1 Samuel 15:30 - Mbeti ti Nzapa - Tënë so amu fini

³⁰ Saul akiri atene: “Mbi sara siokpari awe. Fadeso, mbi gbu gere ti mo, mo ne mbi na dawa ti *akangba ti kodro ti mbi nga na dawa ti azo ti Israel. Ga, e na mo, e kiri legeoko titene mbi gue, mbi voro KOTA GBIA, Nzapa ti mo.”

1 Samuel 15:30 ပူးပေါင်းရင်းမြစ်များ

2 Samuel 12:13

David atene na Natan: “Mbi sara siokpari so ake KOTA GBIA awe.” Natan akiri tënë na David, atene: “KOTA GBIA azi siokpari na li ti mo awe; mo yeke kui pepe.

Sigingo 9:27

Faraon atokua a iri Moïse na Aaron si lo tene na ala: “Ti so ni, mbi sara sioni awe! Mbi na azo ti mbi, e sara sioni; KOTA GBIA laa ayeke mbirimbiri.

Ésaïe 29:13

*KOTA GBIA atene: “Azo so ayeke ga nduru na mbi gi na lege ti atënë senge, ala yeke ne mbi gi na atënë ti yanga senge, me be ti ala ayeke yongoro na mbi. Kpengo so ala yeke kpe mbi ayeke gi na lege ti ndia so azo afa na ala.

Habakuk 2:4

Su tënë ni tongaso: ‘Zo so baba ahon ndö ti lo, fade lo yeke kui; me fade zo ti mbirimbiri ayeke na fini na lege ti batango tënë ti yanga ti Nzapa.’

Jean 12:43

Biani, ala ye titene azo agonda ala ahon titene Nzapa laa agonda ala.

Jean 5:44

Ala ye titene amba ti ala laa agonda ala si ala nga agonda amba ti ala; me gonda so alondo na Nzapa oko, ala ye ti gi ni pepe. Fade ala lingbi ti ma na be tongana nyen?

2 Timothée 3:5

ala yeke sara ye, mo baa mo tene, ala yeke azo so agbu tënë ti Nzapa mingi, andaa ala zia lege ti ngangu ti mabe awe. Mara ti azo tongaso, ayeke nzoni mo zia lege ti ala.

1 Samuel 15:31

Samuel na Saul akiri legeoko si Saul ague ti voro KOTA GBIA.

1 Samuel 26:21

Saul atene: “Mbi sara siokpari awe. Molenge ti mbi David, kiri, mo ga. Mbi yeke kiri ti sara sioni na mo oko pepe, ngbanga ti so na bi so fini ti mbi aga mbeni kota ye na le ti mo. Taa-tënë mbi sara ye tongana zo so mbeni ye ayeke sara li ti lo. Mbi handa tere ti mbi ngangu.”