1 Samuel 15:33 - Mbeti ti Nzapa - Tënë so amu fini

³³ Me Samuel atene na lo: “Yongoro zeme ti mo asara si amama ayeke na vundu ndali ti amolenge ti ala. Fade mama ti mo nga ayeke na vundu ndali ti molenge ti lo.” Tongaso, Samuel afâ Agag na dawa ti KOTA GBIA na Gilgal.

1 Samuel 15:33 ပူးပေါင်းရင်းမြစ်များ

Tongo nda ti aye 9:6

Zo so atuku mene ti mba ti lo, fade gi mba ti lo zo laa ayeke tuku mene ti lo, ngbanga ti so Nzapa asara zo si zo ni akpa gi lo Nzapa.

1 Agbia 18:40

Élie atene na ala: “Ala gbu awayanga ti nzapa Baal! Mbeni zo oko na popo ti ala akpe pepe!” Azo agbu awayanga ti Baal ni kue. Élie amu ala, ague na ala na yanga ti ngu ti Kishon si lo fâ go ti ala.

Sigingo 17:11

Tongana Moïse ayo maboko ti lo na nduzu, azo ti Israel ahon ala na ngangu; me tongana lo zia maboko ti lo na sese, azo ti Amalek ahon azo ti Israel na ngangu.

Sigingo 21:24

Tongana lo koro le ti zo, fade a yeke koro nga le ti lo; tongana lo fâ pembe ti zo, fade a yeke fâ nga pembe ti lo; tongana lo kungbi maboko ti zo, fade a yeke kungbi nga maboko ti lo; tongana lo kungbi gere ti zo, fade a yeke kungbi nga gere ti lo.

Ésaïe 34:6

Mene amu tere ti yongoro zeme ti KOTA GBIA kue, mafuta amu tere ni kue, mo baa mo tene, mene ti akete taba na ti akoli-ngasa, mo baa mo tene, mafuta ti ya ti akoli-taba. Na Bosra, li-kodro ni, a mu *sandaga na KOTA GBIA. Na kodro ti Edom, a fâ azo kue.

Jérémie 18:21

Ndani laa, mo zia amolenge ti ala akui na nzara. Mo sara si ala wani akui na lege ti yongoro zeme. Ayeke nzoni awali ti ala aga awali-mua si amolenge ti ala akui. Ayeke nzoni kuâ amu akoli ti ala si amaseka-koli ti ala akui na ya ti bira.

Jérémie 48:10

Deba aga na ndö ti zo so ayeke sara kua ti KOTA GBIA na wokongo tere! Deba aga na ndö ti zo so ake titene yongoro zeme ti lo atuku mene!

Osée 6:5

Ndani laa mbi pika ala na lege ti awayanga-Nzapa, mbi fâ ala na lege ti tënë ti yanga ti mbi. Fango ngbanga ti mbi ayeke sigigi polele tongana lumiere.

Wungo ti azo 14:45

Nilaa azo ti mara ti Amalek na azo ti Kanaan so alango na ndö ti ahoto ni so azu, ala tiri bira na azo ti Israel, ala nika ala ngbii asi na Horma.

Matthieu 7:2

Biani, Nzapa ayeke fâ ande ngbanga na li ti ala gi tongana ti so ala yeke fâ ngbanga na li ti azo. Ye so ala mu ti haka na ye na azo, ni laa Nzapa ayeke mu ni ti haka na ye na ala.

Jacques 2:13

Biani, zo so abaa mawa ti mba ti lo pepe, tongana Nzapa ayeke fâ ande ngbanga ti azo, lo yeke baa nga mawa ti zo ni pepe; me zo so abaa mawa ti mba ti lo, fade lo yeke sigigi na ya ti ngbanga.

Aye so Nzapa afa 16:6

Biani, ndali ti so azo ni atuku ando mene ti azo ti mo na ti awayanga-Nzapa, mo mu na ala mene ti nyon. Ye so alingbi na ala laa.”

Aye so Nzapa afa 18:6

Ala sara na lo ye alingbi gi na ye so lo sara na ala. Aye so lo sara na ala so, ala kiri peko ni na lo fani use. Vin so lo leke ni ti mu na ala ti nyon so, ala mu kopo, atuku mbeni vin na ya ni so ngangu ni ahon ti ti lo fani use si ala mu na lo.

Awafango-ngbanga 1:7

Adoni-Bezek atene: “Agbia balembarambara so mbi fâ akota li ti maboko ti ala na ti gere ti ala ayeke ro lani anduru mapa so ati na gbe ti meza ti mbi. Ye so mbi sara so laa Nzapa akiri peko ni na mbi so!” A mu Adoni-Bezek, ague na lo na Jérusalem si lo kui kâ.

1 Samuel 10:8

Fade mo yeke gue na Gilgal kozo ti mbi. Mbi yeke gue na peko ti wara mo kâ ti mu na Nzapa *sandaga so a yeke gbi ni kue na wâ nga na sandaga ti beoko. Fade mo yeke ku mbi na ya ti lango mbarambara ngbii mbi ga, mbi wara mo si. Tongana mbi ga, mbi yeke fa na mo ye so mo lingbi ti sara.”

1 Samuel 15:32

Na pekoni, Samuel atene: “Ala ga na mbi Agag, gbia ti Amalek.” Agag ni ayeke gue na tere ti Samuel, ngia na yanga ti lo. Lo yeke tene na be ti lo, lo tene: “Biani, ngoi ti mbeto ti kuâ ahon awe.”