes so ahinga mbeti mingi, so ti tene azo ti kete mara ti Tirati, ti Shimati na ti Sukati. Azo ni so ayeke azo ti mara ti Keni, ahale ti Hamat, kotara ti azo ti sewa ti Rekab.

Sigingo 18:19

Fadeso, mo ma mbi si! Mbi ye ti mu na mo wango; ayeke nzoni Nzapa aduti na mo. Mo laa mo yeke luti na dawa ti Nzapa na iri ti azo; mo laa mo yeke mu tënë ti ala ti fa na Nzapa.

Amato 9:6

Ala zia lege ti azo so le ti ala ahan pepe so si fade ala duti na fini! Ala mu lege so ala lingbi ti wara hingango ye daa!”

Wungo ti azo 16:34

Azo ti Israel so kue ayeke lango nduru na ala ama dekongo ti azo ni si ala tene: “E kpe si sese amene e pepe!”

Awatokua 2:40

Pierre atene ambeni tënë mingi, lo mu wango na ala titene tënë ni ali be ti ala si amu ngangu na be ti ala; lo tene: “Azo ti fadeso ayeke asioni zo; ayeke nzoni ala sigigi na popo ti ala si ala soo kuâ.”

2 Korente 6:17

Ndani laa *Kota Gbia Nzapa atene: “Ala sigigi na popo ti azo ni, ala duti yongoro! Ala ndu mbeni ye ti *sioni oko pepe, tongaso, fade mbi yeke yamba ala.”

2 Timothée 1:16

Ayeke nzoni *Kota Gbia asara nzoni be ti lo na azo ti sewa ti Onezifore, ngbanga ti so fani mingi, lo mu ngangu na be ti mbi. Kamene ti so mbi yeke na da ti kanga asara lo pepe;

Aye so Nzapa afa 18:14

Azo ti dengo buze ni atene na lo: “Aye so kue mo yeke sara nzara ni ando so, aye ni kue ahon yongoro na tere ti mo awe; apendere ye ti mo na aye ti mosoro ti mo ahon kue awe, mo yeke kiri wara ni oko pepe!”

Awafango-ngbanga 1:16

Babâ ti wali ti Moïse ayeke zo ti mara ti Keni. *Ahale ti lo na azo ti mara ti Juda alondo na gbata ti Amburu si ague na benyama ti Juda so ayeke na Mbongo ti sese ti Arad. Ala gue, asara kodro na popo ti azo ti Amalek.

Awafango-ngbanga 4:11

Heber, zo ti kete mara ti Keni akangbi na azo ti mara ti lo, azo ti sewa ti Hobab, kogara ti Moïse. Heber ague, aleke da ti lo ti bongo nduru na kodro ti Kedesh, na gbe ti kota keke ti shene ti kodro ti Saananim.

Awafango-ngbanga 5:24

E gonda Yael, wali ti Heber, zo ti mara ti Keni! E gonda lo na popo ti awali so kue ayeke lango na ya ti da ti bongo!

1 Samuel 15:5

Saul ague ngbii asi na gbata ti azo ti Amalek. Lo na aturugu ti lo ahonde tere ti ala na ndo so ngu ayeke sua daa, me ngu ni ahole awe.

1 Samuel 27:10

Tongana Akish ahunda lo, atene: “Laso ala tiri bira na ndo wa?” David akiri tënë: “Laso e tiri bira na mbage ti Mbongo ti Juda wala na mbage ti Mbongo ti azo ti mara ti Yerameli nga na mbage ti Mbongo ti azo ti mara ti Keni.”

1 Samuel 30:29

ala ti Rakal, ala ti agbata ti azo ti Yerameli, ala ti azo ti mara ti Keni,